Lajmet per skuadren e Vllaznise

Post by **Miri** » Mon, 01 Dec 2008 , 19:19

Vllaznia ka oreks, tani beson edhe tek titulli

Në kampin shkodran e kishin parandier. Vllaznia, pas javës së 13‑të, do të ishte në krye, sepse besonin në një ndalesë të Tiranës me Teutën dhe në fakt ashtu ngjau. Por nga ana tjetër, ndeshja ndaj Partizanit në “Loro Boriçi” ka dhënë shumë emocione. Ashtu si ajo e para dy javëve me Teutën. Në të dy rastet është shënuar në fund dhe fitoret kanë qenë vërtet emocionuese. Nëse ndaj durrsakëve golin e shumëpritur e ka shënuar një lojtar me emër, siç është Beqiri, këtë ndaj të kuqve e ka shënuar Shtubina, një i ri që nga java në javë po bëhet gjithnjë e më tepër pjesë e Vllaznisë. Kuptohet që askush nuk e kishte menduar një ndalesë ndaj Partizanit, skuadër e cila ndodhej në vendin e fundit të tabelës së renditjes. Loja megjithatë ka treguar se fitorja nuk është e lehtë ndaj asnjë kundërshtari. Interesant është fakti se presidenti Fushaj në pushimin e ndeshjes, atëherë kur rezultati ishte i barabartë 1‑1, u ka thënë me shumë besim të pranishmëve në koktejin e zhvilluar si zakonisht në zyrën e sekretarit të klubit se Vllaznia është e sigurt se do ta fitojë ndeshjen. Madje ai ka dhënë edhe rezultatin, 3‑1. Nëse për këtë të fundit nuk ka qenë shumë i saktë, e rëndësishme është që skuadra e tij ka fituar dhe tashmë ndodhet e para në renditje. Një vend shumë i lakmuar nga të gjithë ekipet, por pas kësaj jave të drejtën legjitime për të gëzuar më shumë e ka skuadra shkodrane. Ndërkohë, trajneri Canaj kërkon si gjithnjë të mbetet me “këmbë në tokë”. Për të e rëndësishme është të vazhdohet në këtë mënyrë, sepse dhe kreu pastaj do të jetë lehtësisht i mbajtshëm. “Jemi të kënaqur sigurisht që kemi kaluar në vend të parë, por kjo nuk është gjithçka, sepse duhet të kënaqemi me kaq. E rëndësishme është që skuadra po tregon grintë dhe shpirt të lartë gare dhe si pasojë e kësaj, po vijnë edhe rezultatet. Unë besoj se jemi në rrugën e duhur, por, siç e thashë, duhet të jemi gjithnjë të përqendruar në maksimum në çdo ndeshje, për të ruajtur këtë moment të mirë që po kalojmë,” ‑ ka thënë “timonieri” i kuqebluve. Në fakt, Canaj duket se ka imponuar jo pak nga vetja e tij te skuadra. Ashtu siç është ai, vetë impulsiv në stol, ashtu janë dhe futbollistët në fushë dhe këtë e tregon më së miri reagimi pozitiv që skuadra paraqet në minutat e fundit të ndeshjes. Tashmë në Shkodër kanë filluar të mendojnë për titullin kampion. Një titull që do të vinte njëherazi me 90-vjetorin e këtij klubi, më të vjetrin në Shqipëri. Të gjithë e presin, kuptohet më tepër presidenti Fushaj, për të mbajtur atë premtim që u pati bërë bashkëqytetarëve të tij në festën e fitimit të kupës në maj të këtij viti. E rëndësishme është që një hap është hedhur. Vllaznia është e para në renditje dhe tashmë e ka për detyrë ta mbajë këtë vend deri në fund.

Humori i Licit: Ja çfarë bëjnë “të vjetrit”
Gëzimi për fitoren dhe aq më tepër ngjitjen në vendin e parë të renditjes, ka qenë tepër i madh, si te tifozët, ashtu edhe te drejtuesit e klubit dhe ata të skuadrës. Njëkohësisht edhe te futbollistët, që kanë meritën më të madhe te ky sukses. Por ndoshta më shumë nga të gjithë është gëzuar për këtë vend të parë njëri nga futbollistët, që në verë u largua për një periudhë kohe nga skuadra, me pretekstin e moshës së vjetër. Bëhet fjalë pikërisht për Suad Licin, që së bashku me Armir Grimën u rikthyen në skuadër dhe së bashku me veteranin tjetër Osja, po japin kontributin e tyre maksimal për Vllazninë. “Këta janë të vjetrit, ata të plakurit që, pasi i dhanë Vllaznisë kupën, tani jemi të parët edhe në kampionat dhe do të tentojmë titullin kampion,” ‑ ka thënë Lici edhe me humor, por edhe me pak mllef për ato çfarë mund të jenë thënë më tej. Lojtari, që për pak muaj mbush 35 vjeç, vazhdon të jetë një pikë e fortë referimi te kuqeblutë, duke qenë titullar i padiskutueshëm në çdo ndeshje, madje edhe protagonist herë pas here. Një lojtar që merr përsipër dhe si i tillë meriton vërtet duartrokitje.

Sporti Shqiptar

fpjalmi · Post by **fpjalmi** » Tue, 02 Dec 2008 , 06:03

Vllaznia ka oreks, tani beson edhe tek titulli

Në kampin shkodran e kishin parandier. Vllaznia, pas javës së 13‑të, do të ishte në krye, sepse besonin në një ndalesë të Tiranës me Teutën dhe në fakt ashtu ngjau. Por nga ana tjetër, ndeshja ndaj Partizanit në “Loro Boriçi” ka dhënë shumë emocione. Ashtu si ajo e para dy javëve me Teutën. Në të dy rastet është shënuar në fund dhe fitoret kanë qenë vërtet emocionuese. Nëse ndaj durrsakëve golin e shumëpritur e ka shënuar një lojtar me emër, siç është Beqiri, këtë ndaj të kuqve e ka shënuar Shtubina, një i ri që nga java në javë po bëhet gjithnjë e më tepër pjesë e Vllaznisë. Kuptohet që askush nuk e kishte menduar një ndalesë ndaj Partizanit, skuadër e cila ndodhej në vendin e fundit të tabelës së renditjes. Loja megjithatë ka treguar se fitorja nuk është e lehtë ndaj asnjë kundërshtari. Interesant është fakti se presidenti Fushaj në pushimin e ndeshjes, atëherë kur rezultati ishte i barabartë 1‑1, u ka thënë me shumë besim të pranishmëve në koktejin e zhvilluar si zakonisht në zyrën e sekretarit të klubit se Vllaznia është e sigurt se do ta fitojë ndeshjen. Madje ai ka dhënë edhe rezultatin, 3‑1. Nëse për këtë të fundit nuk ka qenë shumë i saktë, e rëndësishme është që skuadra e tij ka fituar dhe tashmë ndodhet e para në renditje. Një vend shumë i lakmuar nga të gjithë ekipet, por pas kësaj jave të drejtën legjitime për të gëzuar më shumë e ka skuadra shkodrane. Ndërkohë, trajneri Canaj kërkon si gjithnjë të mbetet me “këmbë në tokë”. Për të e rëndësishme është të vazhdohet në këtë mënyrë, sepse dhe kreu pastaj do të jetë lehtësisht i mbajtshëm. “Jemi të kënaqur sigurisht që kemi kaluar në vend të parë, por kjo nuk është gjithçka, sepse duhet të kënaqemi me kaq. E rëndësishme është që skuadra po tregon grintë dhe shpirt të lartë gare dhe si pasojë e kësaj, po vijnë edhe rezultatet. Unë besoj se jemi në rrugën e duhur, por, siç e thashë, duhet të jemi gjithnjë të përqendruar në maksimum në çdo ndeshje, për të ruajtur këtë moment të mirë që po kalojmë,” ‑ ka thënë “timonieri” i kuqebluve. Në fakt, Canaj duket se ka imponuar jo pak nga vetja e tij te skuadra. Ashtu siç është ai, vetë impulsiv në stol, ashtu janë dhe futbollistët në fushë dhe këtë e tregon më së miri reagimi pozitiv që skuadra paraqet në minutat e fundit të ndeshjes. Tashmë në Shkodër kanë filluar të mendojnë për titullin kampion. Një titull që do të vinte njëherazi me 90-vjetorin e këtij klubi, më të vjetrin në Shqipëri. Të gjithë e presin, kuptohet më tepër presidenti Fushaj, për të mbajtur atë premtim që u pati bërë bashkëqytetarëve të tij në festën e fitimit të kupës në maj të këtij viti. E rëndësishme është që një hap është hedhur. Vllaznia është e para në renditje dhe tashmë e ka për detyrë ta mbajë këtë vend deri në fund.

Gjergj KOLA

Humori i Licit: Ja çfarë bëjnë “të vjetrit”

Gëzimi për fitoren dhe aq më tepër ngjitjen në vendin e parë të renditjes, ka qenë tepër i madh, si te tifozët, ashtu edhe te drejtuesit e klubit dhe ata të skuadrës. Njëkohësisht edhe te futbollistët, që kanë meritën më të madhe te ky sukses. Por ndoshta më shumë nga të gjithë është gëzuar për këtë vend të parë njëri nga futbollistët, që në verë u largua për një periudhë kohe nga skuadra, me pretekstin e moshës së vjetër. Bëhet fjalë pikërisht për Suad Licin, që së bashku me Armir Grimën u rikthyen në skuadër dhe së bashku me veteranin tjetër Osja, po japin kontributin e tyre maksimal për Vllazninë. “Këta janë të vjetrit, ata të plakurit që, pasi i dhanë Vllaznisë kupën, tani jemi të parët edhe në kampionat dhe do të tentojmë titullin kampion,” ‑ ka thënë Lici edhe me humor, por edhe me pak mllef për ato çfarë mund të jenë thënë më tej. Lojtari, që për pak muaj mbush 35 vjeç, vazhdon të jetë një pikë e fortë referimi te kuqeblutë, duke qenë titullar i padiskutueshëm në çdo ndeshje, madje edhe protagonist herë pas here. Një lojtar që merr përsipër dhe si i tillë meriton vërtet duartrokitje.

fpjalmi · Post by **fpjalmi** » Tue, 02 Dec 2008 , 06:10

Vllaznia/ Boadu dhe Shtubina nuk njohin kufij. “Tani nuk mund të na ndalë askush”

Heronjtë kuqeblu: Duam titullin!

Autorët e dy golave që ngjitën Vllazninë në krye, të bindur se nuk “rrëzohen” më

ADMIR URUÇI
“Oreksi vjen duke
ngrënë”, kjo frazë
mund t’i shkojë
shumë mirë për shtat ganezit
të ekipit kuqeblu, Xhejms
Boadu. I pozicionuar pranë
Dhëmbit në vijën e sulmit në
këto takimet e fundit, ai është
shndërruar në protagonistin
kryesor të ekipit të tij e
tani jo vetëm me lojën voluminoze,
por edhe me golat e
shënuar. Pasi ka arritur të
shënojë golin e parë sezonal
ndaj skuadrës së Tiranës,
ganezi ka bërë të njëjtën gjë,
pra ka shënuar sërish edhe
në përballjen me Partizanin.
Duke hapur kështu jo vetëm
oreksin për golat, por edhe
duke ndihmuar me lojën e tij
të shkëlqyer ekipin shkodran
në arritjen e këtyre tri pikëve
shumë decizive. “Ishte një
takim i vështirë për ne, kjo
nisur edhe nga terreni mjaft
i rënduar prej shirave. Mund
të them se e merituam fitoren,
pasi luajtëm më mirë
dhe ishim më këmbëngulës
se kundërshtari deri në
sekondat e fundit, - tha fillimisht
Boadu. - Me këtë fitore,
ne kemi treguar se jemi
në rrugën e duhur për të arritur
atë që duam, fitimin e
titullit këtë sezon. Kjo gjë më
bën te jem optimist se në
fund të sezonit ne do të marrim
maksimumin. Sepse Vllaznia
është një skuadër që
po e meriton kryesimin,
megjithatë gjithçka duhet të
shikohet me kujdes nga
ndeshja në ndeshje”. Vllaznia,
ky emër dikur për të
ka qenë i padëgjuar. Ndërsa
tani është bërë nga më të
dashurit për futbollistin ganez.
E madje, ai as që e kishte
menduar ndonjëherë se do të
ishte pjesë e kuqebluve shkodranë.
“Ndihem vërtetë i
lumtur që jam pjesë e një
skuadre të tillë, me kaq
shumë emër e histori në kampionatin
shqiptar”, - thekson
vetë Xhejms. Pavarësisht
se ka arritur të shënojë dy
gola të njëpasnjëshëm përballë
dy ekipeve më me emër
të futbollit shqiptar, goli nuk
duket se është një specialitet
i tiji. Kjo, sepse në 11 javë
nuk ka shënuar asnjë. ”Ekipit
kuqeblu i mungoi një lojtar
tipik sulmues, siç ishte Sinani
në dy takimet e fundit.
U mundova të bëja më të
mirën dhe arrita të gjeja dy
gola, megjithatë kjo nuk është
ndonjë gjë, pasi jo gjithmonë
Boadu, mund të arrijë
të shënojë. Në të vërtetë është
e vështirë të shënosh, nëse
nuk ke në krah një futbollist
si Sinani apo Dhëmbi”, -
nënvizoi ganezi i skuadrës së
Vllaznisë, Xhejms Boadu.
Shtubina
Në takimin e fundit me Partizanin,
një lojtar tjetër që ra në
sy ishte 20-vjeçari Ndriçim Shtubina.
Ky i fundit, i ardhur si
zëvendësues në këtë ndeshje,
përmes një gjuajtje potente i ka
dhënë Vllaznisë tri pikët e plota.
Shkodrani, pas takimit, por
edhe ditën e djeshme është
treguar mjaft modest, duke
mos dashur të prononcohet për
mediat. Shtubina e ka quajtur
vetëm detyrë atë që ka bërë në
ndeshjen e fundit. “Pa diskutim
që kanë qenë çaste mjaft
mbresëlënëse, por nuk kam
bërë asgjë më shumë sesa
detyrën. Synimi ynë është titulli
kampion dhe duam ta fitojmë
me çdo kusht atë”, - ka
thënë ai. Ishte po ky futbollist, i
cili në përballjen me bardheblutë
e Tiranës mori përsipër
sulmin shkodran në çastet e fundit
të këtij takimi, pikërisht
atëherë kur sulmet e kryeqytetasve
ishin tepër intensive.

fpjalmi · Post by **fpjalmi** » Tue, 02 Dec 2008 , 06:11

Synimet
Shkodranët cinikë,
duan edhe Kupën

Duket se Vllaznia edhe këtë sezon nuk do të ketë si
pikësynim të sajin vetëm arritjen e titullit kampion. Sepse
ashtu si çdo vit futbollistik, kuqeblutë do të jenë të
fokusuar tek të dy trofetë, pra kampionati dhe kupa, që
për këtë skuadër janë shumë të rëndësishëm. Vetë fjalët
e kreut të pankinës, Agim Canaj, për një vëmendje tek
takimi i së mërkurës me Teutën, shprehin mirë objeksionet
e këtij ekipi të drejtuar nga ai. Shkodranët kanë nisur
menjëherë nga përgatitjet për këtë përballje të vështirë.
Sipas drejtuesve të klubit të Vllaznisë, sfida me “djemtë
e detit” vlerësohet njëlloj si ndeshjet e tjera. Edhe në këtë
takim kërkohet që të arrihet një rezultat i favorshëm. Një
gjë të tillë e ka deklaruar edhe vetë tekniku Canaj, menjëherë
pas përfundimit të ndeshjes me të kuqtë e Partizanit.
Ashtu si edhe në sezonet e shkuara, ekipi shkodran
do të ketë luftë në dy fronte, por për këtë duhet që të
kalojë një pengesë me emrin Teuta

fpjalmi · Post by **fpjalmi** » Tue, 02 Dec 2008 , 06:12

Fitorja vazhdon të ndihet ende

Triumfi i Vllaznisë ndaj Partizanit i ka gëzuar së tepërmi teknikun Canaj dhe presidentin Valter
Fushaj, të cilët kanë qenë në ankth gjatë gjithë minutave, dhe në mënyrë të veçantë tifozërinë
kuqeblu, që e ka përjetuar me emocione të mëdha. Madje, as reshjet e shiut që ka shoqëruar
takimin nuk kanë mundur t’i pengojnë tifozët shkodranë, të cilët si asnjëherë tjetër kishin mbushur
më shumë se kurrë shkallët e stadiumit “Loro Boriçi”. Gjatë gjithë sfidës, ata e kanë mbështetur
fort skuadrën e tyre, duke brohoritur e duke i dhënë zemër. Kjo atmosferë ka vazhduar edhe
pas takimit, mirëpo tashmë jo për ta përkrahur, por për të festuar bashkë me të suksesin e arritur.

kuqeblu4ever · Post by **kuqeblu4ever** » Tue, 02 Dec 2008 , 09:04

Kjo gja asht e mire per atmosferen e duhur ne ekip. Fitoret e fundit pervecse na dhane vendin e pare kan ken edhe shume emocionuese per tifozerine ne shkallet e stadiumit sepse jane arrit ne minutat e fundit. Pra skuadra asht ma afer me tifozerine dhe e ndin deshiren e madhe dhe mbeshtjetjen e tifozerise ma shume dhe motivohet ma teper per ndeshjet e ardhshme. Randesi ka qe te jepet maksimumi ne cdo ndeshje dhe atehere titulli do jete padiskutim i joni. Mendoj se kyt kampionat Vllaznia ka shansin ma te mire, por duhet te vazhdojme keshtu ne cdo ndeshje me shpirt te madh gare si keto javet e fundit. Para Vllaznia.

Post by **Miri** » Tue, 02 Dec 2008 , 17:17

Vllaznia ndjehet optimiste për fitimin e titullit kampion

Ambienti në klubin e Vllaznisë është mjaft i ndezur pas kësaj jave, ku skuadra u ngjit në vendin e parë të tabelës. Fitorja 2-1 me Partizanin, dhe humbja e Tiranës në kryeqytet me Teutën 1-2, i dha mundësinë kuqebluve të bëjnë rrokadën në tabelën e klasifikimit.

Klubi më i vjetër në vendin tonë, prej vitesh nuk e shihte veten në vendin e parë të tabelës që prej kohës që shpallej kampione nën presidencën e të ndjerit, Myftar Çela. Në atë kohë shkodranët arritën të mërrnin titullin e nëntë si kampionë të Shqipërisë.

Në ndeshjen e ardhshme kuqeblute do të udhëtojnë në Fier për të luajtur me Apoloninë. Transferta është delikate, pasi të ashtuquajturat skuadra të vogla i sjellin shpeshherë pengesa pretendenteve. Pas kësaj ndeshjeje, Vllaznia do të presë në Shkodër ekipin kampion në fuqi, Dinamon. Nësë ekipi do të arrijë fitoren në këto dy javë, atëherë rruga që të çon tek titulli konsolidohet ndjeshëm.

Post by **Miri** » Tue, 02 Dec 2008 , 17:19

Ne cdo gazet ne cdo tv ne cdo radio flitet qe Vllaznia eshte skuadra me e vjeter ne Shqiperi pervec ne Elbasan aty ose nuk ka media ose kan probleme me memorin.

matrix-kuqeblu · Post by **matrix-kuqeblu** » Tue, 02 Dec 2008 , 19:33

“Ne si Vllaznia e 1972, do të hyjmë në histori”
2 Dhjetor Veterani Lici sheh ngjashmëri: Si në edicionin më të mirë kuqeblu, fitojmë Kampionatin dhe Kupën

Në Shkodër kanë filluar të besojnë të gjithë se titulli këtë sezon është më pranë se kurrë. Por, tashmë kërkojnë edhe Kupën e Republikës. Në sezonin futbollistik 1971?1972, Vllaznia e Shkodrës në drejtimin e aso kohe të trajnerit të shquar Xhevdet Shaqiri shpallej kampion kombëtare, si dhe fituese e Kupës së Republikës. Shkodranët kërkojnë të përsërisin pikërisht këtë sezon. Për këtë, Suad Lici, shprehet: “I duam të dyja dhe kam besim se do i’a arrijmë. Këtë e bazoj në faktin se atmosfera është shumë entuziaste, si dhe gjendja aktuale e Vllaznisë që është shumë e mirë”. Megithatë, duke u “ulur me këmbë në tokë”, siç thotë edhe vetë Lici, për të mbërritur deri atje, duhet kaluar pengesa Teutë. “Pas një dite pushim, skuadra ka filluar përgatjet me seancën e parë stërvitore të ditës së hënë”, pohon Lici, duke theksuar, se tashmë i gjithë përqëndrimi është fokusuar tek kjo ndeshje, që nga të gjithë vlerësohet si shumë e fortë. Sipas Licit, Vllaznia udhëton në Durrës për të bërë më të mirën e saj, synimi i së cilës është për të marrë një rezultat sa më premtues për të kërkuar më pas kualifikimin në Shkodër, ku bindja e të gjithëve, edhe pse vlerësohet në maksimum kundërshtari, ballafaqimi i të dy takimeve të turit, do ta kualifikojë për në turin tjetër Vllazninë. “I kemi akoma të freskëta ato momente emocionuese të minutës së fundit, kur me golin e Beqirit siguruam një fitore shumë të vështirë ndaj ekipit të Teutës”. Lici, thonë shokët e skuadrës, por edhe drejtuesit e ekipit, është një ndër lojtarët që sakrifikon shumë për skuadrën. Për këtë është me vend të theksojmë një pohim të specialistit të përgatitjes fizike të Vllaznisë, ish?dinamovitit Vaso Selenica, i cili një javë më parë, duke iu referuar ndeshjes së mirë që bëri Vllaznia ndaj Tiranës në kryeqytet, shprehej: “Ndër të tjera, ajo që ndikoi pozitivisht në lojën tonë në atë ndeshje, ishte edhe forma shumë e mirë që paraqiti Suad Lici, i cili edhe pse i ardhur nga dëmtimi dhe vetëm me një seancë stërvitore, ishte futbollisti model në fushë përballë Tiranës.” Për kuqeblutë, kjo javë do të jetë jo pak e ngarkuar, pasi brenda katër ditëve do t’u duhet të zhvillojnë dy transferta shumë të vështira, ballafaqimin e nesërm në Durrës për Kupën e Shqipërisë, dhe të shtunën në Fier, ndeshjen e radhës për kampionat. Vllaznia është fituesja në fuqi e Kupës, pas sfidës që i bënë Tiranës vitin e kaluar në finalen e fushës asnjanëse të Elbasanit. Kështu, kuqeblutë, ndërsa janë të angazhuar më tepër se kurrë për kurorën e titullit kampion, i ngacmon jo pak edhe trofeu i Kupës së Shqipërisë, për të cilin në deklaratat e tyre të javëve të mëparshme janë shprehur ambiciozë edhe për këtë kompeticion.

Episodi i famshëm, ja çfarë Ka ndodhur në 197272

Në sezon 1971?72, Vllaznia fitoi të dyja trofetë. Edhe kampionatin, edhe Kupën e Shqipërisë. Fitimi i Kupës ka qënë tepër emocionues, me atë finale të paharruar dy takimesh me Besën e Kavajës, kur pas humbjes 0?2 në Kavajë, shkodranët i përgjigjen me një të tillë në “Vojo Kushin” e atëhershëm në saj të dy golave me penallti të të madhit Ramazan Rragani, rezultat që i çon skuadrat në shtesë, dhe më pas në gjuajtjen e penalltive. Sërish Rragami është i pagabueshëm duke shënuar pesë herë radhazi, që të gjitha së bashku u bënë shtatë, rekord ky jo vetëm për futbollin shqiptar, por që sipas burimeve shkoi deri edhe në “Guinnes”, aq sa FIFA duke marrë shkas nga shkodrani Rragami, propozoi dhe më pas miratoi që të mos gjuhen më penalltitë nga i njëjti futbollist.

fpjalmi · Post by **fpjalmi** » Wed, 03 Dec 2008 , 02:35

vllaznia ,sulmuesit e vllaznise kampionet actual ne shenimin e golave

TIRANA
Migen Memelli 6
Daniel Xhafaj 1
DINAMO
Sebino Plaku 5
Frane Petriçeviç 1
PARTIZANI
Marius Ngjela 2
Elis Bakaj 1
Bruno 1
ELBASANI
Oriand Abazaj 3
Skerdi Bejzade 1
Fjodor Xhafa 0
VLLAZNIA
Paulin Dhëmbi 6
Vioresin Sinani 5
Boadu 2
LUSHNJA
Dorian Bubeqi 3
Xhibril Sisoko 1
Klodian Arbri 0
APOLONIA
Klodian Asllani 2
Brkiç 3
Zhunior 2
BYLIS
Olgert Stafa 0
Klevis Dalipi 2
Kabore 0
TEUTA
Vangjel Mile 0
Vilfort Hysa 3
Emiliano Vila 4
BESA
Arbër Abilaliaj 1
Fitim Haliti 2
Herbi Fortunat 0
SHKUMBINI
Erjon Rizvanolli 6
Arlind Nora 3
Erjon Mustafaj 1
Daniel Ramazani 1
FLAMURTARI
Mate Brajkoviç 4
Denis Mema 0
Eleandro Pema 0

fpjalmi · Post by **fpjalmi** » Wed, 03 Dec 2008 , 02:37

siq shihet sulmuesit e vllaznise kan shenuar 13 gola dhe sulmuesi i dyte ma i mire ka shenuar se gjysma sa gjysma e lojtareve te vllaznise

jena ne forme vllezer por na fiku sinani me kaqin dhe dhembin

fpjalmi · Post by **fpjalmi** » Thu, 04 Dec 2008 , 06:41

Shkodra i do të 2 trofetë këtë vit
Agim Canaj: Luftën e kemi në të dyja frontet. Kështu nuk heqim dorë nga ky kompeticion
Vllaznia/Kuqeblutë kërkojnë të rikthejnë të kaluarën e lavdishme në fund të sezonit

Ndeshja me Teutën
për skuadrën e
Vllaznisë është
testi i parë i vërtetë për
mbrojtjen e Kupës së Shqipërisë.
Mbajtësja e dikurshme
e kësaj kupe, pikërisht
pas 21 vitesh kërkon ta bëjë
të sajin sërish këtë trofe. Kuqeblutë
vijnë në këtë takim
pas një fitoreje të arritur me
Partizanin në “Loro Boriçi”.
Për momentin, ata ndodhen
në vendin e parë në klasifikim,
kjo falë edhe ekipit me
të cilin do të ndeshen sot për
kupë, pasi “djemtë e detit”
mundën ish-kryesuesen e
kampionatit, Tiranën. Numri
një i pankinës kuqeblu,
Agim Canaj, shprehet se ekipi
që drejton në këtë sezon do
të jetë në luftë për të dy trofetë.
Gjithsesi, tani për të ka
rëndësi vetëm përballja e sotme
dhe jo sfida e fundjavës
me Apoloninë. “Kemi përpara
një ndeshje më të rëndësishme,
atë me Teutën, dhe
mendja ime është përqendruar
vetëm këtu. Për momentin
objektivat që kemi janë që të
luftojmë në të dy frontet, kështu
që nuk kemi ndërmend të
heqim dorë kurrsesi nga
kupa. Rëndësia e këtij kompeticioni
rritet edhe për faktin
tjetër se luhen vetëm dy
takime dhe nëse nuk merr rezultatet
e duhura në to, kuptohet
që je i detyruar të
hapësh krahun. Gjërat sigurisht
që vështirësohen edhe
ngaqë luajmë përballë një
skuadre si Teuta, të cilën nuk
mund ta kalosh lehtë as në
Durrës, e as jashtë tij. Ja pse
po fokusohemi te kjo sfidë.
Vetëm më pas do të mendojmë
për ndeshjen që kemi
me skuadrën e Apolonisë, për
kampionat”, është shprehet
trajneri i Vllaznisë, Agim
Canaj.
Mungesat
Teknikun Canaj në këtë
takim të vështirë, më tepër se
në çdo përballje tjetër, e
shqetësojnë mungesat e
shumë prej lojtarëve titullarë
të kësaj skuadre. Nuk janë
pak, por tre të konfirmuara,
ndërkohë që dy të tjera janë
në pikëpyetje. “Mungesat e
shumta më shqetësojnë së
tepërmi. Kemi disa futbollistë
me probleme, e për pasojë
do na duhet t’i përballojmë
ndeshjet që na kanë
mbetur me një kontingjent të
reduktuar lojtarësh. Kështu,
ndaj ‘djemve të detit’ nuk do
kemi të gatshëm Sinanin,
Dhëmbin e Kaçin, teksa janë
në dyshim edhe Grima e
Lici. Kjo do të thotë se gjysma
e skuadrës nuk është e
gatshme për t’u përballur me
Teutën. Dhe sigurisht, ky
është një shqetësim vërtetë
mjaft i madh, - bën të ditur
numri një i pankinës shkodrane.
- Unë u kam kërkuar
lojtarëve aktualë të skuadrës
sime që në këto ditë të mbetura
deri në fund të këtij viti, jo
vetëm që të japin qind për
qindëshin e tyre, por edhe 10
për qind më tepër, sepse kjo
e vetmja rrugë për të kompensuar
në një farë mënyre
mungesat që kemi. Vetëm
kështu do mund të ecim përpara
në kupë dhe të ruajmë
vendin që kemi në kampionat”,
- nënvizoi tekniku i
kuqebluve shkodranë, Agim
Canaj, në prononcimin e tij.

Post by **vllaznia1919** » Fri, 05 Dec 2008 , 14:39

Boll te marrin njat kampionat se per te dyja pak si zore.

Post by **Admin** » Fri, 05 Dec 2008 , 16:15

Ishalla pa i fitojme te dyja pa kampionati asht i gjate.
Ne Janar na duhen sesban disa perforcime per me pretendu per te dy trofet

matrix-kuqeblu · Post by **matrix-kuqeblu** » Fri, 05 Dec 2008 , 20:51

kampionati ishte ken nje gja pozitive ne raste se e fitojme

Post by **Miri** » Sat, 06 Dec 2008 , 10:52

Shpresojme qe vllaznia ti arrij te dy qellimet kampionatin & kupen por ne te vertete asht shume rrug e gjate.
Kampionati:
Ne kete faze vllaznia ka program ne favorizues nga tirana qe aktualisht ndodhet 2 pik mbas nesh,nese Vllaznia e shfrytezon kete rast per tu shkeputur 6-7 pike deri ne fund te fazes se dyte atehere mund te jete me e lehte per tu shpallur kampion.
Kupa:
Sa i perket kupes vllaznia i ka te gjitha mundesit te pakten te arrij ne finalu duke shikuar grupin ne te cilin ndodhet,takimi me i veshtir eshte ai i perballjes me teuten javen e ardhshme dhe nese arrin kualifikimin deri ne finale nuk do kete ndonje skuader te frigshme pa ulur vlerat shkumbinit sepse po tregon nje skuader te kompletuar por mendoj qe do e kemi te lehte perballen kunder tyre.

Post by **vllaznia1919** » Sat, 06 Dec 2008 , 15:17

Un kupen e shof si vitrine per lojtart e ri qe po lujne kaq mire.

Post by **Miri** » Wed, 10 Dec 2008 , 13:29

Vllaznia, sot ne proven e kupes

Shiu nderpreu tre ndeshje gjate turit te dyte te Kupes se Shqiperise, te cilat do te luhen sot, ne tre qytete te vendit tone. Sot ne "Niko Dovana" te Durresit do te luhet ndeshja kryesore, e prapambetur e Kupes se Shqiperise, mes Vllaznise dhe Teutes. Pritet nje ndeshje interesante mes dy ekipeve qe po kalojne momente te mira ne kampionatin tone, gjate javeve te fundit. Kryesimi i Vllaznise dhe ngjitja e pabesueshme e Teutes, do t'i japin me shume interes ndeshjes se sotme. Starova deklaron se kupa eshte nje synim i Teutes, kurse Agim Canaj eshte shprehur se pervec titullit kampion,Vllaznia e tij do te luaje edhe per nje trofe tjeter, qe eshte pikerisht, Kupa e Shqiperise. Shorti i ka vene perballe dy ekipet, qe do te diskutojne sot dhe ne ndeshjen tjeter ne Shkoder nje vend per ne cerekfinale. Vllaznia, fituese e edicionit te kaluar udhetoi dje drejt Durresit per te dyten here gjate javes se fundit. Kuqeblute u kthyen pas javes se shkuar, sepse shiu pengoi zhvillimin e ndeshjes. Ne Ballsh, ekipi vendas i Bylisit do te vihet perballe Flamurtarit dhe ne Lezhe do te luajne vendasit me Elbasanin qe synon me cdo kusht fitoren, per te qene te pakten pretendent ne nje prej dy kompeticioneve te Shqiperise. Nga tre ciftet e ndeshjeve te sotme, Elbasani pritet te arrije nje rezultat pozitiv.

fpjalmi · Post by **fpjalmi** » Sat, 13 Dec 2008 , 08:44

Ekipi i Vllaznisë që në
fillim të këtij sezoni
nuk ka kaluar asnjë
takim pa probleme dëmtimesh.
Teknikut Canaj gjatë gjithë kësaj
kohe më shumë i ka ikur koha,
duke arnuar formacionin se sa
duke krijuar bindjen e plotë se
cilët do jenë lojtarët e formacionit
të parë. Ekipin shkodran një
fat i tillë do ta presë edhe në
takimin e fundjavës me
skuadrën e Flamurtarit, sespe
katër lojtarë titullarë mendohet
të mos jenë pjesë e formacionit
të parë në përballjen e vështirë
me kuqezinjtë. Me shumë
mundësi ekipi do të vuajë
përsëri mungesën e kapitenit të
saj Vioresin Sinanit. Pikërisht
lideri i golashënuesve shqiptarë
në takimin me Apoloninë u bë
motivuesi i atij trepikëshit me
mjaft vlerë për ekipin me dy golat
e shënuar. Kapiteni në këtë
ndeshje shkonte pas një dëmtimi
dhe një rikuperimi jo të plotë,
megjithatë arriti të bëjë mrekullinë
me dy golat e shënuar. Vioresin
Sinani e ka provuar edhe
në Durrës për të qenë busulla e
skuadrës, por shqetësimet në
këmbë e kanë detyruar që të largohet
menjëherë pas përfundimit
të pjesës së parë të takimit.
Mësohet se goleadori kuqeblu
ka përsëri shqetësime në këmbë,
çka do të sjellë mospjesëmarrjen
e tij në takimin e nesërm.
Problemet- Futbollisti kuqeblu,
Elvin Beqiri, vazhdon të ketë
sërish probleme me dëmtimet.
Ashtu siç është shprehur vetë
mbrojtësi ynë i kombëtares, aktivizimi
në këtë takim mund të ketë
pasojë për vazhdimësinë, pasi
rikuperimi ende nuk është i plotë.
Një tjetër problem për këtë javë
është gjendja jo shumë e mirë e
mesfushorit sulmues, korçarit
Paulin Dhëmbi. Ai në takimin e
fundit me Teutën për Kupë është
aktivizuar në gjysmën e dytë të
lojës dhe nga sa mësohet, problemet

e dëmtimeve ende nuk i
kaluar plotësisht. Këtyre
lojtarëve, të cilët ende janë në
pikëpyetje për aktivizim ose jo,
tani u shtohet edhe emri i futbollistit
kuqeblu Kaçit. Për mesfushorin
ky vit ka përfunduar dhe
nuk bëhet më fjalë për të shpresuar
për rikuperim para rifillimit
të sezonit në vitin tjetër.
Shqetësimi - Për teknikun
Agim Canaj dhe drejtuesit e
tjerë të klubit kuqeblu, përveç
ekipeve, një “kundërshtar” i
vazhdueshëm janë edhe mungesat.
Janë shumë të pakta
herët, kur trajneri mund të ketë
qenë i qetë për përcaktimin e
formacionit të parë të ekipit të
tij. Megjithatë, edhe pse me
shumë probleme në gjetjen e
lojtarëve më të mirë të mundshëm,
tekniku Canaj ka
treguar se ka ditur të eliminojë
në mënyrën më të mirë të
mundshme problemin e mungesave
nga takimi në takim.

Post by **Miri** » Sun, 14 Dec 2008 , 16:01

Vllaznia mban distancen me Tiranen

Vllaznia vazhdon te kryesoje bindshem Kategorine Superiore. Ne "Loro Borici", sulmuesi ganez i ardhur ne forme shkembimi nga turqit e Hacetepes, Boadu, shenoi golin e vetem te ndeshjes, ndaj Flamurtarit, ne pjese te pare. Ky gol rezultoi ne fund i mjaftueshem per t'i dhene tre pike skuadres se tij, e cila ne prag te mbylljes se pjeses se pare te ketij edicioni ka te gjitha shanse te kurorezohet, kampione dimri. Vllaznia pati probleme me te demtuarit para ndeshjes, por kjo nuk e pengoi ekipin e Agim Canajt qe te vijoje kampionatin me serine e fitoreve. Kuqeblute po kalojne nje moment te mire dhe nese presidenti i ekipit, Valter Fushaj do te veproje ne merkato, per te afruar elemente te tjere, ashtu sikurse edhe premtoi pak kohe me pare, atehere ne pjesen e dyte te gares se Kampionatit te 70-te Kombetar te Futbollit, Vllaznia do te jete nje prej kandidateve kryesore qe te fitoje titullin kampion, sukses qe i mungon prej tete vjetesh ne Shkoder. Aktualisht, Vllaznia ndodhet kater pike para rivales se saj, Tiranes. Bardheblute priten ne "Selman Stermasi" Apolonine e Fierit. Nje ndeshje qe eshte dominuar nga ana e Tiranes, e cila nen drejtimin e trajnerit te ri Agustin Kola, i rikthehet fitores se munguar dhe shmang paksa problemet e shfaqura gjate javeve te fundit. Tirana, favorite kryesore ne fillim te kampionatit. Por edhe sulmuesi Daniel Xhafaj, me dy goleshin qe shenoi ndaj Apolonise, sikur kishte pritur largimin e trajneri Blaz Slishkovic per t'u zhbllokuar. Para se te largohej ne mesjave, ish-trajneri Blaz Slishkovic ishte ankuar disa here se ekipi nuk shenonte lehte dhe Daniel Xhafaj kishte shenuar vetem nje gol ne ndeshjet e fazes se pare. Dje vlonjati i Tiranes ishte deciziv para portes se Apolonise se Fieri, duke shenuar ne fund dhe ne fillim te pjeses se pare. Andi Lila e vulosi rezultatin dhe fitoren e paster te Tiranes, duke i dhene nje start te shkelqyer punes se trajnerit te ri, Agustin Kola, i cili nuk nguroi te falenderonte ne fund te ndeshjes skuadren e tij per lojen dhe per piket qe siguroi ne fushe. Nje fitore qe per Vllaznine dhe Dinamon ndoshta do te thote se gara tashme ka nisur dhe beteja do te jete shume me e forte. Tirana, pas afrimit te trajnerit te ri, pritet te reagoje edhe gjate merkatos se dimrit. Disa lojtare mund te largohen dhe te tjere te vijne ne radhet e bardhebluve. Por edhe Dinamo ne dy javet e mbetura do te kerkoje te afrohet me kryesuesit.