Tashmë janë miratuar pesë anëtarët e Bordit Drejtues që do të administrojnë situatën në klubin e Vllaznisë Pas Shpëtim Qukut, Mark Laloshit dhe Admir Telit të miratuar për para disa kohësh, Këshilli Bashkiak ka miratuar sot edhe Beniamin Nakon e Sytki Muçën
Është miratuar sot me marrëveshje të plotë në Këshillin e Bashkisë Shkodër, akt-marrëveshja e hartuar nga Federata Shqiptare e Futbollit në lidhje me impiantin “Loro Boriçi” FSHF do të përdorë këtë stadium për 20 vite, për ndeshjet ndërkombëtare të të gjitha ekipeve Kombëtare, sikurse dhe të klubeve shqiptare që marrin pjesë në Kupat e Europës, apo dhe për ndeshjet finale të Kupës së Shqipërisë dhe Superkupës
Kuqeblutë ia faturojnë repartit të mbrojtjes humbjen e sotme ndaj Laçit, që e çon në 10 numrin e disfatave Aktivizimi i dyshes Pjeshka-Borshi si titullar në qendër të mbrojtjes u konsiderua eksperiment
Edhe Haxhaj e Lushtaku kanë qenë dakord për ndërprerjen e kontratave dhe për këtë arsye kanë pranuar të largohen nga Vllaznia. Ata kanë firmosur bashkë me administratorin Kalamishi dhe marrëveshjet përkatëse. Pasi janë likujduar në bankë për detyrimet e deritanishme, janë nisur drejt Kosovës pranë familjeve të tyre. Largimet e Haxhajt dhe Lushtakut mund të jenë të parat për Vllazninë, sepse në ditët e ardhshme nuk përjashtohet mundësia që të ketë edhe të tjera largime të lojtarëve, që nuk kanë justifikuar me blerjen e tyre nga kuqeblutë.
Edhe pse një ditë pas ndeshjes me Flamurtarin, kuqeblutë të dielën janë parë të stërviten në “Reshit Rusi”. Me këtë Grima ka dashur të tregojë se nuk ka kohë për të humbur pasi të mërkurën në orën 14:00 do të jenë mysafirë në stadiumin e Laçit. Nisur nga ngarkesa e marrë të shtunën ndaj Flamurtarit, për ato që kanë luajtur 90-të minuta, në program ka qenë një minutazh më i pakët, kryesisht me ushtrime atletike dhe përqendrim i punës me topin, ndërsa për pjesën tjetër të skuadrës program krejt i plotë. Ndonëse deri të mërkurën janë në dispozicion edhe dy seanca stërvitore, edhe në minutat e djeshme stafi teknik ka nisur menjëherë nga puna në përgatitjen e strategjisë anti-Laçi. Kuqeblutë e dinë mirë forcën dhe nivelin e skuadrës laçjane, ku krahas strategut të pankinë Cungu, në përbërje ka edhe futbollistë të tjerë cilësorë shkodranë. Tradicionalisht, gjatë viteve të fundit çifti Laçi-Vllaznia ka dhuruar emocione jo të vogla. Edhe këtë radhë pritet një gjë e tillë, aq më tepër kur sfida në fjalë do të luhet në një stadium të rikonstruktuar dhe në veçanti me një terren optimal, që falë edhe mënyrës së lojës që ka që Vllaznia pritet të jetë një avantazh për kuqeblutë për të realizuar objektivin e marrjes së pikëve edhe në transfertë.
