“Shkodra Basket”, kampionia absolute e basketbollit shqiptar
Në 18 ndeshje, 17 fitore, 1836 pikë të shënuara dhe 807 të pësuara, me mesataren e shënimit të 102 pikëve në ndeshje ështëv treguesi më i qatrë për punën që kanë bërë me këtë skuadër trajneri Renato Radoja dhe ndihmësja e tij Xhuljeta Shestani
Përfundimi i Kampionatit Kombëtar të Basketbollit për të reja ka shpallur kampione të Shqipërisë ekipin “Shkodra Basket’, ekip ky i drejtuar me kompetencë dhe profesionalizëm nga dy emra tepër të spikatur të basketbollit shkodran dhe atij shqiptar, Renato Radoja dhe Xhuljeta Shestani, që të dy të vlerësuar maksimalisht në përvjetorin e 90-të të klubit Vllaznia nga Presidenti i Republikës Bamir Topi me titullin “Mjeshtër i Madh i Punës” . “Shkodra Basket” e arrin këtë sukses me një brez të artë talentesh të reja, të cilat me vlerat e padiskutueshme që disponojnë pritet të rikthejë traditën e lavdishme të basketbollit shkodran, ashtu si dikur, kur Vllaznia për femra në basketboll ishte lider në vendin tonë. Skuadra e drejtuar nga trajneri i parë Radoja dhe ndihmësja e tij Shestani e fitoi këtë titull duke qënë në garë me ekipe të tjera të kampionatit shqiptar, si Vllazninë e drejtuar nga Rajmond Rasha dhe Afërdita Rakaj, kampione e Shqipërisë për sezonin e kaluar, Elbasanin, Tiranën, Flamurtarin, Skenderbeun, Apoloninë, DHL e Tiranës, Lushnja. Suksesi i trajnerit Radoja në këtë sezon sportiv është vazhdë e një pune gjashtë vjeçare plot passion dhe profesionalizën, vite këto që flasin vetëm për suksese dhe fitore të të gjitha
aktiviteteve të organizuara nga Federata Shqiptare e Basketbollit me ekipet e moshave. Ndërkohë, suksesi i kësaj
radhe është padyshim më i bukuri dhe më i veçanti, pasi arrihet në një kategori dinjitoze të basketbollit shqiptar, siç është kampionati i të rejave.
Formacioni
Për lexuesit e gazetës “Vllaznimi Sportiv” do të ishte me interes të njiheshim me protogonistet e skuadrës “Shkodra Basket”, skuadrës kampione të Shqipërisë, e cila falë rezultateve fantastike që arriti në këtë sezon ishte absolutja e Shqipërisë.
1. Ingrit Dashja, kapitenia e skuadrës, nxënëse e shkollës së mesme “Pjetër Meshkalla”, viti i dytë.
2. Enxhi Xhanaj, nxënëse e klasës së 9-të në shkollën “Xheladin Fishta”.
3. Fatjona Borova, nxënëse e shkollës së mesme “Oso Kuka”, viti i dytë.
4. Medina Mustafa, nxënëse e shkollës së mesme “28 Nëntori”, viti i dytë.
5. Paradisa Memçaj, nxënëse e shhkollës së mesme “28 Nëntori”, viti i dytë.
6. Orjeta Basha, nxënëse e shkollës së mesme “Gjuhët e Huaja”, viti i dytë.
7. Alba Dashja, nxënëse e shkollës së mesme “Pjetër Meshkalla”, viti i dytë.
8. Suada Hajdari, nxënëse e klasës së tetë në shkollën 9-të vjeçare “Dëshmorët e Prishtinës”.
9. Kledija Haxhaja, nxënëse e klasës së tetë të shkollës “Ismail Qemali”.
10. Eni Hallunaj, nxënëse e shkollës së mesme “28 Nëntori”, viti i tretë.
11. Ornela Ndou, nxënëse e klasës së nëntë të shkollës “Pashko Vasa”
Trajner: Renato Radoja dhe Xhuljeta Shestani
Kampionati …
Nëse futemi të bëjmë një koment për ecurinë e këtij kampionati, vetë rezultatet që të ofrojnë protokollet e ndeshjeve, flasin qartë për epërsinë e padiskutueshme që së ekipi i “Shkodra Basket” ka patur ndaj rivalëve të tjerë të këtij kampionati. Ajo që tërheq më tepër vemendjen e kësaj skuadre është fakti se në 18 ndeshjet e këtij kampinati, nga të cilat 17 janë fitore, dhe vetëm një humbje në Elbasan, edhe kjo e shoqëruar me shumë debate e polimika, basetbollistet e reja të “Shkodra Basket” kanë arritur të shënojnë në koshin e kundërshtarit një shifër rekord pikësh, plot 1836, ndërkohë ato të pësuara janëvetëm 807. Kësisoj, mesatarja e pikëve të shënuara në ndeshje kap shiufrën e 102 pikëve, çka është një tregues që në fakt asnjë skuadër shqiptare nuk e ka regjistruar deri më tani. Në këtë shifër, pjesën më të madhe e kanë shënuar dy basketbollistet e talentuara, kapitenia Ingrit Dashja që ka shënuar 521 pikë dhe Enxhi Xhanaj me 460 pikë, çka do të thotë se nga 1836 pikë të shënuara gjithsejt nga ekipi, 984 i përkasin vetëm këtyre dy basketbollisteve.
Ja dhe rezultatet teknike të të gjithë kampionatit
Faza e parë
Shkodra Basket - Lushnja 140:15
Shkodra Basket - Elbasani 104:74
Shkodra Basket - Skenderbeu 135:44
Shkodra Basket - Flamurtari 100:46
Shkodra Basket - Vllaznia 110:37
Shkodra Basket - Apolonia 87: 30
Shkodra Basket - DHL 103:55
Shkodra Basket - Tirana 102:72
Faza e dytë
Shkodra Basket - Lushnja 102: 18
Shkodra Basket - Elbasani 82:83
Shkodra Basket - Skenderbeu 114:27
Shkodra Basket - Flamurtari 74:62
Shkodra Basket - Vllaznia 95:89
Shkodra Basket - Apolonia 108:43
Shkodra Basket - DHL 103:27
Shkodra Basket - Tirana 102:46
Gjysëmfinalet e titullit
Shkodra Basket-Flamurtari 108:22
Tirana –Elbasani 64:61
Finalja
Shkodra Basket-Tirana 72:46
Vlerësime e falenderime
Teksa bisedojmë me trajnerin Radoja dhe kolegen e tij Shestani, prejt tyre mësojmë, se krahas elementit sportiv, atij tekniko taktik, si dhe të dhënave shumë premtuese që këto vajza disponojnë për të ecur më përpara në rrugën e bukur të basketbollit, ky grup vazjzash të reja shquhet në veçanti për sjellje shembullore, në sport dhe jashtë tij, duke qënë njëherazi edhe shembull edhe në shkollat ku ato studiojnë. Dhe, për to, një gjë e tillë është mjaft domethënëse, pasi një element i tillë është një mundësi dhe garanci më tepër për t’i dhënë atyre një hapësirë më shumë në sferën sportive, qoftë lokale, kombëtare, apo edhe ndërkombëtar që ato mund të kenë në karrierën sportive në vazhdim. Një tjetër element që përmend trajneri Radoja, dhe që për të është mjaft i rëndësishëm për funksionimin e ekipit është edhe marrëdhënia shumë e mirë që drejtuesit e ekipit kanë me komunitetin e
prindërve, bashkëpunimi i të cilëve ka qënë shumë frytëdhënës, gjë që ndikon dhe jep premisa që këto vajza të ecin në rrugën e bukur të basketbollit edhe më me dëshirë dhe passion. Ndërkohë, trajneri Radoja dhe kolegja e tij Shestani, duke shfrytëzuar hapësirën dhe mundësinë që i jep gazeta “Vllaznimi Sportiv”, organ i cili nuk ka nguruar ta promovojë këtë skuadër gjatë të gjithë kampionatit, kërkon të përcjellë edhe disa falenderime në adresë të atyre që e kanë mbështetur këtë skuadër duke pasë parasysh edhe pozitat e vështira financiara që e kanë shoqëruar. Së pari e fillon me shoqatën “The Door” me drejtues Kastriot Faci, e cila e ka mbështetur me bazë materiale në vite. Më pas, falenderimet janë për “National Bank Grece” dhe drejtuesin e saj Arben Haveri, që mundësoi përfundimin e kampionatit, firmën “Vero Kafe”, me drejtues Edi dhe Vera Beqirin, shkollën nëntë vjeçare “Azem Hajdari” për mundësimin e stervitjes në palestrën e tyre, fizioterapistin Arben Mlloja me sallën e forcës, Sezai Shpuza dhe të gjithë
punonjësit e klubit shumësportesh Vllaznia që me mundësitë e tyre kanë kontribuar për stervitje dhe ndeshjet në pallatin e sportit. Ndërkohë, duke përfunduar, trajneri pasionant, Mjeshtri i Merituar i Sportit Renato Radoja, duke qënë i bindur se këto vajza që ai dhe kolegja e tij Xhuljeta Shestani përgatisin, kanë një të ardhme të shkëlqyer, i propozon klubit Vllaznia të shikojnë mundësinë e një riorganizimi më të studiuar në mënyrë që në kampionatin e ardhshëm basketbolli shkodran të përfaqësohet i bashkuar në një skuadër duke qënë i bindur se në këtë mënyrë, Shkodra si qytet del më e fituar.
