PÃ«rgatitjet anti-LaÃ§i ; ShkodranÃ«t menjÃ«herÃ« nÃ« fushÃ«, i futen punÃ«s

Edhe pse një ditë pas ndeshjes me Flamurtarin, kuqeblutë të dielën janë parë të stërviten në “Reshit Rusi”. Me këtë Grima ka dashur të tregojë se nuk ka kohë për të humbur pasi të mërkurën në orën 14:00 do të jenë mysafirë në stadiumin e Laçit. Nisur nga ngarkesa e marrë të shtunën ndaj Flamurtarit, për ato që kanë luajtur 90-të minuta, në program ka qenë një minutazh më i pakët, kryesisht me ushtrime atletike dhe përqendrim i punës me topin, ndërsa për pjesën tjetër të skuadrës program krejt i plotë. Ndonëse deri të mërkurën janë në dispozicion edhe dy seanca stërvitore, edhe në minutat e djeshme stafi teknik ka nisur menjëherë nga puna në përgatitjen e strategjisë anti-Laçi. Kuqeblutë e dinë mirë forcën dhe nivelin e skuadrës laçjane, ku krahas strategut të pankinë Cungu, në përbërje ka edhe futbollistë të tjerë cilësorë shkodranë. Tradicionalisht, gjatë viteve të fundit çifti Laçi-Vllaznia ka dhuruar emocione jo të vogla. Edhe këtë radhë pritet një gjë e tillë, aq më tepër kur sfida në fjalë do të luhet në një stadium të rikonstruktuar dhe në veçanti me një terren optimal, që falë edhe mënyrës së lojës që ka që Vllaznia pritet të jetë një avantazh për kuqeblutë për të realizuar objektivin e marrjes së pikëve edhe në transfertë.

Sërish mungesa: Cicmil dhe Bardulla me kartona, Marku i dëmtuar

Vllaznisë nuk po i ndahen mungesat nga java në javë e titullarëve të saj. Pas një stabiliteti të përkohshëm që Grima pati me formacionin në ndeshjen me Flamurtarin, të mërkurën me Laçin, e sigurt është që do t’i mungojë dyshja Cicmil-Bardulla. Kartonët e verdhë, që morën të shtunën e kaluar ndaj vlonjatëve, për mbrojtësit malazez Cicmil dhe mesfushorin Bardulla ishin të tretët sipas radhës çka i skualifikojnë automat8ikisht ëpr një ndeshje. Ndërkohë, një përplasje e ashpër e mbrojtësit Marku me një nga sulmuesit vlonjat të shtunën ka rezultuar me probleme për shkodranin në gjurin e djathtë. Me rekomandimin e stafit mjekësor, në seancën e djeshme, Marku nuk është stërvitur me skuadrën, duke ndjekur procesin stërvitor nga pista e “Reshit Rusit”. Ai i është nënshtruar një terapie intensive dhe në seancën e sotme (e hënë) stafi mjekësor do të bëjë testin e parë, fillimisht me aplikimin e vrapimeve rreth fushës. Në vazhdim nëse ka sinjale pozitive, do vendoset nëse do jetë gati të mërkurën. Me përparësi vazhdon të ndiqet edhe situata e sulmuesit Sebastian Soza, i cili gjithnjë sipas stafit teknik, ka tregues pozitiv. Edhe dje, ai nuk është bashkuar me grupin, por me të gjitha gjasat, sot do të jetë ndryshe dhe gjasat po shtohen që Soza të jetë në fushë të mërkurën me Laçin.

Lajme

PÃ«rgatitjet anti-LaÃ§i ; ShkodranÃ«t menjÃ«herÃ« nÃ« fushÃ«, i futen punÃ«s

Komentet