Lajme nga Liga Superiore

[fpjalmi]

boll kena fol keq per sukajn por iket rradhe mendoj se o do ta tregojn vedin ose nese ban ma gabime te medhaja e ul vedin e tij

mund te them qe sukaj do ta bajn nji gol sepse e kupton edhe vete se i bjen morali

[fpjalmi]

Lushnja/Tekniku ironizon me FSHF pas fakteve për trukim

Gjyla: Propozoj që ta
bojkotojmë kampionatin
Tekniku: Vetëm ne dhe Partizani kemi luajtur ndershëm


Lushnja-Partizani
është supersfida e
mbijetesës, që do të
luhet në “Roza-Haxhiu” këtë
të shtunë. Pas barazimit të
merituar, të marrë përballë Vllaznisë,
verdhejeshilët vijnë
në këtë sfidë të fundit të kampionatit
të motivuar për të realizuar
objektivin e tyre madhor,
që është qëndrimi në Kategorinë
Superiore. Nëse Lushnja
do të marrë një fitore, me
dy gola diferencë, do i japë të
drejtën këtij ekipi që të luajë
edhe një takim tjetër, atë të
“play out”-it. Gjatë një interviste
të dhënë për “Panorama
Sport”, tekniku i Lushnjës, Ilir
Gjyla, analizon ndeshjet e javës
së kaluar, të cilat e kanë rënduar
shumë situatën e Lushnjës,
Partizanit apo edhe
ndonjë ekipi tjetër.
Kjo është java e fundit për
Lushnjën. A e kishit menduar
se do të arrinit deri këtu?
Vërtet kemi një meritë mjaft
të madhe që arritëm deri këtu,
sepse duke parë se si janë zhvilluar
takimet e tjera në javën
që kaloi, kemi rezistuar. Unë
nuk kam folur me drejtuesit e
klubit, por do t’u bëja një propozim
atyre, që në këtë ndeshje
ne të mos zbresim në fushën e
lojës, pasi tek gazeta juaj është
deklaruar nga presidenti i klubit
Shkumbini që e ka neglizhuar
takimin. Dhe nuk e di
se çfarë kërkon më FSHF-ja kur
i ka faktet, aq më tepër që vetë
trajneri peqinas dha dorëheqje
për këtë gjë. Ndaj dua të
ndalem në këtë pikë, pasi jemi
ne dhe Partizani, që po e vuajmë
këtë lojë apo edhe ndonjë
ekip tjetër i Superiores. Kemi
arritur deri këtu vetëm falë
mundit, djersës dhe shpirtit të
garës së të gjithë futbollistëve.
Lushnja–Partizani, për një
vend në “play out”. Si e shikoni
këtë takim, ku Lushnja
duket se tani e ka vetë në dorë
fatin e saj?
Ashtu siç e thashë edhe
pak më lart, ne nuk duhet të
kishim arritur në këtë takim.
Por ja që këto lojëra bënë që ne
të takoheshim në këtë sfidë
mbijetese. Për mua është një
takim shumë i fortë dhe i
rëndësishëm, megjithatë kam
besim se ne do ta fitojmë këtë
sfidë, duke zënë një vend në
“play out”. Jemi në një moment
mjaft të mirë, sidomos pas
pikës së marrë të shtunën në
“Loro Boriçi” ndaj kryesuesve
të kampionatit. Lojtarët gëzojnë
një gjendje shumë të mirë
psikologjike dhe kanë besim
në forcat e tyre se do të fitojnë
ndaj të kuqve.
Për të zënë një vend në
“play out”, Lushnjës i duhet
një fitore me 2 gola diferencë.
A do të prodhojë gola ky
ekip?
Unë kam besim se do të
dalim triumfues nga kjo sfidë
e rëndësishme, për fatin e një
qyteti si Lushnja. Ne kemi futbollistë
që e njohin portën, ndaj
kam besim se në këtë takim
nuk do të falim aq sa në
takimet e kaluara. Pra, mendoj
se përballë Partizanit do të luajmë
një ndeshje të madhe në
të gjitha aspektet, e unë as që e
vë në diskutim fitoren dhe
shënimin e dy golave. Luajmë
para publikut tonë e mendoj
se stadiumi “Roza Haxhiu”
nuk do të ketë asnjë vend bosh
atë ditë. Prandaj futbollistët do
të jenë shumë të karikuar për
t’i kënaqur fansat verdhejeshilë.
Në ndeshjen e parë të sezonit,
Partizani fitoi në Lushnjë.
E njëjta gjë ndodhi dhe
në fund të sezonit. A përbën
ndonjë problem ai takim për
ju?
Ai takim është zhvilluar
përpara një viti, e tani nuk më
intereson aspak. Tashmë në
skuadër ka lojtarë të tjerë, besim,
forcë dhe për më tepër, ka
më shumë dëshirë nga të
gjithë, ndaj ajo fitore e ekipit të
Partizanit i përket së kaluarës
e nuk ka asnjë problem.
Tek Partizani mungon
Ngjela, goleadori i këtij ekipi.
A ndihet i qetë Gjyla?
Unë e vlerësoj Partizanin si
ekip, por ne do të marrim masat
tona që t’i mbulojmë të
gjithë futbollistët e kuq, në
mënyrë që çdo gjë ta kemi nën
kontroll, e porta jonë të mbetet
e paprekur nga kundërshtari.
A do të ketë paqe mes jush
dhe kapitenit Çela në këtë
takim tepër deciziv për fatin
e Lushnjës, kur i duhet harmonia
më shumë se kurrë?
Së pari, dua t’ju them se
Çelës i është hequr shiriti i
kapitenit që pas ndeshjes me
Dinamon, pas një mbledhjeje
që ne bëmë si klub. Së dyti, ne
nuk jemi në luftë me njërittjetrin.
Do të grumbullojmë
lojtarët më të mirë e më në
formë për atë takim, ku absolutisht
nuk duhet të gabojmë.
Gjyla, pak më lart flisni
me bindje të plotë që do të
fitoni me Partizanin. Nga ju
buron ky besim?
Triumfin e shoh në sytë e
të gjithë futbollistëve, në impenjimin
në stërvitje, por edhe
në dëshirën që kanë për ta arritur
objektivin. Prandaj, nuk
e vëmë në diskutim fitoren.

[fpjalmi]

rregillorja

PËRCAKTIMI
I RENDITJES
Sipas nenit 26 të Rregullores
së Veprimtarisë Futbollistike
Kombëtare të FSHF-së, përcaktimi
i renditjes së klubeve
të futbollit të të gjitha kategorive
pjesëmarrëse në kampionatet
kombëtare, për
sezonin 2008-2009, vendoset
si më poshtë:
Në rast pikësh të barabarta,
ndërmjet dy ose më
shumë skuadrave, veprohet
duke mbajtur parasysh
rregullat e mëposhtme:
• Pikët e grumbulluara si
rrjedhojë e takimeve direkte
ndërmjet këtyre skuadrave.
• Diferencën e golave të
shënuar e të pësuar në
takimet direkte.
• Diferencën e golave të
shënuar e të pësuar gjatë
gjithë kampionatit.
• Numrin më të madh të golave,
të shënuar e të pësuar
gjatë gjithë kampionatit.
• Me short.

[fpjalmi]

Elbasani/Atmosferë e nderë pas rënies nga Kategoria

Shifrat e frikshme të
një sezoni të dështuar
Tifozët duan ndëshkimin e fajtorëve, që fundosën verdheblutë



Shkumbini dhe Besa
në ndeshjet e fundit
kanë qenë më pak të
motivuar seç duhej, duke i
lënë kundërshtarët e tyre të
merrnin pikët e plota. Mirëpo,
një gjë e tillë ka qenë në
dëm të Elbasanit, pasi tashmë
është thuajse në Kategorinë
e Parë. Në radhët verdheblu
pritej që të merreshin
masa ndëshkuese për lojtarët,
por në fakt asgjë s’ka
ndodhur. Humbja e fundit e
fiksuar në transfertë ndaj
“demave të kuq”, ka bërë që
në Elbasan të shuhen shpresat
për qëndrimin në Superiore.
Edhe pse akisonerët elbasanas
gjatë merkatos
dimërore bënë blerje të
bujshme, në radhët verdheblu
asgjë nuk ndryshoi. Që
nga muaji janar e deri tani,
dyshja Sejdini-Çërraga kanë
shpenzuar 500 mijë dollarë.
Gjatë 32 javëve kampionat
djemtë e Shehut kanë marrë
gashtë fitore, katërmbëdhjetë
barazime dhe dymbëdhjetë
humbje me një golavarazh
25:37.
Kategoria
Elbasani renditet në vendin
e fundit të klasifikimit
dhe është një nga ekipet që
ka prerë biletën për të rënë
në të Parën. Fajin për këtë,
sigurisht që e kanë të gjithë,
duke filluar nga dyshja e aksionerëve,
Qazim Sejdini
dhe Gentjan Çërraga, deri te
lojtarët, të cilët në këtë sezon
nuk bënë asgjë për të shpëtuar
ekipin nga rënia. Por një
Elbasani/Atmosferë e nderë pas rënies nga Kategoria
gjë është e sigurt se, sezonin
e ardhshëm fansat verdheblu
do ta shohin ekipin e
tyre të zemrës mes ekipeve
më inferiore të Kategorisë së
Parë.
Asnjë impenjim
Shumë nga futbollistët e
Elbasanit gjatë kohës që
kanë qenë pjesë e këtij ekipi,
më shumë e kanë pasur
mendjen tek alkooli, pokeri
dhe bixhozi sesa te ndeshjet.
Në përballjet e fundit impenjimi
i tyre ka qenë shumë
i dobët, sa në disa prej
lojtarëve verdheblu u
hodhën dyshime për
trukime. Madje, në ndeshjen
e fundit një nga futbollistët e
Elbasanit, Rrahman Hallaçi,
u pa teksa festonte me të kuqtë
sigurimin e mbijetesës.
Rënia në të Parën është përfolur
që në muajin dhjetor, ku
elbasanasit u mundën nga
Besa në “Ruzhdi Bizhuta”,
me rezultatin 0-1, por askush
për këtë nuk e vuri “ujin në
zjarr”. Është për të ardhur keq,
që një skuadër, për të cilën
janë shpenzuar miliona para
të katandiset si mos më keq.
Faktorët
Elbasanasit fajin për
rënien në të Parën, ia kanë
faturuar lëshimeve që kanë
bërë Shkumbini dhe Besa në
ndeshjet e fundit. Në fakt, fajin
për këtë e kanë vetë
lojtarët, të cilët nuk e morën
në dorë situatën, por e lanë të
përkeqësohej. Një faktor tjetër
që mund të ketë ndikuar në
rënien e Elbasanit, mund të
jenë edhe financat, për të cilat
drejtuesit e klubit gjatë këtij
sezoni nuk janë treguar
aspak korrektë. Dyshja aksionere
Sejdini-Çërraga, edhe
pse deklaronin se i kishin
paguar këstet, në fakt nuk
kishin kaluar asgjë në kontot
bankare të lojtarëve.
Disiplina
Për elbasanasit nuk ka asnjë
dyshim se, ky sezon është
më i dështuari në të gjithë
historinë e këtij klubi. Te
lojtarët verdheblu, asnjëherë
nuk ka mbizotëruar disiplina.
Mjafton të bëje një xhiro
në orët e vona të natës dhe
një pjesë të mirë e tyre i gjeje
nëpër lokale nate. Ata nuk
janë angazhuar në nivelin e
duhur, e për pasojë Elbasani
ra në një kategori më poshtë.
Premtimi
Tashmë që gjërat janë të
qarta, dyshja e aksionerëve
duhet të mbajë dhe premtimin
e fundit, që u ka bërë fansave
verdheblu. Ata duhet të
ndëshkojnë “aktorët” që
çuan Elbasanin në të Parën
dhe nëse një gjë e tillë nuk
do të ndodhë, atëherë dhe
Sejdini e Çërraga janë pjesë
e skenarit, që çuan Elbasanin
në një kategori me
poshtë.

[fpjalmi]

Trukimet/Institucioni më i lartë i futbollit reagon pas kritikave të mediave për shitjet

Pazaret, federata nis hetime
“Do të hetojmë jo vetëm për ndeshjen Shkumbini-Bylisi, por edhe për takime të tjera”



Federata Shqiptare e
Futbollit ka premtu
ar se do të nisë hetime
për skandalin e
ndeshjeve të fundit, ku disa
ekipe kanë toleruar hapur në
fushën e lojës, duke paracaktuar
rezultatet, pra duke
trukuar ndeshjet në Kategorinë
Superiore. Inspektorët
e Disiplinës do të hetojnë
ndeshjen Shkumbini-Bylisi,
0-2, të javës së kaluar, por
edhe disa takime të tjera. U
desh alarmi i dhënë nga mediat
që FSHF-ja të zgjohej nga
gjumi. Megjithatë, reagimi i
institucionit të futbollit edhe
kësaj radhe duket se ka karakter
më tepër formal, se sa
për të treguar se vërtetë do të
vërë para përgjegjësisë ata që
mund të kenë shkelur rregullat
e garës. “FSHF i bën
thirrje të gjithë faktorëve që
ndikojnë në rritjen e nivelit
të futbollit në Shqipëri, që të
bëjnë maksimumin për të
ruajtur vlerën e lojës, cilësinë
dhe ‘fair play’-in”, citohej
në deklaratën për shtyp
të FSHF-së. Ndërkaq, pohimi
i presidentit të Shkumbinit,
Xhavit Ismaili, për
“Panorama Sport” se,
skuadra peqinase kishte
toleruar ndaj Bylisit, ka
detyruar federatën të mbajë
një qëndrim. “FSHF-ja ka
dërguar inspektorët e saj të
Disiplinës, për të kontrolluar
garën dhe për të sjellë
materiale të vlefshme, të
cilat do të merren në konsideratë
nga komisionet përkatëse,
sidomos për
ndeshjen Shkumbini–Bylisi,
por edhe për disa
ndeshje të tjera, duke premtuar
transparencë”, thuhej
në komunikatën për shtyp të
federatës.Problemet
U bënë disa javë që flitet
për rezultate të paracaktuara
dhe lënie ndeshjesh në
Kategorinë Superiore, por
Federata Shqiptare e Futbollit
vendosi të reagojë
pikërisht një javë para
mbylljes së sezonit. FSHF
pretendon se e ka luftuar
gjatë gjithë kohës këtë
fenomen, por në fakt nuk ka
asnjë rezultat konkret, pasi
asnjë ekip apo futbollist i
kampionatit shqiptar nuk
është ndëshkuar për
trukime ndeshjesh. Federata
pretendon se kampionatet
e dy sezoneve të
fundit janë më të bukurit
dhe më të ndershmit e dy
viteve të fundit, por faktet
tregojnë të kundërtën.
“Konfirmojmë se është
pranuar nga të gjithë, që
dy-tre vjetët e fundit kanë
qenë më të bukurat dhe më
të ndershmet në këto 20
vjet”, shkruhej ndër të tjera
në deklaratën për shtyp të
FSHF-së. Drejtuesit e institucionit
të futbollit u kanë
bërë thirrje të gjithë faktorëve
që ndikojnë në sportin
e top-këmbës që të kontribuojnë
për korrektësi e
ndershmëri, por nga ana e
saj FSHF-ja nuk u ka
kërkuar asnjëherë mbështetje,
ndihmë apo asistencë
organeve juridike në Shqipëri
për të ndihmuar në
hetimin dhe zbardhjen e
shumë ndeshjeve të përfolura.

[fpjalmi]

Kryebashkiaku Sejdini
bën kërkesë-padi në FSHF
Pas shumë debateve dhe polemikave, një nga drejtuesit më të
lartë të ekipit të Elbasanit, kryebashkiaku Qazim Sejdini, iu drejtua
dje zyrtarisht FSHF-së me një kërkesë-padi, ku kërkon hetim
rreth ecurisë së ndeshjeve Besa-Apolonia dhe Shkumbini-Bylisi.
Sejdini, i cili është njëri prej aksionerëve kryesorë të klubit
të Elbasanit, që pas arrestimit të Lazes, këmbëngul në kërkesën
e tij se ka prova të mjaftueshme e bindëse mbi trukimin e këtyre
dy ndeshjeve që ndikuan në nxjerrjen e Elbasanit nga Kategoria
Superiore. Kryetari i bashkisë beson se FSHF-ja do të veprojë
e do të vërë para përgjegjësisë dhe drejtësisë aktorëtt që
çuan në trukimin e këtyre ndeshjeve. Më tej, Sejdini ka shprehur
besimin se do të marrë një përgjigje zyrtare fare shpejt nga
organet kompetente të FSHF-së, me qëllim që Elbasani të mos e
braktisë ndeshjen e ditës së fundit të kampionatit, atë ndaj
Teutës. Kryebashkiaku kishte deklaruar që të dielën se do të
merrte masa për pazaret që u zhvilluan haptazi gjatë javëve të
fundit e që ndikuan në penalizimin e Elbasanit. Drejtuesi i klubit
verdheblu është shtyrë më shumë për të bërë kërkesën edhe
nga deklarata e bërë prej presidentit të Shkumbinit, Xhavit Ismaili,
në “Panorama Sport”, ku shprehej haptazi se skuadra e tij
kishte toleruar ndaj Bylisit. Aldi Kozaria

[fpjalmi]

Presidenti i Shkumbinit
“Bomba” e Ismailit: Po,
toleruam ndaj Bylisit




Presidenti i Shkumbinit ka pranuar se ndaj Bylisit, në ndeshjen e
javës së 32-të në Elbasan (ndeshja luhej në fushë asnjanëse, për
shkak të pezullimit të Shkumbinit), skuadra e tij ka toleruar në rezultat,
duke u dhënë një dorë ballshiotëve për mbijetesë, me atë trepikësh
aq të kërkuar prej tyre. Pikërisht ky tolerim duket se ka qenë dhe
“molla” e sherrit mes presidentit Ismaili dhe trajnerit Magani, i cili disa
minuta para takimit është kthyer në ish-in e radhës në pankinat e
Superligës. Në një intervistë për Panorama Sport”, Xhavit Ismaili ka
deklaruar se Gugash Magani dëshironte të favorizonte Elbasanin në
“luftën” për mbijetesë. “Konfirmoj se ka pasur një lloj tolerimi në
ndeshjen ndaj Bylisit. Deri në takimin me Flamurtarin, Shkumbini po
ecte përgjithësisht mirë. Por më pas, mua m’u kërkua që ta motivoja
më shumë skuadrën, gjë të cilën realisht nuk e bëra, se nuk desha ta
bëj”, ka thënë Ismaili për “Panorama Sport” dy ditë më parë

[fpjalmi]

rregullorja

Në nenin 23 të Kodit
të Drejtësisë Sportive,
të rregullores së
FSHF-së, thuhet se:
Subjektet që
korruptojnë, apo
korruptohen
nëpërmjet dhuratave
me vlerë mbi 50
euro, apo ato
subjekte që bëjnë
premtime me qëllime
përfitimi, dënohen
me heqje të pikëve
dhe me pezullim nga
2 deri në 5 vjet.

[fpjalmi]

Kemi garë politikanësh apo kampionat futbolli në Shqipëri?



Luftë deri në sekondën e fundit. Në krye dhe në fund të renditjes. Me një verdikt të zbuluar një javë para përfundimit të garës. Me Elbasanin, thuajse të rënë një kategori më poshtë. Bazuar në këtë shkakësi të gjërave, të situatës së renditjes, mund të thuash se kemi të bëjmë me një kampionat për t’u shënuar e mbajtur mend gjatë. Por, po t’u referohesh gafave institucionale të sektorit të garave, akuzave për lëshime në ndeshje të ndryshme, trajnerëve që nuk patën kurajon të flisnin pas ndeshjeve, ndonjë tjetri që iku fare nga stoli, pa u luajtur java e 32?të, nuk ke se si të mos dyshosh edhe ti. Megjithatë, përtej këtyre përsiatjeve, që janë bërë normale për realitetin e futbollit tonë, është shkruar mjaft për to, por pak, për të mos thënë fare është reaguar, qoftë edhe me ndonjë falje publike, ia vlen të ndalemi në kreun dhe fundin e renditjes. Sepse, sikurse tregoi edhe java e shkuar, veçanërisht ndeshja e luajtur në “Loro Boriçi”, këto dy ekstreme të tabelës së klasifikimit po ndërvarin fatin e njëra?tjetrës.

[Skodrinon]

Tirana kyç gojën para “finales” me Vllazninë

Drejtuesit e klubit kanë dhënë një urdhër të prerë, duke detyruar lojtarët të mos japin deklarata

Lojtarët e skuadrës së Tiranës, të paktën këto 2-3 ditë, nuk do të lejohen që të japin prononcime në media. Para se të niste seanca e djeshme stërvitore, tekniku i bardhebluve, Alban Tafaj, ka mbledhur stafin teknik, ndihmësin e tij Bençivenga, por edhe trajnerin e portierëve, Astrit Nallbani.

Krahas trajtimit të programit stërvitor të ditës së djeshme, nga ana e trajnerit Tafaj u është komunikuar edhe një heshtje për shtyp të gjithë lojtarëve. Madje kjo ka qenë e formës së prerë dhe nuk është diskutuar gjatë, pasi mund të ketë edhe masa se kush e shkel këtë urdhër. Drejtuesit e klubit bardheblu këtë vendim e marrin në prag të sfidës me Vllazninë që do e luajnë këtë javë në “Qemal Stafa”. Me sa duket, kjo bëhet edhe për të qenë më të qetë dhe larg presionit dhe zhurmës mediatike.

Takimi me shkodranët konsiderohet ndeshje “për jetë a vdekje” për drejtuesit dhe lojtarët bardheblu. Dështimi në finelen e Kupës me Flamurtarin, duket se i ka lënë me “gisht në gojë” ata, pasi e konsideronin një trofe kryesor, krahas kampionatit.

Pas seancës së djeshme, tekniku i bardhebluve, Alban Tafaj, lidhur me heshtjen për shtyp në një prononcim të tijin për “Sportin shqiptar”, do të deklaronte: “Nuk kemi asgjë me median, që gjithmonë ka bërë me transparencë punën e vet, kjo është bërë vetëm në të mirë të punës sonë. Pasi e diskutuam si staf, vendosëm që të paktën këto ditë para sfidës decizive me Vllazninë të mos ketë asnjë deklaratë në media.

E menduam këtë pasi skuadra ka kaluar një periudhë të ngjeshur javët e fundit, pasi kemi bërë disa ndeshje delikate, ndaj edhe ka ardhur momenti që të rrimë larg trysnisë së medias. Nuk është momenti që të merremi me deklarata, të gjithë duhet të përqendrohemi tek ajo që ne e kemi konsideruar “finale” të vërtetë, pra takimi me shkodranët. Aty luhet një sezon i tërë për Tiranën.

Ndaj që të gjithë duhet të përqendrohemi te kjo sfidë”, - e mbylli trajneri i bardhebluve, Alban Tafaj. Ky i fundit, në dy përballjet që ka drejtuar Tiranën ka marrë plot gjashtë pikë, por edhe duke i rikthyer bardheblutë në vendin e parë, vend që e kishin humbur pas barazimit në Kavajë me Besën. Ajo që është për t’u theksuar dhe që ka rënë në sy është disiplina e hekurt te skuadra e Tiranës që kur ka marrë drejtimin e ekipit.

Ditën e djeshme, Tafaj dhe Bençivenga kanë punuar gjatë me lojtarët, ndërsa seanca ka qenë mjaft e ngarkuar. Kështu skuadra është ndarë në dy grupe, ndërsa dyshja drejtuese është marrë me ushtrime të veçanta në të tri repartet, ndërsa janë provuar të gjithë lojtarët që kanë qenë në dispozicion. Kjo u bë me qëllimin e mirë për të krijuar një ide të qartë rreth formës së tyre, por edhe për kolaudimin e formacionit anti-Vllaznia. Pozitive për Tafajn është gjëndja e mirë e lojtarëve, ndërsa do të ketë luksin që t’i ketë të gjithë në dispozicion në ndeshjen e kësaj fundjave. Erjon SALIU

Tirana-Vllaznia në orën 19:00

Përballja mes Tiranës dhe Vllaznisë do të luhet nën dritat e projektorëve të “Qemal Stafës” në orën 19:00. Nga burime të sigurta pranë bardhebluve bëhet e ditur se do të ketë një numër rekord fansësh në mbështetje të ekipit të tyre të zemrës që është shumë pranë titullit të 24-t.

“Bilbil” austriak ose gjerman për “finalen”

Edhe pse nuk është përcaktuar akoma se kush do të jetë gjyqtari i takimit Tirana-Vllaznia, nga ajo që bëhet e ditur në klubin bardheblu, dy janë pistat: gjyqtar austriak ose gjerman. Emri i gjyqtarit do të mësohet një ditë para takimit të 23-Majit i fundit për këtë sezon futbollistik.

S.Shqiptar

[fpjalmi]

paskan fillu per me fol shkodranet dhe me mbyll gojen tiransit

[fpjalmi]

Tafaj, me dorë të hekurt
Edhe pse provizorisht në krye të skuadrës, Alban Tafaj
nuk ka lënë asnjë shteg për abuzim në seancat stërvitore
dhe kjo shihet jo vetëm nga prezenca e plotë e të
gjithë lojtarëve, por edhe në ngarkesën e konsiderueshme
fizike. Në seancën e djeshme, ekipi iu nënshtrua disa
ushtrimeve për mbi dy orë. Por nuk kanë munguar ndërkohë
edhe kritikat e teknikut në shumë aspekte, teksa ka
përsëritur herë pas here se dëshiron më tepër impenjim
nga lojtarët. Këta të fundit kanë treguar në dy ditët e fundit
se gëzojnë një formë të shkëlqyer dhe janë të gjithë të
gatshëm për duelin me Vllazninë. Në seancën e djeshme
pati shumë ushtrime taktike dhe skema me karakter sulmues,
çka tregon ambiciet e grupit për fitore.

[fpjalmi]

Gjyqtarët, gjermanë ose austriakë
Është vendosur përfundimisht që takimi Tirana-Vllaznia
do të luhet në stadiumin kombëtar “Qemal Stafa”,
në orën 19:00 dhe do të drejtohet nga një treshe gjyqtarësh
të huaj. Në lidhje me këta të fundit, drejtuesit e Tiranës u
shprehën dje se Federata Shqiptare e Futbollit është në
bisedime me një treshe arbitrash gjermanë dhe një treshe
austriake. Mirëpo nga vetë institucioni më i lartë i futbollit
mësohet se ata janë zgjedhur, por do të bëhen publikë
në kohën e duhur. Zgjedhja e arbitrave të huaj për një
takim të tillë të rëndësishëm shihet nga të dyja palët si një
zgjidhje e drejtë, për shkak se ka më pak paragjykime.

[fpjalmi]

goldi edhe man in red blu.

xhyxhtarin do ta kena austriak ose gjerman

interresojuni ,me i fit nej gja ne gjep ,sepse paska lajmeru fushaj me iu than

[fpjalmi]

Trukimet, në shënjestër
vihet Nikola Karçev
Mbrojtësi: Kam pjesën time të fajit, por s’jam i shitur
Elbasani/ Akuza të ndërsjellta për shitje të ndeshjeve


Lojtarët e Elbasanit
kanë nisur akuzat
ndaj njëri-tjetrit. Shkak,
natyrisht, është bërë
humbja me Partizanin në
javën e fundit, e cila e detyron
në një farë mënyre këtë
skuadër që të luajë sezonin
tjetër në Kategorinë e Parë.
Një pjesë e lojtarëve, të kontaktuar
nga “Panorama
Sport”, kanë bërë me faj për
rënien e Elbasanit nga kategoria
mbrojtësit e skuadrës,
dhe më konkretisht maqedonasin
Nikola Karçev. Ky i
fundit etiketohet nga një pjesë
e mirë e lojtarëve si personi
që mund të ketë qenë pjesë e
trukimeve të ndeshjeve në
kurriz të ekipit. Mirëpo kjo
është një hipotezë, që nuk do
mund të provohet kurrë, pavarësisht
se një pjesë e mirë e
futbollistëve janë të bindur se
Karçev ka qenë i blerë nga
skuadrat me të cilat Elbasani
është ndeshur, gjatë javëve të
fundit të kampionatit. Por, në
situatën ku ndodhet klubi elbasanas,
kur sapo i ka dhënë
lamtumirën Kategorisë Superiore,
kurrsesi nuk duhet që
faji t’i faturohet një njeriu të
vetëm, siç është Karçev. Gjithsecili
duhet të marrë përsipër
pjesën e tij të përgjegjësisë,
duke filluar që nga lojtarët,
stafi drejtues dhe aksionerët.
Sepse janë që të gjithë bashkëfajtorë
për degradimin e
Elbasanit gjer në këtë pikë.
Deri tani, dy janë lojtarët e
akuzuar. Para maqedonasit
Karçev, e njëjta gjë u dyshua
për Rrahman Hallaçin. Vetëky, i kontaktuar nga gazeta
“Panorama Sport”, është
shprehur i habitur në lidhje
me këtë thashethem. Madje
ka theksuar në mënyrë kategorike
se as që e ka çuar ndonjëherë
ndërmend të bëhet
pjesë e trukimeve të ndonjë
ndeshje. “Dua t’ju them, -
është shprehur maqedonasi
me një shqipe të cunguar, -
se, sigurisht, unë kam pjesën
time të fajit për rënien e ekipit
nga Superliga, por nuk
mund ta pranoj kurrsesi se
kam qenë ndonjëherë pjesë e
trukimeve të ndeshjeve, që
nga koha kur jam bërë pjesë e
ekipit të Elbasanit”. Por
Karçev jo vetëm që i hedh
poshtë akuzat që i bëhen, por
nga i akuzuar kthehet në akuzues.
Sepse, sipas tij, janë të
tjerë futbollistë brenda ekipit
që duhet të japin llogari përpara
fansave verdheblu për
këtë çështje. Një pjesë e tyre e
dinë mirë se çfarë kanë gatuar
që nga muaji janar e deri
tani. “Mua më vjen keq që
dështuam me Elbasanin këtë
sezon, por kurrë nuk mund të
pranoj se kam qenë pjesë e
këtij dështimi, duke trukuar
ndeshjet”, ka mbyllur prononcimin
e tij Nikola Karçev

[fpjalmi]

Vangjeli, “blu” për Kombëtaren
“Zgjodha këtë skuadër, sepse në ndryshim me Tiranën e Partizanin është larg streseve”
Dinamo/ Mbrojtësi i majtë i kuqezinjve, stërvitje me skuadrën e Shkëlqim Muçës



Kristi Vangjeli,
mbrojtësi i majtë i
Kombëtares shqiptare,
që nga dita e
djeshme ka nisur të stërvitet
me Dinamon. E ka zgjedhur
këtë skuadër, në një kohë që
të shtunën pasdite ka qenë i
pranishëm dhe në “Selman
Stërmasi” në derbin Dinamo-
Tirana, sepse blutë sipas
tij, janë më pa strese në këtë
fund kampionati në krahasim
me bardheblutë dhe
Partizanin. Por Vangjeli, që
ka përfunduar kontratën me
Arisin e Selanikut, e përjashton
mundësinë e ardhjes në
kampionatin shqiptar, pa
thënë që nuk e çon ndërmend
të vijë si huazim për
klubet tona, të cilat do të
marrin pjesë në Kupat e
Evropës. I pëlqejnë kampionatet
e Gjermanisë, Anglisë
dhe Italisë, ndërsa është në
studim të ofertave. Sa për
Kombëtaren, kërkon një rezultat
ndryshe, në mënyrë që
të rregullohet imazhi përpara
tifozerisë shqiptare, pas
humbjeve me Hungarinë
dhe Danimarkën.
Kristi Vangjeli te Dinamo.
Çdo të thotë kjo?
Kampionati grek ka disa
javë që ka përfunduar dhe
kontrata ime me Aris Selanikun
tashmë është e mbyllur.
Për të mos mbetur prapa në
stërvitje, në një kohë që në
qershor janë edhe ndeshjet e
Kombëtares me Portugalinë
dhe Gjeorgjinë, atëherë zgjodha
Dinamon për stërvitje.
Sepse, nga tri ekipet e kryeqytetit,
Dinamo është skuadra
më pa strese në këtë fund kampionati.
Gjithçka do të
vazhdojë deri në fundin e
kësaj jave, për të qenë sa më
gati për ekipin kombëtar.
Cila do të jetë e ardhmja
e juaj, në kushtet kur ju ka
përfunduar kontrata me Arisin?
Besoj se shumë shpejt do
të vendos. Nuk mund të them
asgjë për momentin, sepse
jam duke i studiuar të gjitha
ofertat. Por brenda një kohe
të shkurtër do të vendos.
Si mund të cilësohet kampionati
i juaj i fundit në
Greqi?
Them se ka qenë një kampionat
i mirë dhe aktivizim
pozitiv. Jam mundur të jap
më të mirën time, sa herë që
kam luajtur Arisin Selanikun.
Ndonëse në një kohë relativisht
jo të vogël nuk kam
luajtur, them se jam mirë. Ka
qenë paksa problem aktivizim
im në ekipin e Arisit,
sepse atje presidenti, trajneri,
por edhe menaxheri vendosnin
për gjithçka. Megjithatë,
jam aq në formë sa t’i shërbej
Kombëtares.
Meqë jemi tek ekipi Kombëtar,
si komentohet vendosja
e trajnerit të ri?
Duhet të ishte më bërë më
shpejt, në mënyrë që edhe trajneri
i ri, por edhe Federata
Shqiptare e Futbollit të përgatiteshin
për ndeshjen e
rëndësishme me Portugalinë,
më 6 qershor. Është një
ndeshje e rëndësishme për
ne, për kualifikueset e
Botërorit “Afrika 2010”, atje
ku një barazim, apo një fitore,
do të ishte dhe një ringritje e
imazhit tonë përpara tifozerisë.
Gjithsesi, shpresojmë që
gjithçka të shkojë mirë.
Humbjet me Hungarinë
dhe Danimarkën vazhdojnë
ende të komentohen
prej jush?
Ishin gabimet e trajnerit
Han, i cili e kushtëzoi ekipin
në ato dy humbje, ndoshta
edhe që priteshin, sepse e tillë
ishte krijuar situata nga
tekniku holandez. Nuk ishin
të mira si humbje, megjithatë
ndodhën.
Duke mbetur te ju si individ,
cilat janë alternativat
e mundshme për të lëvizur?
Unë kërkoj të jem në
Evropë, sepse nuk dua të
vazhdoj më në kampionatin
grek. Kërkoj një rritje të nivelit
tim si futbollist dhe e vetmia
mundësi është lëvizja nga
kampionati grek. Nuk e di
për momentin, do shohim.
Përjashtohet mundësia e
ardhjes tuaj në kampionatin
shqiptar?
Jo, nuk ka për të ndodhur,
të paktën për momentin nuk
ekziston si mundësi.
As në formë huazimi, për
të ndihmuar skuadrat që
marrin pjesë në Kupat e
Evropës?
Do të ishte shumë e gabuar
nëse do të pranoja të luaja në
formë huaje në Kupat e
Evropës për ekipet shqiptare.
Është shumë i largët ky mendim,
sepse kam plane të tjera.
Cilat janë preferencat tuaja
për të shkuar në Evropë?
Ka kampionate të mira
dhe të një niveli të lartë në
Gjermani, në Itali dhe në Angli.
Nuk e di, por do të shohim.
A kanë nisur të mbërrijnë
ofertat për ju?
Sigurisht. Jam duke i studiuar
dhe shpresoj të zgjedh
më të mirën për veten time.
Jam duke i parë me kujdes,
në mënyrë që të vendos siç
duhet.
Së fundi, një paraqitje e
mirë me Portugalinë mund
të vendosë gjithçka për kontratën
e re?
Edhe mundet, veçse nuk
do të jetë shumë e lehtë, sepse
dihet se cila është Portugalia.
Megjithatë, shumë shpejt do
ta bëj të ditur “strehëzën”
time të re.

[fpjalmi]

kristian vangjeli me dinamon






po habitem shum nga kjo blemje,vecse di me than

hallall presidentit te dinamos

[fpjalmi]

nuk dihet hala a ka me lujt apo ja ,por cdo gja asht e mundshme ndoshta.

[Skodrinon]

nuk e kan ble po vetem ka me u stervite me ta

[GOLDIAN]

asht tu stervit me ta ma pjalm
me majt formen se ishtu futbollistash kena na slosin tan sezonin ne skuadrat e tyne e vijne mandej me na ba si ronaldo ne superlige