Post
by fpjalmi » Mon, 07 Sep 2009 , 17:43
Gjermania “zbulon” Mesut Ozilin!
Autori: editor
Data: 07/09/2009
Version Print
Talenti me origjinë turke ka shkëlqyer ndaj Afrikës së Jugut, duke kënaqur trajnerin
Mesfushori i talentuar, Mesut Ozil, mund të ketë siguruar një vend titullari në përfaqësuesen gjermane pas asaj ndeshjeje të mirë që bëri në miqësoren e fituar 2-0 kundër Afrikës së Jugut, të shtunën. Pasi e udhëhoqi Gjermaninë Under-21 në suksesin e Europianit në Suedi në qershor, Ozil ishte autor i asistit për golin e parë kundër Afrikës së Jugut, i shënuar nga sulmuesi Mario Gomez.
Më pas, ai shënoi vetë golin e dytë. Lojtari 20-vjeçar duket se i ka sjellë përfaqësueses gjermane kreativitetin dhe ritmin që i ka munguar asaj prej vitesh, duke i furnizuar sulmuesit me topa të saktë, por duke qenë edhe vetë golashënues. “Në këtë ndeshja doja të isha vendimtar dhe ashtu ndodhi”, ka thënë Ozil. “Çdo gjë funksionoi si duhet dhe skuadra fitoi”, ka thënë organizatori i Verder Bremenit, i cili e ka mbushur mirë boshllëkun e krijuar nga largimi i Diegos te Juventusi.
Ai u duk në formë të shkëlqyer në krah të kapitenit Mikael Balak në zemër të mesfushës. Në fillim të ndeshjes, gjuajtja e tij e fortë nga goditja e lirë u prit nga portieri mik, Rouan Fernandez, përpara se ai të depërtonte në mbrojtjen e afrikanëve dhe të jepte asistin për Gomezin në minutën e 35-të. Ozili e ruajti presionin ndaj miqve me anë të pasimeve të tij të sakta dhe 13 minuta para përfundimit të lojës shënoi golin e dytë.
Loja e tij e mirë ka ardhur në momentin e duhur për Gjermaninë, që kryeson Grupin 4 me një pikë më shumë se Rusia e vendit të dytë. Gjermania pret Azerbajxhanin në Hanover të mërkurën dhe më pas do të luajë kundër Rusisë dhe Finlandës dy ndeshjet e fundit në grup, që do të japin verdiktin final për këtë grup.
“Mesut tregoi se është kreativ, i shkathët dhe befasues. Ai ka sy për t’i dalluar lojtarët që gjenden në pozicion të mirë për të shënuar dhe ka potencial të madh”, ka thënë Joakim Lëv, trajneri i Gjermanisë. “Ai është e ardhmja e përfaqësueses”, ka shtuar ai.
