Sa i takon duelit me gjirokastritët, duhet ta konsiderojmë si ndeshje të radhës, jo “për jetë a vdekje”. Skuadra s’ka pse futet nën presion për të fituar me çdo kusht. Dëshira ime është shumë e madhe për ta fituar këtë ndeshje, për shumë arsye, për ecurinë tonë, për dinjitetin e çdo sportisti, të klubit, të emrit të Vllaznisë, të qytetarëve të Shkodrës dhe tifozëve të saj. Nuk do të jetë e lehtë, sepse përballë do të kemi një ekip shumë të fortë. Gabimi ynë i madh ndodhi te ndeshja me Korabin, nuk na falet. Sot, nëse do ta kishim fituar atë ndeshje, nuk do të ishim para një presioni për të fituar me çdo kusht ndaj Luftëtarit, sepse do të na bënte punë edhe barazimi. Megjithatë, nuk duhet t’i kthehem asaj që ka ndodhur, por të shohim përpara. Kemi probleme dëmtimesh edhe në këtë ndeshje, por do t’ia dalim me lojtarët e tjerë, që kemi në dispozicion. Unë besoj tek fitorja nesër.”
Komentet