Më së shumti, ky numër i madh golash ka shërbyer për t'u dhënë gjashtë pikë atyre, me të cilat kanë krijuar njëfarë shkëputjeje nga Flamurtari dhe Bylis. Ky "shpërthim" i skuadrës shkodrane në fakt ka bërë përshtypje, sepse në 24 javë kampionat, ajo kishte shënuar gjithsej 20 gola. Ndërsa në dy javët e fundit, 7 gola.
Trajneri i Vllaznisë vlerëson fitoren e arritur ndaj Tiranës, por kërkon të mbajë ekipin me këmbë në tokë, sa i përket luftës për mbijetesë "Sikurse e kam thënë edhe pas ndeshjes ndaj Skënderbeut, kemi arritur një fitore, por nuk kemi siguruar asgjë më shumë"
Edhe për takimin e nesërm, ndaj Tiranës, i padisponueshëm për trajnerin Cungu do të jetë mbrojtësi i djathtë, Polizoi Arbri. Sulmuesi Arenc Dibra, mesfushorët Ardit Krymi e Ambroz Kapaklija, mbrojtësi Denis Pjeshka, kanë edhe ato shqetësime muskulare.
Të gjithë së bashku kanë kaluar rreth dy orë, para se të shpërndahen në banesat e tyre dhe të nisin nga dita e sotme përgatitjet për ndeshjen shumë të rëndësishme të së dielës me Tiranën. Natyrisht, darka e mbrëmshme është një tregues që te Vllaznia gjërat shkojnë mirë, ka harmoni dhe entuziasëm, çka pritet të reflektohet edhe në ndeshjet e ardhshme.
Tërbuni, në dy ndeshjet e fundit, me barazimet e marra ndaj Partizanit, por edhe ndaj Flamurtarit, ka treguar se nuk ka hequr dorë ende nga qëndrimi në Superligë. Sa u takon mungesave, vetëm mbrojtësi Pjeshka është i sigurtë që do të mungojë për shkak të plotësimit të numrit tre të kartonave të verdhë.
