Boks

Post by **vllaznia1919** » Tue, 30 Nov 2004 , 21:52

Vllaznia ka fituar kupen e Shqiperise ne boks.

NYC-DJAL · Post by **NYC-DJAL** » Wed, 01 Dec 2004 , 08:30

a ty te lumte goja naqe
se jam ken boksier edhe vet
me kenaqe

Post by **Admin** » Mon, 06 Dec 2004 , 02:33

Luan Krasniqi mbron titullin Kampion Europe

Mbreme Bokstieri kosovar Luan Krasniqi ka arritur te mbroje titullin kampion i Europes per peshat e renda kunder Timo Hoffman fale nje barazimi .
Ndeshja ka qene me te vertete shume entuziaste dhe e vleresuar shume nga
o pionioni boksdashes si edhe nga specialistet .
Raundet e para kane pare Hoffman te vendosur , kurse Krasniqi e kan nisur ndeshjen me qetesi dhe duke i lene kundershtarit iniciativen , por pas raundit te 3-te ka filluar Krasniqi show , ku ne raundin e 4-te Krasniqi ka vne ne shum veshtersi kundeshtarin e tij Hoffman .
Duhet theksuar se ndeshja ka qene shume korrekte . Gjate fundit te ndeshjes Hoffman ka filluar te tregoje dicka por jo edhe aq ..
Rezultati final ka qene 114-114 , 114-114 , 113 - 115 per Hoffman duke bere qe ndeshja te mbaronte ne barazim dhe meqe kampion ne fuqi eshte Krasniqi Tutilli i ka mbeteut ketij te fundit .
Duhet theksuar se boksdashesit ne salle dhe specialistet e ndryshem nuk e kane mirpritur rezultatin , pasi mendonin se kampioni ne fuqi , kosovari
Luan Krasniqi ka qene superior ndaj rivalit te tij Hoffman ., por sidoçofte te dy bokstieret kane qene dakort me rezultatin .
Meqenese kjo ndeshje dha shume entuziazem dhe ishte e nivelleve te larta ka mundesi qe te zhvillohet edhe nje ndeshje tjeter po mes ketyne bokstiereve nen nje te ardhme te afert .

futbollist · Post by **futbollist** » Mon, 06 Dec 2004 , 14:14

I lumte ishalla i ece mbare

GoL · Post by **GoL** » Fri, 10 Dec 2004 , 21:58

bravo i qoft, ishalla se shpejti kampion botet

NYC-DJAL · Post by **NYC-DJAL** » Sun, 12 Dec 2004 , 04:46

ishalla na del kampion bote edhe nje shqiptar

Post by **vllaznia1919** » Tue, 25 Jan 2005 , 14:24

Bullgari Stojanov, kontratë me ekipin kombëtar

Trajneri bullgar i boksit Stojanov është kthyer sërish në Shqipëri jo më si specialist, por si trajner i ekipit tonë kombëtar të boksit. Prezantimin e trajnerit të ri, Federata e Boksit e ka bërë tri ditë më parë para boksierëve të kombëtares së dorezave. Stojanovi vjen për herë të dytë në Shqipëri. Herën e parë, ai erdhi si specialist i boksit për të kryer seminare trajnimi me trajnerët e boksit shqiptar dhe për të dhënë ndihmën e tij për ekipin tonë kombëtar, i cili ishte në atë kohë në prag të disa aktiviteteve ndërkombëtare. Që nga ajo kohë, Stojanovi u vu në bisedime me drejtuesit e federatës sonë dhe rezultati i bisedimeve e sjell atë në krye të ekipit tonë kombëtar.

Post by **vllaznia1919** » Sat, 05 Feb 2005 , 13:56

Bullgari Stojanov nis punën nga Shkodra

Trajneri i emëruar pak kohë më parë në krye të përfaqësueses shqiptare të boksit, bullgari Peter Stojanov, e ka nisur punën e tij në rrethe me qytetin e Shkodrës. Pikërisht dje, Stojanov ka mbërritur në klubin shumësportësh Vllaznia, për të parë më nga afër boksierët e ekipit Vllaznia. Specialisti i zgjedhur për të drejtuar boksin shqiptar, ka udhëtuar drejt Shkodrës i shoqëruar edhe nga zëvendëspresidenti i federatës së boksit, Edmond Tafa, anëtari i kryesisë së kësaj federate, Lluka Heqimi, e specialisti shqiptar i boksit, Ramiz Reka. Si pikënisje të vizitës së tij, Stojanovi ka pasur një takim me drejtues të klubit Vllaznia e më pas edhe me trajnerin e ekipit të boksit Vllaznia, Zef Gjoni. Bëhet e ditur se trajneri shkodran Zef Gjoni do të punojë në krye të ekipit përfaqësues dhe të ekipit Vllaznia, përkrah trajnerit bullgar Peter Stojanov. Pas takimeve me përfaqësues të sportit, Stojanov ka kthyer kokën nga ringu, ku gjatë gjithë kohës ka vëzhguar nga afër stërvitjen e ekipit shkodran. Por siç mësohet, në vëmendjen e trajnerit Stojanov kanë qenë boksierët shkodranë që janë dhe kandidatë të ekipit tonë kombëtar, si Artur Gavoçi, Nelson Hysa, Sulejman Dashi etj.

Post by **vllaznia1919** » Tue, 01 Mar 2005 , 14:44

Vritet presidenti i Federatës së Boksit, Vajdin Lamaj

Presidenti i Federatës Shqiptare të Boksit, Vajdin Lamaj, është vrarë 20 minuta pas mesnate nga shpërthimi i një sasie eksplozivi në ashensorin e pallatit ku banonte pranë pasticeri "Venecia". Bashkë me të vdiq dhe Dritan Arsi, përfaqësues i një kompanie ilaçesh në qytetin e Shkodrës, i cili ndodhej bashkë me Lamajn. Ngjarja ndodhi afërsisht rreth orës 00:20 minuta në një nga pallatet e reja 10-katëshe në afërsi të stadiumit "Qemal Stafa" në Tiranë. Lënda eksplozive shpërtheu kur ashensori i pallatit ishte në katin e pestë të ndërtesës. Në atë kohë, të dy viktimat po ngjiteshin në apartamentin e Lamajt. Dyshohet që lënda plasëse të jetë aktivizuar me telekomandë në distancë. Lamaj ka qenë edhe një herë tjetër pre e një atentati mbrëmjen e 15 nëntorit të vitit të kaluar, pas një emisioni televiziv, ku ishte i ftuar si president i boksit Vajdin Lamaj, gazetari Arjan Çani dhe inxhinieri Xhevair Ngjeqari. Në krye të Federatës së Boksit, Vajdin Lamaj u zgjodh në dhjetor të 2004-ës. Njëkohësisht ai ishte edhe president i ekipit të boksit Vllaznia, ndërsa kohët e fundit kishte ngritur edhe ekipin e parë privat të femrave në peshëngritje, të emërtuar Juvenilja.

futbollist · Post by **futbollist** » Tue, 01 Mar 2005 , 16:06

Kush e din se si ka kene puna...se ky ka kene edhe drejtor i policise ne shkoder e nuk perjashtohet mundesia qe ti kete ba ndonje te padrejte ndonjenit edhe tesh e ka hanger sa krahu,se edhe ne tetor 2004 e kishin gjujte po nuk kishin arrite me e vra.Kurse ai shoku i vet qe ishte vra ishte shkodran.

Post by **vllaznia1919** » Wed, 02 Mar 2005 , 14:46

Tanët, kthim pa medalje nga Beogradi

Fituesit sipas peshave 51 kg I. Rahimov (Uzb) 54 kg N. Shulakov (Kaz) 57 kg R. Zhumanbajev (Kaz) 60 kg S. Grivaçev (Rusi) 64 kg K. Orakbajer (Kaz) 69 kg Mitroviç (Serbi&Mali I Zi) 75 kg D. Pojatsika (Ukr) 81 kg I. Ribaç (Serbi&Mali I Zi) 91 kg V. Gllazkov (Ukr) +91 kg R. Saidov (Uzb) Përfundoi në Beograd Turneu i 43-të Ndërkombëtar "Beogradski Pobjednik", ndërsa ekipi ynë kombëtar kthehet pa medalje nga ky aktivitet. Morën pjesë në turne 68 boksierë, që përfaqësuan ngjyrat sportive të 12 vendeve e pikërisht: Shqipërisë, Bosnje-Hercegovinës, Bullgarisë, Greqisë, Kroacisë, Kazakistanit, Rusisë, Moldavisë, Ukrainës, Uzbekistanit, Sllovenisë, Serbi&Mali i Zi si dhe një ekip i Beogradit. Takimet u zhvilluan në katër qytete të Serbisë: Velika Pllana, Kragujevac, Mlladenovac dhe Beograd. Boksi shqiptar e përfaqësua në këtë turne nga boksierët Artur Gavoçi në peshën 54 kg, Sulejman Dashi në peshën 69 kg dhe Nelson Hysa në peshën mbi 91 kg. Prezantimin më të mirë në këtë turne e bëri kampioni i vendit në peshën 91 kg, Nelson Hysa, i cili fitoi me boksierin moldav D. Ursu. Në gjysmëfinale, Hysa humbi me diferencë minimale pikësh me fituesin e kësaj peshe, Saidor, nga Uzbekistani, ky i fundit fitues i medaljes së bronztë në Olimpiadën e vitit 2000 dhe Botërorin e vitit 2003. Boksieri tjetër u peshës 69 kg, Sulejman Dashi, ka humbur me serbo?malazezin Mitroviç. Boksieri serb është edhe fitues i medaljes në këtë peshë edhe gjithashtu u shpall boksieri më teknik i turneut. Ndërsa siç pranuan mjaft specialistë, boksierit Artur Gavoçit iu vodh fitorja me vendësin Bogdanoviç. Përgjithsësisht, boksierët tanë bënë një prezantim dinjitoz në një turne shumë të fortë, siç ishte turneu "Beogradski Pobjednik", ku morën pjesë edhe kampionë, fitues medaljesh në olimpiada dhe kampionate të ndryshme ndërkombëtare.

Post by **vllaznia1919** » Sun, 06 Mar 2005 , 13:27

Kreshnik Qato kampion i botes ne boks

Kreshnik Qato eshte kampion i botes ne peshat super te mesme ne boks, me federaten IBC (International Boxing Council), duke marre dje brezin e arte. Shqiptari nga Durresi mundi dje, me pike (3-0), ukrainasin Rizvan Magomedov, ne ndeshjen qe u luajt pikerisht ne Durres, ne Pallatin e Sportit, "Ramazan Njala". Vendimi i te tre gjyqtareve, pas 12 raundeve luftarake te peshes deri ne 76 kilograme, ishte unanim: 120-8 per Qaton. Nderkaq, sipas menaxherit te boksierit, Nik Berisha, "kjo ishte nje ndeshje drejt titullit boteror". Mesa duket, Berisha e ka fjalen per nje rang me te larte titulli boteror, ndersa sipas "New York Times", kundershtari i djeshem i Qatos, Magomedov, nuk kishte asnje ndeshje profesionisti ne karriere, derisa u mund nga shqiptari.
Boksieri kuqezi, kampion ne fuqi i Europes Lindore, ishte me mire qe nga fillimi, deri ne fund te ndeshjes, duke i dhene kundershtarit te tij ukrainas, me shume goditje dhe duke e vene shpesh ne gjendje te veshtire.

Ne dy raste, ne raundin e dyte dhe te 11-te, Magomedov u shpetua nga gongu, por edhe Qato e pa veten ne veshtiresi ne raundin e 3-te. I mbeshtetur nga rreth 2.000 shikues, ne salle, durrsaku thuajse i fitoi te gjitha raundet, duke pasur vazhdimisht iniciativen dhe duke goditur mire si me te majten, asht edhe me te djathten. Sidoqofte, ai u ruajt shume gjate sulmeve, per te mos pesuar ndonje kundergoditje, qe mund ta kishte vene ne pozita te veshtira.

Takimi Qato-Magomedov nisi pas kater ndeshjeve qe u zhvilluan, para saj, po ne "Ramazan Njala". I gjithe ky spektakel u zhvillua nen kujdesin e Federates Shqiptare te Boksit (FSHBo) dhe Eorld Sports Promotion. Spektakli nisi ne oren 17.30. Vete takimi per titull bote ne peshen deri 76 kg, nisi ne oren 20.35 dhe ishte e vetmja, nder te pesta, qe u zhvillua me 12 raunde te plote. Takimet e tjere ishin nga 6 deri ne 8 raunde secili.

Cfare tha

Qato: Titullin ia dedikoj shqiptareve, ne vecanti durrsakeve

"Jam shume i gezuar dhe i lumtur qe fitova titullin e kampionit dhe qe fitova duelin me boksierin ukrainas. Vleresoj te gjithe ata qe me mbeshteten ne kete ndeshje. Fitoren ia dedikoj te gjithe shqiptareve, por ne vecanti bashkeqytetareve te mi, durrsake. Do te perpiqem qe edhe ne te ardhmen te jap ndeshje me nivel te larte ne boksin profesionist".

Post by **Admin** » Tue, 08 Mar 2005 , 12:44

Boks: Kryeministri Nano takim dhe premtim me kampionin e botes, Qato

Kryeministri Fatos Nano ka pritur dje kampionin shqiptar te botes, ne boks, Kreshnik Qato. Ne takim ishin te pranishem edhe Ministri i Kultures, Rinise dhe Sporteve (MKRS) Blendi Klosi si dhe menaxheret e boksierit, Berisha e Sinani. Ne fillim te takimit Qato i tregoi Kryeministrit Brezin e Kampionit te Botes te cilen e fitoi te shtunen, ne Durres, ndaj ukrainasit, Magomedov. Nano komentoi: "Eshte nje dhurate shume e bukur, qe tregon se ne jemi edhe nje race e forte". "Une te pergezoj, - vazhdoi Kryeministri, - dhe shpreh gjithe vemedjen time dhe te Qeverise per arritjen e ketij suksesi te merituar. Shpallja juaj Kampin i Botes shenon nje kulm te suksesit tuaj, por edhe te sporteve tona ne teresi. Ne beme c'eshte e mundur qe ju ta merrnit kete titull ne Atdhe".

"Ne jemi gati, - vazhdoi Nano, - per t'u pergatitur qe Kreshniku te mos ndjehet i vetem dhe do te ndermarrim nje nje program qe ai ta ndjeje veten gjithnje kampion". Kampioni Qato u shpreh: "Jam shujme i gezuar qe u plotesua endrra ime per t'u shpallur kampion bote ne vendlindjen time, Durres. Ju falenderoj per pritjen".

Kreshniku, hapi i pare drejt brezave te rendesishem

Kreshnik Qato eshte bere te shtunen kampion i botes ne federaten IBC, ne peshen super te mesme. Shqiptari 27-vjecar nga Durresi, me banim ne Londer te Britanise se Madhe, ka marre brezin e arte te njeres prej federatave modeste, por gjithsesi boterore ne boks. Federata per te cilen Qato ka dale kampion i botes, eshte International Boxing Council (IBC). Ajo eshte krijuar me 1990 nga miliarderi amerikan, Marty Cohen, kur WBA vendosi te mos njohe si kampion boteror te nje peshe te lehte, Jesus Salud-in. Intercontinental Boxing Council (IBC)

WBA, WBC, IBF, WBO jane kater federatat kryesore te boksit ne bote, te cilat kane te drejte te emertojne kampionin e padiskutueshem (absolut - indisputed). Vetem nese kampioni merr miratimin e kater federatave, ai mund te quhet i tille. Federata te tjera jane edhe International Boxing Association (IBA) ose Shoqata Nderkombetare e Boksit, International Boxing Organisation (IBO) ose Organizata Nderkombetare e Boksit, World Boxing Union (WBU) ose Bashkimi Boteror i Boksit, World Boxing Federation (WBF) ose Federata Boterore e Boksit etj.

Per IBC kane garuar edhe boksiere te njohur si Michael Grant, qe ka qene kampion i peshave super te renda te kesaj kategorie. Kulmi i karrieres te tij ka qene nje ndeshje ndaj kampionit absolut te botes, Lennox Leeis, te vlefshme per 3 tituj: WBC, IBF dhe IBO, ne vitin 2000.

Post by **vllaznia1919** » Mon, 21 Mar 2005 , 14:09

Krasniqi, nr. 4 në WBO

Luan Krasniqi renditet në vendin e katërt, sipas rang-listës më të re të shpallur nga versioni WBO (World Boxing Organisation) të kategorisë së rëndë në boksin profesionist. Para boksierit shqiptar me shtetësi gjermane renditen vetëm Vladimir Kliçko, James Toney dhe kundërshtari i radhës Lance Whitaker, me të cilin Krasniqi do të ndeshet më 28 maj në duelin eliminator për titullin e versionit WBO të kategorisë së rëndë. Kampion aktual i versionit WBO është Lamon Brewster nga SHBA. Sfiduesi i fundit i Luan Krasniqit, Timo Hofman, renditet në vendin e 12-të, ndërsa turku Sinan Samil Sam, ndaj të cilit një vit më parë Krasniqi fitoi titullin e kategorisë së rëndë të versionit EBU, renditet në vendin e 9-të. Interesant është fakti se ndër boksierët e tjerë shqiptarë të boksit profesionist, në rang-listën e 15 të parëve të të gjitha kategorive renditet vetëm Shpend Abazi, duke zënë vendin e pestë në kategorinë pendël me flamurin e Danimarkës. Kampion i këtij divizioni është britaniku Skot Harrison, me të cilin Abazi pritet të përballet në muajt e ardhshëm për titullin e kësaj kategorie. Ofertat për duelin për titullin europian deri më 31 mars Me përfundimin e afatit të parë për zhvillimin e meçit ndërmjet Luan Krasniqit dhe Timo Hofmanit për titullin e kategorisë së rëndë, i cili gjendet në brezin e boksierit shqiptar, EBU (European Boxing Union) ka caktuar një afat të ri. Ofertat për këtë duel, sipas zyrtarëve të EBU-së, duhet të paraqiten deri më 31 mars. Vetë Krasniqi pati deklaruar se do ta dorëzojë titullin EBU vetëm nëse mposht Whitaker-in në duelin eliminator për titullin WBO, që do të zhvillohet më 28 maj në Shtutgart. Nëse Krasniqi arrin fitoren ndaj Whitaker-it ai do të jetë i detyruar ta dorëzojë titullin e kampionit të Europës. Duket se atij i duhet jo vetëm të dorëzojë titullin, por të presë si kundërshtar pikërisht Timo Hofmanin. Vetë Krasniqi pati deklaruar se nuk kishte ndër mend t'i jepte Hofmanit një shans të dytë për të dorëzuar titullin pas deklaratave të tij në përfundimin e duelit të parë, që u mbyll në barazim. Gjithsesi, për duelin e titullit kampion EBU i ka të hapura ofertat deri në fund të muajit mars.

Post by **vllaznia1919** » Thu, 07 Apr 2005 , 13:24

Krasniqi, i 8-ti ne Federaten WBC

Luan Krasniqi ka fituar edhe nje vend ne renditjen boterore te federates WBC (World Boxing Council). Shqiptari qe garon per Gjermanine eshte ne vendin e 8-te, ne renditjen e 4 prillit, ndersa me pare ka qene i 11-ti. Ne renditjen WBO, Krasniqi ka vendosjen me te mire, i 4-ti ne bote, ndersa eshte i 11-ti ne "Fightnews" dhe i 14-ti ne WBA.

Post by **vllaznia1919** » Mon, 11 Apr 2005 , 20:07

"Vllaznia 2005", aktiviteti europian i shqiptarëve

Pas më pak se dy javësh, Shkodra do të bëhet mikpritësja e një aktiviteti shumë të rëndësishëm për sportin tonë. Pikërisht të atij memoriali të emërtuar "Vllaznia 2005". Përpjekjet e shkodranëve për ta futur këtë aktivitet të përvitshëm në kalendarin e veprimtarive zyrtare të Federatës Europiane të Boksit (EABA), kanë rezultuar të suksesshme. Për rrjedhojë, më datat 21-23 prill, rreth 70 boksierë nga 11 shtete do të jenë "mysafirët" e shkodranëve në edicionin e gjashtë të memorialit kushtuar ish?boksierëve që tashmë nuk jetojnë më. Përgatitjet janë në hapin e fundit dhe organizatori kryesor i kësaj veprimtarie, njëkohësisht dhe trajner i ekipit të Vllaznisë dhe i ekipit tonë kombëtar, Zef Gjoni, ndihet i kënaqur dhe optimist se ky memorial do të jetë vërtet model në të gjitha drejtimet. Të gjitha këto, trajneri Gjoni i bën të ditura në intervistë. Z. Gjoni, a jeni i kënaqur që arritët ta fusni këtë memorial në kalendarin e aktiviteteve zyrtare të EABA-s?Patjetër që jam i kënaqur, sepse ky ishte dhe pikësynimi ynë. Për 4 vjet me radhë, ky memorial e fitoi rëndësinë e tij derisa arritëm ta bëjmë tashmë ndërkombëtar. Për këtë duhet të falënderoj të gjithë ata që kontribuan për t'ia arritur kësaj dhe shpresoj që në të ardhmen të bëjmë gjëra më të mira.Sivjet do të marrin pjesë shumë boksierë nga vende të ndryshme. E konsideroni këtë një arritje për klubin "Vllaznia" si organizatori kryesor i këtij aktiviteti?Kemi shpërndarë ftesa për shumë ekipe nga vende të ndryshme të rajonit, por njëkohësisht, meqë "Vllaznia 2005" është në kalendarin e Federatës Evropiane, në të mund të vijë kushdo sportist, nga çdo vend për të marrë pjesë. Nga ky aktivitet besoj se kanë për të marrë shumë përvojë edhe boksierët tanë, aq më tepër kur sivjet ata do të përfaqësojnë Shqipërinë edhe në Lojërat e Mesdheut.Deri tani, cilat shtete kanë konfirmuar pjesëmarrjen?Kanë shprehur gatishmërinë e tyre shumë shtete, por aktualisht kanë dërguar fakset e konfirmimit të pjesëmarrjes ekipet e Italisë (do t'i shoqërojë i madhi Patricio Oliva), Greqisë, Bosnjë-Hercegovinës, Kosovës, Sllovenisë dhe Maqedonisë. Sot ose nesër vijnë edhe konfirmimet e ekipeve të tjera që do të marrin pjesë, pasi ftesat ua kemi dërguar prej kohësh.Po boksierët tanë si do përfaqësohen, me një ekip kombëtar apo...?Së bashku me federatën është rënë dakord që në këtë memorial Shqipëria të përfaqësohet me ekipin kombëtar. Përzgjedhja e elementit të tij është lënë për t'u bërë në ndeshjet e Kupës së Shqipërisë, që do të zhvillohen po në Shkodër, më datat 16-17 prill. Nga këto takime do të përzgjidhen edhe 8 apo 9 sportistët më të mirë.A është gati Shkodra për të zhvilluar këtë aktivitet të rëndësishëm?Mendoj se po. Çdo gjë është duke shkuar sipas parashikimeve. Klubi "Vllaznia" po merret me gjërat e fundit që kanë mbetur për t'u bërë gati dhe njëkohësisht pothuajse është garantuar edhe ana financiare për mbulimin e shpenzimeve që kërkon organizimi i këtij memoriali. Bashkia e Shkodrës, Këshilli i Qarkut, Ministria e Kulturës, Rinisë dhe Sporteve si dhe Federata e Boksit kanë dhënë garancinë e tyre për të sponsorizuar dhe njëkohësisht shpresoj që të afrohet edhe ndonjë biznesmen apo donator shkodran për të mundësuar ndonjë ndihmë në këtë drejtim. ? Së fundi, do të jetë edicioni i sivjetëm i këtij memoriali një pikënisje e mbarëvajtjes së shkëlqyer së tij edhe në vitet e tjera?Ky memorial ia ka arritur asaj që dëshironim, të bëhet ndërkombëtar. E kemi nisur thjesht për të nderuar ata ish-boksierë shkodranë që nuk jetojnë më dhe tani kemi mbërritur në një turne ndërkombëtar, ku marrin pjesë me dhjetëra sportistë nga e gjithë Europa. Tani që ky turne i përvitshëm ka hyrë në kalendarin e veprimtarive të federatës europiane, besoj se nga viti në vit ka për t'u bërë shumë më i fortë dhe më me vlerë. Shpenzimet Vlera shkon në 15 milionë lekë Institucionet përkatëse kanë dhënë tashmë garancinë për të ndihmuar financiarisht këtë aktivitet të rëndësishëm që Shkodra organizon. Vendi i parë ku Zef Gjoni dhe pjesëtarë të tjerë të grupit organizator kanë trokitur për të gjetur ndihmë, pa dyshim që ka qenë Bashkia e Shkodrës. Kryetari i saj, Artan Haxhi, pjesëtar i një familjeje sportive, edhe një herë tjetër në emër të institucionit që drejton ka siguruar që bashkia do të akordojë një fond të posaçëm për këtë aktivitet. Pas kësaj radha ka qenë e Këshillit të Qarkut. Edhe këtu drejtues të tij janë shprehur të gatshëm të gjejnë hapësirë për sponsorizimin e memorialit. Punët duket se janë ndarë: njëri institucion do të marrë përsipër akomodimin në hotel të miqve (numri i të huajve mund të shkojë në shifrën 80-90 vetë), ndërsa tjetri do të mundësojë pritjen, darkën zyrtare etj. Po ashtu, edhe ministria që mbulon sportet, së bashku me Federatën e Boksit, ka marrë përsipër kupat, medaljet e diplomat, po ashtu edhe pjesën e marketingut të aktivitetit apo grumbullimin e sportistëve tanë. Historia Si nisi 5 vjet më parë? Ka nisur krejt thjesht. Pikërisht 5 vjet më parë. Zef Gjoni, Liman Kulla e ndonjë emër tjetër i boksit shkodran, duke marrë shkas nga vdekjet e disa prej veteranëve të këtij sporti në Shkodër, kanë vendosur të ndërmarrin iniciativën për nderimin e tyre. Mënyra e cila është përzgjedhur ka qenë mjaft e goditur: Një memorial ku do të merrnin pjesë sportistët më të mirë të vendit. Por për çudi, vetëm boksierët vlonjatë e mirëpritën ftesën për të marrë pjesë. Sipas trajnerit Gjoni, federata e cila duhej të ishte koordinatore në këtë drejtim, nuk ka qenë asnjëherë në nivelin e duhur. Vetëm sivjet duket se gjërat janë më ndryshe edhe për faktin se është aktivitet ndërkombëtar. Emrat e Dervish Efovisë, Kolec Ashikut, Fadil Efovisë, Ndoc Gjonit, Lem Kosovës, Nazmi Halilit e Shpresim Bregut, tashmë janë përjetësuar më së miri. Shkodra e ka bërë të vetën. Nderimi i tyre ka qenë vërtet një detyrë për t'u bërë, por njëkohësisht duhet të jetë edhe një falënderim për të gjithë këta njerëz që po organizojnë më së miri memorialin në nderim të tyre për të gjashtën herë radhazi. E filluar para 5 vjetësh vetëm me disa nga boksierët tanë më të mirë, kjo veprimtari erdhi duke e zgjeruar pjesëmarrjen. Tre vjet më parë, në kuadrin e saj, u zhvillua e para ndeshje e boksit profesionist në Shqipëri mes Besnik Gjetjes dhe një boksieri malazez. Vitin e kaluar morën pjesë në të sportistë të 3-4 shteteve fqinje dhe sivjet vjen pjesëmarrja më e madhe. Turneu është bërë tashmë ndërkombëtar dhe për këtë një kontribut të madh ka luajtur edhe miku i mirë i shkodranëve, serbi Danillo Ivanoviç. Kush do të marrë pjesë në Memorialin e Shkodrës? Ftesat e shpërndara kanë qenë të shumta. Madje pikërisht për këtë qëllim trajneri i Vllaznisë, Zef Gjoni, dhe gazetari i njohur Ymer Striniqi (në rolin e përkthyesit) një muaj më parë kanë udhëtuar drejt Beogradit jo vetëm për të marrë pjesë në një turne që zhvillohej atje, por edhe për të bërë kontaktet e nevojshme dhe për të shpërndarë ftesat për pjesëmarrësit në "Vllaznia 2005". Planifikuar për të marrë pjesë janë ekipet e Italisë, Greqisë, Serbisë, Kroacisë, Malit të Zi, Bosnjë-Hercegovinës, Sllovenisë, Maqedonisë, Ukrainës, Uzbekistanit, Kosovës dhe ekipi ynë kombëtar. Mendohet që të jenë 60-70 boksierë që për tri ditë me radhë do jenë prezent në ringun e pallatit të sportit "Qazim Dervishi". Po ashtu, numri total i delegacioneve të huaja mund ta kalojë numrin 90, që do të thotë se Shkodra për tri ditë me radhë do të ketë vetëm një kryefjalë: boksin. Ndërkohë, vendin tonë në këtë aktivitet të rëndësishëm do ta përfaqësojnë 8 apo 9 sportistë, të cilët do të përzgjidhen nga ndeshjet e Kupës së Shqipërisë, që do të zhvillohen javën tjetër po në Shkodër.

Post by **vllaznia1919** » Thu, 14 Apr 2005 , 13:21

Boksieri Xhaja braktis qendrën stërvitore në Turqi

Boksieri shqiptar Klajdi Xhaja, i cili prej tri ditësh ndodhej në Turqi falë projektit të trajnimit të ICMG-së për sportistët pretendentë në Lojërat Mesdhetare, ka braktisur qendrën stërvitore në Turqi. Nga ky projekt përfituan tre sportistë shqiptarë, konkretisht mundësi i stilit të lirë Gentian Gera, gjimnastja Ornela Çuko dhe boksieri Klajdi Xhaja. Por ky i fundit ka përfituar nga rasti dhe ka lënë qendrën stërvitore, duke u larguar prej saj. Për këtë është njoftuar dhe Komiteti Olimpik Shqiptar, i cili ka vendosur që të gjitha shpenzimet e bëra për trajnimin e këtij sportisti t'i kalojnë Federatës së Boksit. Ky është një dënim që KOKSH jep për veprimin absurd të boksierit të ri Klajdi Xhaja.

Post by **vllaznia1919** » Mon, 18 Apr 2005 , 01:54

Vllaznia, fituese e Kupës së Shqipërisë

Vllaznia e ka nisur mirë vitin, duke u shpallur mbrëmë fituese e Kupës së Shqipërisë në boks. Në vend të dytë renditet ekipi privat Enea dhe në të tretin Tirana. Dita e fundit e Kupës së Shqipërisë në boks për të rritur ka përfunduar mbrëmë në pallatin e sportit "Qazim Dervishi" të Shkodrës. Çdo gjë në mbarëvajtjen e këtij aktiviteti ka shkuar më së miri falë edhe organizmit të shkëlqyer të klubit "Vllaznia". Takimet finale të zhvilluara mbrëmë treguan një nivel të lartë përgatitor të boksierëve tanë në prag të një prej aktiviteteve më të rëndësishme të vitit, siç është memoriali ndërkombëtar "Vllaznia 2005", i cili nis më 26 prill po në qytetin e Shkodrës. Përveç përgatitjes së boksierëve, ajo që ka rënë në sy si pozitive në garat e kupës ka qenë edhe niveli i mirë i gjykimeve, çka ka bërë që në këtë aktivitet të mungojnë kontestimet, aq të pranishme në kompeticionet e tjera të boksit tonë. Po ashtu, është vërejtur edhe forma mjaft e mirë sportive e disa prej boksierëve pjesëmarrës në këto gara, prej të cilave, siç dihet, do të përzgjidhet edhe ekipi kombëtar, që do të përfaqësojë Shqipërinë në Turneun Ndërkombëtar "Vllaznia 2005", që zhvillohet javën tjetër po në Shkodër. Trajnerit të kombëtares sonë, bullgarit Peter Stojçev, natyrisht që i ka tërhequr vëmendjen forma e mirë e sportistëve të tillë, si A. Gavoçi, N. Hysa, S. Bushati, A. KoçI, S. Dashi, I. Selmani etj. Atyre me siguri që do t'u bashkohen edhe boksierë të tillë, si A. Muhedini apo boksierët e Flamurtarit, që nuk morën pjesë në kupë për arsye financiare. Veprimi i ekipit Flamurtari, që u përfaqësua vetëm me një boksier në takimet e Kupës së Shqipërisë, do të diskutohet në mbledhjet e ardhshme të kryesisë së Federatës së Boksit. Ndeshjet e Kupës së Shqipërisë kanë nisur të premten pasdite në qytetin e Shkodrës. Ky është aktiviteti i parë i boksit për këtë vit dhe, nga sa është parë në ditën e parë të këtyre finaleve, boksierët kanë qenë mjaft të përgatitur. Morën pjesë në këtë aktivitet boksierë të 5 ekipeve: Vllaznisë, Flamurtarit, Tiranës, Apolonisë dhe klubit privat Enea. Në ditën e parë janë zhvilluar 7 ndeshje, kurse dje, në ditën e fundit, janë zhvilluar 9 takimet finaliste. Garat e Kupës së Shqipërisë shërbyen edhe si test për seleksionimin e ekipit tonë kombëtar, që do të jetë pjesëmarrës në Memorialin "Vllaznia 2005".

kristian · Post by **kristian** » Thu, 21 Apr 2005 , 19:00

bRAVO VLLAZNIA PER KAMPJON BOKSIT ba mas me ken na gjithmon kampjon boksik un nuk di kush ka me kan ather

Post by **vllaznia1919** » Fri, 22 Apr 2005 , 13:51

Nis sfida ndërkombëtare e boksit "Vllaznia 2005"

Ka nisur dje pasdite në qytetin e Shkodrës i shumëprituri Memoriali Ndërkombëtar "Vllaznia 2005". Ekipet pjesëmarrëse në këtë aktivitet kanë mbërritur që të mërkurën në darkë në qytetin verior të Shqipërisë, ndërsa dje pasdite kanë nisur edhe takimet e para zyrtare të këtij memoriali. Në edicionin e sivjetëm marrin pjesë rreth 50 boksierë nga 8 shtete: Greqia, Kroacia, Sllovenia, Bosnje?Hercegovina, Maqedonia, Serbi&Mali i Zi, Kosova dhe Shqipëria. I pranishëm në këtë memorial është edhe i dërguari i Federatës Europiane të Boksit, serbi Danillo Ivanoviç, një personalitet ky i boksit europian. Ka qenë pikërisht ky njeri që ka meritën më të madhe në futjen e këtij aktiviteti në kalendarin e EABA-s. Aktiviteti, më parë se të startonte me ndeshjet zyrtare në mjediset e pallatit të sportit "Qazim Dervishi", ka vijuar me një pritje që kryetari i Bashkisë së Shkodrës, z. Artan Haxhi, u ka bërë të gjithë drejtuesve të delegacioneve në zyrën e tij. Numri 1 i qytetit verior ka shpjeguar para të pranishmëve se sa e rëndësishme është për këtë qytet jeta sportive. Memoriali i boksit është evidentuar si një nga aktivitetet më të rëndësishme që ky qytet ka zhvilluar deri tani, e për këtë merita, përveçse Bashkisë Shkodër dhe Klubit "Vllaznia", i takon edhe Ministrisë së Kulturës, Rinisë dhe Sporteve, Prefekturës Shkodër, Këshillit të Qarkut dhe Federatës Shqiptare të Boksit, të cilët kanë ndihmuar për mbarëvajtjen e këtij aktiviteti. Sa i takon garave, në ditën e parë janë zhvilluar 10 ndeshje, të cilat kanë nisur në orën 17.30 në pallatin e sportit "Qazim Dervishi" nën një interesim të kënaqshëm të publikut shkodran. Sot, ndërkohë do të zhvillohen edhe 12 ndeshje të tjera, për t'i lënë pastaj vendin ditës së nesërme, që është dhe dita e fundit e memorialit, kur do të zhvillohen 9 ndeshjet finale.

Boks

Boks

Luan Krasniqi ruan titullin kampion europe