Portieri Alen Sherri dhe mbrojtësit Esin Hakaj e Erdenis Gurishta do të udhëtojnë që në mëngjes drejt Turqisë, bashkë me pjesën tjetër të lojtarëve të ekipit Shpresa. Veç Skënderbeut, duket se të tre këta futbollistë do të humbasin edhe ndeshjen e javës së ardhshme, ngaqë nga Turqia do të kthehen më 31 janar.
Vllaznia I ka dhënë fund sot përgatitjeve të saj në Ulqin dhe pasi ka zhvilluar edhe seancën e fundit stërvitore, është nisur drejt Shkodrës. Kuqeblutë u stërviten për 10 ditë në qytetin bregdetar të vendit fqinj ku zhvilluan edhe dy ndeshje miqësore, pikërisht ndaj Besëlidhjes dhe Deçiç dhe nga dita e nesërme do të nisin përgatitjet në Shkodër tashmë për ndeshjen e së dielës ndaj Skënderbeut, ndeshje kjo e vlefshme për turin çerekfinal të Kupës së Shqipërisë. E reja e kësaj skuadre vazhdon të jetë vetëm Endri Vrapi, futbollist ky që ka firmosur kontratë ndërkohë që ende nuk ka asgjë të re sa I takon lojtarëve të kërkuar për sulmin apo dhe ndonjë tjetri.
Pa u tharë mirë boja në kontratën me mbrojtësin Endri Vrapi, drejtuesit e klubit kuqeblu kanë gati firmosjen edhe me një tjetër futbollist. Nga mbrojtja kalohet në sulm, por këtu bëhet fjalë për një lëvizje tjetër konkrete në merkato.
Bashkë me administratorin Astrit Gjyrezi ka firmosur kontratën dypalëshe dhe në fakt drejtuesit e klubit nuk kanë patur dëshirë këtë herë të bëjnë prezantim zyrtar të këtij futbollisti. Ai ka udhëtuar nën shoqërinë e drejtorit sportiv, Armir Grima, për t'u vënë në dispozicion të stafit teknik dhe për të nisur stërvitjen bashkë me pjesën tjetër të ekipit.
Largimi I tre futbollistëve të huaj që kishin ardhur për t'u provuar, natyrisht që ka qenë vendimi I duhur I marrë nga trajneri Cungu I cili ka qenë shumë I ashpër në deklaratën e tij duke u ndalur tek gjendja e skuadrës shkodrane e cila ka shkuar në atë pikë saqë kushdo mund të mendojë se mund të veshë fanellën e saj por t
Ndonëse është vetëm dita e dytë e procesit stërvitor në tokën ulqinake, kanë nisur të dalin në skenë edhe emrat e parë të sektorit të infermierisë. Goditja e parë vjen në repartin e mbrojtjes, ku si pasojë e një ndërhyrje të ashpër të malazezit Cicmil ndaj Markut, ky i fundit ka mbetur i dëmtuar, ku me gjithë ndërhyrjen e stafit mjekësor nuk ka mundur të vijojë më tepër duke e lënë në mes seancën stërvitore.
