Post
by vllaznia1919 » Wed, 05 Oct 2005 , 13:50
Çela: Patushi te Vllaznia, ose pa luajtur!
Natyrisht që zhgënjimi është i madh në radhët e drejtuesve të Vllaznisë, teksa mësojnë se Patushi po bën çmos të rikthehet te Tirana. Në lidhje me këtë çështje, presidenti i klubit shkodran, Agron Çela, është shprehur dje i vendosur për të mos lejuar largimin e këtij lojtari nga Shkodra. Që do të thotë se nuk do të ketë as prishje të kontratës dhe as huazim të lojtarit. "Patushi nuk ka pse të kërkojë të largohet. Jemi treguar shumë korrekt me të në marrëdhëniet financiare, prandaj duhet të zbatojë kontratën që ka me ne. Ai nuk do të mund të largohet në asnjë mënyrë nga Vllaznia. Kontratën me të nuk do e prishim, por njëkohësiht nuk do pranojmë as huazimin e tij te një ekip tjetër. Vendi i Patushit është vetëm te Vllaznia, ose të rrijë pa luajtur,"ka thënë presidenti. Nga ana tjetër, lojtari për të tretën ditë me radhë vazhdon të mungojë në stërvitje, prandaj dhe klubi shkodran ka bërë gati edhe masat ndëshkimore për të. "Nëse ai vazhdon të mos paraqitet në stërvitje, natyrisht që për të do të ketë edhe masa ndëshkimore, por shpresojmë që të mos ndodhë kështu dhe lojtari të bashkohet me ekipin në stërvitje, për të vazhduar deri në fund kontratën që ka me klubin tonë,"sqaron Çela.
Rrofte Presidenca 
