Ilir, pse një paraqitje e dobët në ndeshjen me Bylisin ?  

Nuk di çfarë të them për ndeshjen, por dua të theksoj që çdo skuadër që vjen dhe luan në stadiumin tonë luan shumë e tërhequr prapa. Ata mbrohen me njëmbëdhjetë lojtare dhe është e vështirë të luash bukur e të shënosh. E rëndësishme për ndeshjen me Bylisin ishte që fituam e morëm tre pikë.

Ç’mendoni për pakënaqësite e presidentit dhe të trajnerit ndaj lojës së skuadrës ? 

Që në fillim të kampionatit kemi pasur shumë lojtarë të dëmtuar, dhe në çdo ndeshje kemi pas probleme me lojtarët nga dëmtimet dhe nuk kemi qënë asnjëherë të plotë në fushën e lojës. Në çdo ndeshje ka pasur lëvizje të shumta në formacion për shkak të lëndimeve. Ata kanë të drejtë, por siç pohova e më lartë këto kanë qënë shkaqet që s’na kanë lejuar të dalim në lojën tonë. 

Raporti juaj me trajnerin si është ? 

Unë personalisht i kam shumë të mira, por në përgjithësi të gjithë lojtarët kanë marrëdhënie të mira me stafin teknik. 

Si është gjëndja e dëmtimeve në skuadër për përballjen me Dinamon ? 

Beqiri ka qëndruar për dy javë pushim, dhe sot ka dal në stërvitje me pjesën tjetër te ekipit. Ai do të jetë i gatshëm për ndeshjen me kampionët. Dëmtime të tjera nuk kemi. 

Ç’farë mendoni për ndeshjen me Dinamon ? 

Jemi duke u përgatitur mirë për këtë takim, pasi është një ndeshje e fortë ndërmjet të dy ekipeve. I gjithë grupi beson dhe shpreson që do të fitojmë me lojë dhe me rezultat nda Dinamos. 

Në ç’farë aspekti  mendon se Vllaznia mund të fitojë kundër Dinamos ? Teknik apo fizik ? 

Përballja me kampionët do të jetë shumë  e fortë, dhe në atë përballje do të japim të gjithë maksimumin në fushë. Të gjithë sëbashku do mundohemi të marrim maksimumin nga kjo përballje. 

Cilin nga lojtarët e Dinamos keni  më shumë  frikë ? 

Asnjërin. Gjithsecili prej tyre ka klasin e vet. 

Pika e tyre më e dobët ?

Dinamo është skuadër e mirë, por si  çdo skuadër dhe ato kanë pikën e tyre të dobët, por nuk mund ta them para ndeshjes. 

Kush janë skuadrat rivale të Vllaznisë ? 

Për mendimin tim janë vetëm tre : Tirana, Dinamo dhe Elbasani me të cilat ekipi ynë do të luftoj deri në fund për fitimin e titullit kampion. 

Kombëtarja Shqiptare ? Ka pas interesim të Haanit për ty, qoftë dhe jo zyrtar ?

 Unë shpresoj që një ditë do më jepet mundësia të vesh fanellën kuqezi. Interesim nga trajneri ka pasur, dhe kështu shpresoj që të më jepet një mundësi.