Post
by vllaznia1919 » Thu, 19 Jun 2008 , 16:46
Alarm! “Loro Boriçi” s’ka kushtet teknike
Inspektimi i UEFAs ka vënë datën 5 korrik si afatin e vënies në gatishmëri të impiantit, ndryshe skuadra shkodrane do të luajë ndeshjet e kompeticionit europian në një stadium tjetër.
I janë gëzuar jashtë mase sportdashësit e Vllaznisë fitimit të Kupës së Shqipërisë nga skuadra e tyre, por ka shumë mundësi që ata të udhëtojnë diku jashtë Shkodre, për të ndjekur ndeshjen e saj për për kupën UEFA. Kur ka mbetur më pak se një muaj nga data e ndeshjes së parë të turit të parë eliminator të këtij kompeticioni europian, situata është alarmante, pasi stadiumi “Loro Boriçi” nuk plotëson standardet, që kërkon UEFA për veprimtari të këtij rangu. Këtë shqetësim e përcjell për “Sport Ekspres” drejtori ekpzekutiv i klubit Vllaznia, Ardian Zaganjori, i cili bën prezent problemet që duhen zgjidhur, për të bërë që stadiumi “Loro Boriçi” të presë ndeshjet zyrtare ndërkombëtare. “Dy ditë më parë në klubin tonë kanë ardhur përfaqësues të UEFAs, të cilët, pasi inspektuan stadiumin, konstatuan mangësi në disa drejtime, për të cilat lanë edhe detyrat konkrete, si përmirësimi i kushteve brenda mjediseve të stadiumit, rrethimin e tij, ndriçimin dhe sidomos infrastrukturën rreth impiantit”, thotë me preokupacion drejtori Zaganjori. Me të njëjtin shqetësim është shprehur edhe mjeku sportive i klubit, Zyhdi Çoba, i cili ka qenë prezent në stadium edhe gjatë inspektimit që përfaqësuesit e UEFAs bënë në “Loro Boriçi”. Sipas tyre, situata është me të vërtetë shumë alarmante, sepse me këtë gjendje që kanë konstatuar të dërguarit e UEFAs, rrezikohet seriozit zhvillimi i ndeshjeve në “Loro Boriçi”. Dhe, nëse do të ndodhte me të vërtetë kështu, do të ishte një mëkat i madh ndaj tifozerisë shkodrane, duke i mohuar ndjekjen nga afër të ndeshjes, pa llogaritur dëmin e madh financiar të vetë klubit, apo ndikimin në krijimin e një atmosfere entuziaste, që ngjall në qytet një ndeshje ndërkombëtare e përmasave të tilla. Përfaqësuesit e klubit thonë se, me një vendim urgjent të drejtuesve janë vënë në dispozicion edhe shumat financiare dhe që nga dje ka filluar puna për të riparuar defektet e konstatuara nga inspektorët e UEFAs. Por problemi më shqetësues paraqitet në mjediset që rrethojnë stadiumin, ku përveç një tregu aspak në vend të përshtatshëm dhe shërbimeve të tjera jashtë funksionit të një impianti të tillë, “alarmi” më i madh vazhdon të mbetet pjesa e rrugës kryesore që të çon në tribunën qëndrore, qoftë të asaj ku mbërrijnë ekipet sportive dhe autoritetet përkatëse, por në të njëjtën kohë edhe të tribunave përballë, që janë në gjendjen më të mjerueshme. Ka vite që premtohet nga pushteti lokal për një ndërhyrje në këto mjedise, por deri tani nuk është bërë asgjë. Në këtë situatë, duhet operuar në mënyrën më urgjente, nëse shkodranët kërkojnë të ndjekin skuadr`n e tyre në ballafaqimet e UEFAs në stadiumin e tyre. Me këtë rast e kanë uar jo pak zërin edhe drejtuesit e klubit, të cilët kërkojnë patjetër vemendjen e bashkisë për të kapur në dorë situatën sa nuk është vonë, madje me këtë rast ato vënë në dukje edhe premtimet e kryeparlamentares Topalli në ditën e fitimit të kupës kur I priti në zyrën e saj, si dhe pak ditë më pas edhe nga vetë shefi I ekzekutivit të qeverisë shqiptare, kryeministri Berisha, jo vetëm për përmirësimin e kushteve të kësaj rruge, por edhe më tej, për ndërtimin e një kompleksi të ri sportive në këtë qytet, që sipas tyre e merin me historinë, traditën dhe arritjet e ssuksesesshme që ka në shumë sporte. ôMe datë 5 Korrik të muajit të ardhshëm, përfaqësuesit e UEFAs do të jenë të pranishëm sërishmi në në qytetin e Shkodrës për të parë nga afër zbatimin e detyrave të lëna, sepse ndeshjet e turit të parë të kompeticionit të UEFAs që do të luhen me 17 dhe 31 Korrik janë në prag, dhe nëse situata nuk do të jetë normale, ashtu si e kërkojë ato, atëherë ato kanë paralarmëruar se do t’I drejtohen menjëherë FSHFsë për të fiksuar një tjetër stadium shqiptar që I plotëson kushtet për të zhvilluar ndeshjet tona’, ka përfunduar për “Sport Ekspres” zoti Zaganjori.
Jena shkodran edhe e kena per nder,
kush na ka inat qeni i pshurrt n'der!
Perscitus Elatus Prodigium!!!!
