LUTFI NURI-VLLAZNIA

Ultras Kuqeblu · Post by **Ultras Kuqeblu** » Sun, 20 May 2007 , 01:14

Napoloni” për ti treguar Bejzades që e kërcejmë me lek ne Tironsit

Në një debat televiziv njëri nga donatorët e Tiranës e ka akuzuar drejt për së drejti Skerdi Bejzaden si një njeri që bënë pazaret e ndeshjeve. Refik Halili ja ka thënë në sy atë që mendonte për sulmuesin shkodran , por ai ka shkuar e më tej duke i thënë se ishte turpi i ekipit të Vllaznisë dhe i të gjithë ekipeve që ka luajtur ai më parë. Ne kemi hedhur vallen e napolonit sot në stadium për ti treguar Bejzades që Tironsit e vërtet e hedhin vallen me lek dhe jo ashtu siç mund ta hedhi ai ose ndonjë tjetër, është shprehur Halili

Kjo eshte me ta tregua acik qe i kena sha pares dhe skeni ca me na ba, skane turp ca k** kampionati a ky kampionat kukullash,atehere kane te drejte qe nuk shkon tifozeria me pa ndeshjen etj etj.TURP TURP TURP

forri · Post by **forri** » Sun, 20 May 2007 , 08:16

A mundet ndokush me më shpjegu diçka?!!
Presidenti jonë tha se do shkonte në Tiranë me lujt,me para të rinjtë
Pse shkoi me skuadrën bazë?!! Për me tall bythën Tirana?!!Pastaj kur braktisën ndeshjen pse u kthyen prap?!!
Lojtarët tonë protestonin për golin e parregullt kurse lojtarët e Tiranës tallnin bythën duke kërcy në fushë.Skenë më të turpshme nuk kam pa nanjiherë.Nuk e di a ka fytyrë presidenti me drejtuesit e tjerë a jo?!!

Kështu është kur nuk i rri pazarit të parë,sepse u tha që:Ne në shenjë proteste kundër Tiranës do luajmë me para të rinjtë,pra e thënë troç do tallim bythën me Tiranën ndërkohë që ndodhi krejt e kundërta.
Nji fjalë e urtë thotë:«O fol e mba,o dhit e ha!»
Faleminderit o drejtusit tanë të nderuar,për spektaklin që na dhuruat.
Nuk e kam pa ndonjëherë të ulet kaq shumë përtokë bluza apo fytyra e VLLAZNISË !

Post by **vllaznia1919** » Sun, 20 May 2007 , 11:26

Naqe mas fol ma se e prish.Sidomos me faktin qe presidenti deklaroj kur dolne prej fushet qe po nuk u nrru albitri nuk futna ne fushe.E diftoj vedin se qfare legenit asht.
E vetmja gja e bukur e ksaj neshje ishin 2 golat e Vjorit.Per pjesen tjeter te neshjes nuk du me fole se e pate te tane se sa be....ma jane.

sportist_shkodran · Post by **sportist_shkodran** » Sun, 20 May 2007 , 15:43

Edhe un kam ken qe me dal prej fushet,plus kam pas qef qe ne ndeshjen me tiranen mi marr 11fmi diku neper shkoder e mi fut me lujt,e kta fmit n'fund te neshjes me shku mi dhan doren lojtarve te tiranes per medaljet qe varin ne qaf.

Post by **Edmond-Cela** » Sun, 20 May 2007 , 20:14

Fatjoni wrote:Per ata qe nuk jon ne dijeni:
Sot ne stadjumin"qemal stafa"jane shpernda mijra fletushka dorazi per sensibilizimin e sportdashesve,klubeve ene zyrtareve te federates persa i perket titujve kampjon te mohuara Tirones dhe Vllaznise ne periudhen e luftes 1939-1942,plus kampjonatin e vjedhur ne 1967 qe iu dha pa te drejt haleve te Dinamos.
Informacjone nga web do gjenden ne faqet www.sktirana.com , www.kftirana.info , http://home.wanadoo.nl/sktirana/ , www.tironafanatics.com , www.nakthenihakun.com (se shpejti).

mas mar burr se e le nam. oh e harrova edhe nje gja, e gezofshi at kampiunat qe fitoj Luftija

Post by **Edmond-Cela** » Sun, 20 May 2007 , 20:26

forri wrote:A mundet ndokush me më shpjegu diçka?!!
Presidenti jonë tha se do shkonte në Tiranë me lujt,me para të rinjtë
Pse shkoi me skuadrën bazë?!! Për me tall bythën Tirana?!!Pastaj kur braktisën ndeshjen pse u kthyen prap?!!
Lojtarët tonë protestonin për golin e parregullt kurse lojtarët e Tiranës tallnin bythën duke kërcy në fushë.Skenë më të turpshme nuk kam pa nanjiherë.Nuk e di a ka fytyrë presidenti me drejtuesit e tjerë a jo?!!

Kështu është kur nuk i rri pazarit të parë,sepse u tha që:Ne në shenjë proteste kundër Tiranës do luajmë me para të rinjtë,pra e thënë troç do tallim bythën me Tiranën ndërkohë që ndodhi krejt e kundërta.
Nji fjalë e urtë thotë:«O fol e mba,o dhit e ha!»
Faleminderit o drejtusit tanë të nderuar,për spektaklin që na dhuruat.
Nuk e kam pa ndonjëherë të ulet kaq shumë përtokë bluza apo fytyra e VLLAZNISË !

sjam i sigurt po me duket se denohesh rand po e braktise ndeshjen. une sjam tuj e mrojt valterin por sa per aktivizimin e te rinjeve nuk e ka than te sikurt, "ndoshta". ndoshta kan prit qe me gabu teuta dhe me fitu na, dhe fjalen e fundit duhet me ja lan tranjerit tham une

Post by **Edmond-Cela** » Mon, 21 May 2007 , 00:48

Tension në Tirana-Vllaznia shkodranët braktisin fushën

Goli i shënuar nga Devi Muka në minutën e 10-të të ndeshjes Tirana-Vllaznia, ka bërë që takimi më i rëndësishëm i javës së fundit të kampionatit, të mbyllet me tension. Shkodranët pretenduan për një prekje të topit me dorë dhe kërkuan sqarime nga arbitri Breshani, duke shkaktuar një kaos të vërtetë në fushën e lojës. Në këto momente, duke parë që arbitri nuk ka ndryshuar asgjë nga vendimi i tij, presidenti i Vllaznisë Valter Fushaj ka urdhëruar skuadrën e tij të braktisë fushën. Ashtu ka ndodhur dhe të gjithë lojtarët kuqeblu janë parë të hyjnë në dhomat e zhveshjes, ndoshta edhe në pritje të përfundimit të takimit Shkumbini-Teuta, nga rezultati i të cilit varej edhe shkuarja ose jo e kuqebluve në Kupën UEFA. Lojtarët miq kanë qëndruar për më shumë se 20 minuta në dhomat e zhveshjes dhe pas negociatash të shumta, ata janë bindur që të rikthehen. Natyrisht që avantazhi i Teutës në ato momente ishte marrë vesh, gjë që çoi edhe në një tolerim të dukshëm të shkodranëve në minutat e mbetura. Ekipi kuqeblu ka kërkuar vetëm për pak minuta që të imponojë ritmin, më pas gjithçka është luajtur në shenjën e ekipit të Muçës. Tirana ka fituar në shifrat 4-2 në fund të 90 minutave, duke e festuar në mënyrën më të mirë titullin numër 23 kampion.
Ndeshjet
Pavarësisht se e braktisën fushën në shenjë proteste për shkak të një goli, është e qartë që një nga arsyet kryesore përse Vllaznia doli në minutën e 10-të të takimit të djeshëm, ishte fakti se donte të merrte vesh atë që ndodhte në Peqin. Teutës i duhej fitorja për të mbajtur vendin e dytë që të çon në Kupën UEFA, gjë që kishte përqendruar gjithë vëmendjen e shkodranëve në ndeshjen e bregdetarëve me Shkumbinin. Pasi dolën nga dhomat e zhveshjes, ekipi i drejtuar nga Mirel Josa kishte mësuar për avantazhin e durrsakëve në Peqin dhe ndaj Tiranës, kanë bërë një ndeshje në dishezë. U duk qartë se Shkumbini-Teuta nuk do të kishte shumë histori pavarësisht ofertave financiare që presidenti Fushaj u kishte bërë peqinasve vetëm për të luajtur ndershëm. Tirana ka shënuar edhe tre herë të tjera, ku për t’u shënuar ka qenë vetëm dopieta e Vioresin Sinanit, që i dha atij trofeun e “Këpucës së Artë” të sezonit. Pas këtij takimi, Vllaznia përfundimisht do të luajë në Intertoto, Teuta në Kupën UEFA, ndërsa Partizanit do t’i duhet të mjaftohet vetëm me vendin e katërt.
balkanerb.com

Post by **Edmond-Cela** » Mon, 21 May 2007 , 10:29

qyra ma borru sju vjen marre hyq me fole ishtu dhe jam njerz te lart dimek. turp ta ken ta donatort e tirones

Akuza e Halilit: Bejzade është njëshi i pazareve [/b

Donatori i Tiranës Refik Halili ka akuzuar ashpër sulmuesin e Vllaznisë Skerdi Bejzade, duke e quajtur atë si njëshin e pazareve që ndodhin në Shqipëri. Të ftuar në emisionin “Minuta 24” të Genc Ymerajt, donatori dhe futbollisti i skuadrës shkodrane kanë replikuar ashpër me njëri-tjetrin, teksa në adresë të Bejzades ka ardhur edhe akuza e pazakontë. Gjithçka ka ardhur pas fjalës së lojtarit, i cili ka thënë se për një moment mendoi t’i merrte paratë e dorovitura në vallen Napoleoni që morën lojtarët e Tiranës të shtunën dhe t’ia jepte arbitrit të ndeshjes. Fjalë që janë dukur si akuza për korruptim arbitrash nga ana e donatorit Halili, i cili më pas ka folur tepër ashpër. “Ne e nisëm vallen Napoleoni, pas disa akuzave të bëra pikërisht nga Bejzade që thoshte se ky apo ai, nuk di ta kërcejë”, tha Halili. “Për Bejzaden më vjen keq që nuk e di Napoleonin dhe që tiranasit kur kërcehet kjo valle hedhin lekë. Në fakt, s’ka nga ta dijë se ai nuk shkon nëpër dasma, po shkon në disko. Dhe meqë ai aludon se Tirana merret me arbitra apo u jep lekë atyre, atëherë unë po e akuzoj hapur se ai është njëshi i pazareve në Shqipëri. Unë e akuzoj këtë futbollist direkt për pazare, është numri 1 i prapaskenave dhe mjerë ai klub që e ka afër”, u shpreh donatori bardheblu. Akuza që e kanë vënë në një siklet të madh sulmuesin kuqeblu, teksa në qendër të diskutimeve ka qenë pikërisht ndërprerja e ndeshjes dhe vallja e hedhur nga futbollistët e Tiranës në momentin e shënimit të golit. “Goli u pa qartë se u shënua me dorë dhe më pas, këta shkuan të kërcenin Napoleonin, madje duke hedhur edhe lekë. Kjo nuk durohej”, është shprehur Bejzade. Por, për donatorin Halili, turpi i vërtetë në ndeshjen përmbyllëse të Superligës, ishte edhe dalja nga fusha që bënë lojtarët shkodranë. “Unë kam shumë miq në Shkodër dhe Shkodra ka një traditë në futboll, por ajo që bëtë ju sot (të shtunën), ua ka nxirë faqen gjithë brezave shkodranë. Ua ka ulur të gjithëve vlerat dhe besoj se ti Bejzade ke qenë një nga autorët kryesorë. Mua m’u duk si i parapërgatitur si skenar, pasi nuk mundet një trajner të marrë vendim për të dalë nga fusha”, u shpreh donatori i kampionëve. “Meqë ti mendon se kam qenë unë, po të them se unë isha nga ata që insistova më shumë që skuadra të futej në fushë. Po të donim t’u prishnim festën, ne kishim ardhur me para të rinjtë këtu dhe e bënim”, ishte replika e Bejzades.

balkanweb

Post by **Edmond-Cela** » Mon, 21 May 2007 , 10:29

Bejzade: Lekët e valles do ia jepja arbitrit

Vallja Napole oni e he-dhur dy ditë më parë nga futbollistët e Tiranës pas sh-ënimit të golit të parë kundër Vllaz-nisë, ka qenë ajo që ka irrituar më shumë lojtarët kuqeblu, të cilët kanë braktisur për më shumë se 20 minuta fushën e lojës. “Ishte një gol që e panë të gjithë që u shënua me dorë”, tha Bejzade. “Nuk e mora vesh përse duhej kërcyer Napoleoni aty në fushë. Për t’u tallur? Kjo s’ka kuptim, madje u hodhën edhe lekë. Për një moment mendova t’i mbledh lekët dhe t’ia jepja arbitrit, ndoshta do ishte më mirë kështu”, u shpreh sulmuesi kuqeblu. Megjithatë Bejzade pranoi se edhe vetë Vllaznia kishte faj për moskualifikimin në Ev-ropë. “Edhe vetë trajneri Bici e tha se Besa me barazimin ndaj nesh e arriti objektivin e sezonit”, u shpreh ai.

Post by **vllaznia1919** » Mon, 21 May 2007 , 13:20

Se ba me ni tiransat ata jane me te nershmit e bots.Kot qe kan shku nej fije me e lujte at neshje.Mas te kishin shku hiq e te kishin festu me njata 10 tifoza qe ishin ne stadjum.
Megjithate qa rakin me ta e shofim qa bahet sot i vjet por me kta drejtusa qe kena pak shpresa kam.

Fatjoni · Post by **Fatjoni** » Tue, 22 May 2007 , 12:39

Shkrimi i botuar sot dt.22.05.2007,nga Prof.Dr.Besnik Dizdari ku behet fjale per kampionatet e mohuara te Tirones e Vllaznise:

http://www.gazetatema.net/index.php?gju ... y=9&id=245

-----------------------------------------------------------------------------

SK Tirana dhe të tjerët…Nga Besnik Dizdari
* Përse fitorja e 23-të zyrtare dhe e 25-të autentike e SK Tiranës është fitore e historisë?

* Cilat janë 16 skuadrat më të mira të 77 vjetëve, shifër shpëtimtare që thërret për 16 skuadra në kampionatin kombëtar 2007-’08

Kjo është një temë e patrajtuar ndonjëherë, ndonëse titulli duket se nuk të ngjall një kërshëri. Është një temë që i përket vetëm periudhës së mbaskomunizmit. Më përpara, tema “SK Tirana dhe të tjerët” nuk mund të trajtohej përderisa kampionati i Shqipërisë sundohej nga tema “Partizani dhe Dinamo”. Të paktën kësisosji deri kah fund i viteve ’80, edhe pse qe mu 17 Nëntori (sot SK Tirana), ai i cili, qysh në vitet ’60 kishte nisur ta kundërshtonte temën e vjetër të dyshes së madhe dikasteriale, i pasuar nga Vllaznia dhe paksa prej Labinotit të Elbasanit dhe Flamurtarit të Vlorës. Duhej të silleshin në skenën e historisë 7 kampionatet kombëtare të Mbretërisë prej autorit të këtij shkrimi, që historia të konfigurohej për kah e vërteta. Është e çuditshme, por vetëm më 1990-’91-shin ia arritëm të vinim në vend historinë dhe 17 Nëntori, si dikur Sportklub Tirana, t’i kthehej kryesimit të kësaj historie, më saktë sundimit të saj. Tash po, mund të trajtonim temën “e re” “SK Tirana dhe të tjerët”.

1.

Në të vërtetë, mbas kurorëzimit të së shtunës që kaloi, kurorëzimi i 23-të zyrtar, më duket se nuk kam çka shtoj, por i kthehem një shkrimi emblematik të vitit 2004, të cilin më duhet ta “ribotoj”, duke i bërë “errata corrige”- n e vitit 2007, sepse asgjë tjetër më fort se ai gjykim i përtërirë i vitit 2004 nuk i shkon më përshtat temës “SK Tirana dhe të tjertë”. Dhe më del përsëri pak a shumë në variantin që thotë se, “fitorja e SK Tiranës është fitore e historisë”.

Ndonëse për një çast të duket se është një trajtim i gabuar kësisoji, ky përkufizim i përfundimit të Kampionatit të 68-të Kombëtar të Futbollit, sepse, në fund të fundit, SK Tirana është një klub i Tiranës dhe jo i gjithë Shqipërisë dhe se titulli i 23-të i saj, mbase nuk mund të quhet një fitore e mirëfilltë e historisë, por e historisë së sportklubit tonë të shquar.

E megjithatë, them se sidoqoftë, është pikërisht edhe një fitorë e historisë sonë kombëtare të sporteve dhe të futbollit. Ndoshta edhe më tej. Në radhë të parë, sepse ky kampionat i 68-të, u fitua nga kampioni i parë i Shqipërisë që është SK Tirana. Por edhe kjo duket thjesht si një vlerë disi statistikore. E vërteta e kësaj "historie" qëndron diku tjetër: në atë që vetë Sportklub Tirana është një histori, histori e gjallë e kulturës sonë kombëtare, e sportit tonë kombëtar, e kampionatit tonë shqiptar. Pikërisht për histori, ajo fiton 23 kampionate, sepse fitoret i ka pjesë të historisë së saj dhe pa to ajo nuk mund të ekzistojë. Jo thjesht në kuptimin e fitoreve, por më tepër të rolit të saj në të gjithë këtë histori. Është një pjesëmarrje duke luajtur gjithmonë në role të dorës së parë. Fitoret e saj kanë shtyrë përpara një histori të futbollit shqiptar dhe sado modeste që të jetë ajo, si të gjitha historitë e Shqipërisë, roli i SK Tiranës është tejet i madh. Kjo shihet edhe te shifra "23", kur kundërshtarin më të afërt ka Dinamon më 7 kampionate më pak. Edhe për këtë, fitorja e SK Tiranës është fitore e historisë. SK Tirana ka bërë historinë e kampionateve tona, e ka themeluar atë, e ka çuar përpara, e ka gjallëruar, e ka shpëtuar kur ajo rrezikohej të mos ishte më histori dhe madje ka falë histori. Më e pakta, SK Tirana i ka falë histori dy klubeve, të cilët së bashku kanë fituar 31 kampionate, Partizanit dhe Dinamos - të cilët kur u themeluan, të paktën gjysmën e lojtarëve i kishin të Sportklub Tiranës, Punës së Tiranës apo 17 Nëntorit të Tiranës. Për fat, ky ka qenë çasti kur pa pikë mirënjohje këta dy klube që SK Tirana iu fali histori, deshën të ndalnin historinë e SK Tiranës. Për mbi 20 vjet, ata ia arritën ta ndalnin këtë histori. Nuk e ndalën thjesht duke mos e lejuar atë vetë të bënte histori përmes titujve kampionë, por gati të mos e lejonin të luante asnjë rol në këtë histori. Harruan se personazhet e mëdhenj nuk mund t’i heqësh nga historia edhe pse për një farë kohë ia arrin t'i mënjanosh prej saj.

Dhe 17 Nëntori, Sportklub Tirana apo Puna e Tiranës u rikthye në mesin e viteve '60, jo vetëm për të mos dalë më kurrë nga historia, por për të vazhduar drejtimin e historisë. Më 1990-ën, ajo ia arriti të nxirrte në skenë historinë e mohuar, sepse SK Tirana deri më 1991-shin ka qenë i vetmi klub futbolli në Evropë, të cilit me vendim shtetëror, pra përmbi 45 vjet, ia kishin hequr historinë e 6 titujve të kampionit. Dhe, kur një ditë të bukur iu kthye kjo histori, papritmas ajo u shndërrua në atë që kishte qenë, në "primadonë" ose në zonjë e parë.

Kjo është Sportklub Tirana, fitorja e 23-të e së cilës është fitore e historisë, fitore e themelimit, fitore e fillimit dhe e fundit, që kurrë nuk mund të këtë më fund. Është fitore mbarëkombëtare, pra më tepër se kombëtare, ndonëse çdo kampione, dihet që quhet kombëtare. Fitorja e SK Tiranës është mbarëkombëtare, sepse askush tjetër si ajo nuk ka patur në gjirin e vet larminë më të pafund të përfaqësuesve të të gjithë zonave të trevave shqiptare. Kur është themeluar si kampione më 1930-ën, ajo ka patur në 11-shen e saj tiranase, shkodranë, elbasanas, mallakastriotë, korçarë, dibranë, por edhe mitrovicas e gjakovarë. Do të vështroni mbas pak ditëve kur të botoj Panteonin e saj, tash të pasuruar edhe më tej.

SK Tirana në mbarëkombëtarinë e saj është unikale. Ajo të rrëmbën. Të gjithë "të huajt", ajo ka një aftësi të jashtëzakonshme për t'i shndërruar në tiranas të vërtetë të futbollit dhe mbrenda një kohe të shkurtër arrin t'iu blatojë stilin e saj. Mandej, kur ata largohen, atje ku shkojnë, vetvetiu përçojnë këtë stil historik te skuadrat e tyre. SK Tirana, që njihet për "konservatore", në të vërtetë është më liberalja. Tregun e futbollit në Shqipëri e para e ka filluar ajo. Është e para dhe e vetmja që i ka falë Juventusit dhe Romës së Italisë dy kampionë të rangut evropian, Riza Lushtën dhe Naim Kryeziun. SK Tirana është i vetmi klub futbolli në Shqipëri, përfaqësues të së cilës, të arratisur prej një terrori, një herë ia kanë arritur të dalin në fushën e lojës në një stadium të madh të Evropës në Romë dhe me fanelat e kombëtares me shqiponjën e flamurit, të zhvillojnë ndeshje me një klub të madh: Lazio të Romës. Vetëm këta lojtarë të Sportklub Tiranës kanë zhvilluar një ndeshje revolte atdhetare, kundër vendosjes së regjimit komunist në Evropën Lindore. Ishin futbollistë të shquar, të cilët përveç të tjerave kishin fituar dy kampionate kombëtare (1939, 1942) të Luftës në Shqipëri, të cilët ne po luftojmë tash pak vjet që të njihen, e për këtë iu kemi kushtuar një libër të posaçëm. Atëbotë, SK Tirana do të kishte për të qenë jo 23, por 25 herë kampione e Shqipërisë. Portat për të tjerët i ka hapur e para në Shqipëri po SK Tirana. Vështroni edhe emrat e stinës 2006-’07, se çfarë larmie krahinash gjen te protagonistët e saj. Kam vendosur që në këtë shkrim të mos përmend asnjë emër se do të gaboj. Emrat i gjeni së shpejti te 200 kampionët e Panteonit. E atëbotë, në mungesë të analizës së një kampionati, të cilin SK Tirana e fitoi prap me një epërsi, sepse e siguroi para kohe, do të flasë Panteoni si dhe kjo ese lakonike si argument që fitorja e 23-të zyrtare apo e 25-të autentike e SK Tiranës, është fitore e historisë; jo thjesht sepse një kampione i përket gjithë historisë kombëtare, po sepse askush më mirë se SK Tirana, nuk ka plazmuar aq fort, një histori futbolli të Shqipërisë, kaq kombëtare dhë përtej. Çuditërisht, jo vetëm sepse ajo i ka dhënë kombëtares numrin më të madh të lojtarëve qysh ditën e parë kur u themelua më 1936-ën, dhe madje as sepse përherë ka qenë në përbërje një skuadër mbarëkombëtare qytetesh e trevash, por sepse askush më fort së SK Tirana, nuk ka përfaqësuar shpirtin rinor të kombit tonë në fushën e blertë. Forca, pasioni i madh, këmbëngulja e jashtëzakonshme, etja e madhe për kthesë, energjia, shpirti i paepur dhe në fund të fundit, stili i një vrulli dhe mosdorëzimi asesi në këtë fushë të blertë, çka shpesh shumëkush i ka quajtur veçori të futbollit shqiptar, më parë se të tjerët, janë brumosur te Sportklub Tirana. Është ai që njihet si "shpirti i Tiranës".

I dha të gjitha këto dhe mu në këtë 2006-’07, ndonëse për fatin e saj të keq, qenë të një kohe kur historia nuk vlerësohet. Për hir të Panteonit, thashë se nuk do të përmend asnjë emër. Megjithatë, edhe më e tana ka një përjashtim. Do ta mbyll me vetëm dhjetë emra, dhjetë njerëz, të cilët me këtë cilësim nuk i ka as Panteoni. Janë ata të cilët kanë plazmuar me duart e tyre vetë Panteonin e Sportklub Tiranës. Janë mësuesit e saj, trajnerët, nga i pari te i fundit.

Nderim pra për SAMO SINGERIN, SELMAN STËRMASIN, MYSLYM ALLËN, ENVER SHEHUN, SHYQYRI RRELIN, SHKËLQIM MUÇËN, SULEJMAN MEMËN, ENVER HADZIABDIC, FATMIR FRASHËRIN, KRENAR ALIMEHMETIN, LUAN SENGLA, SULEJMAN STAROVËN, MIREL JOSËN, e përsëri MIREL JOSËN, e edhe më përsëri SHKËLQIM MUÇËN të kurorës numër 23. Kështu, duke i vënë të gjithë, qoftë ata që e kanë drejtuar edhe një apo dy javë si trajnerë të parë SK Tiranën në vitin e fitimit të çdo titulli të saj. Pa ta, Sportklub Tirana nuk mund t’i përkasë historisë.

2.

E tash pak për të tjerët.

Ose më mirë me thënë, për të mëdhenjtë e tjerë. Sepse, përveç SK Tiranës, Kampionati i Shqipërisë ka edhe të mëdhenj të tjerë, të cilët herë mbas here kur kanë marrë edhe ata titujt e tyre të kampionit, kanë mëtuar që edhe fitorja e tyre të jetë po aq një “fitore e historisë”. Sepse dihet, përveç 23 kampionateve të sportklubit janë edhe plot 45 kampionate të tjerë, që i kanë fituar të tjerë. Dhe mbrenda kësaj 45-she gjen edhe një sundim tjetër, sundimin e Partizan-Dinamos: 31 kampionate të fituar së bashku, 16 Dinamo dhe 15 Partizani, por vetëm dy të fituar në 17 vjetët e fundit prej tyre: vetëm 1 Partizani më 1993 dhe vetëm 1 Dinamo më 2002. Histori e mbyllur, e harruar, gati e shuar. Një epokë që është ndrydhur si në një prehistori. Po të thoje në vitet ’70 apo ’80 se do të vijë një kohë që Partizani dhe Dinamo në 17 vjet rresht do të fitonin vetëm nga 1 kampionat, do të vinim buzën në gaz. Mirëpo, përmbysja erdhi. Dy superklubet e dikurshëm tash rrezikojnë gjithnjë e më fort të humbin historinë, e cila nëse nuk përsëritet, vërtet që nëse nuk mund të humbë, mund të shtresëzohet nën dhé si teatrot e lashtësisë.

Dhe ata nuk luajnë më role të mëdha në historinë e kampionateve të Shqipërisë. Dikur i merrnin futollistët vetëm me telefona, tash duhen miliona për t’i marrë. Është diçka tjetër. Është kohë tjetër. Ata nuk mund të mbahen më vetë me ngjyrat e klubit që përfaqësojnë vërtet një histori të madhe, por një histori tejet të largët, të dikurshme. Flet qartë për këtë viti 2007. E shikoni se iu duhet të kënaqen vetëm me vende modeste: Partizani i 4-ti dhe Dinamo e 5-ta. Historia e lavdishme duket krejt e mbyllur, sidomos për Partizanin, kur kujton se ka 14 vjet që nuk fiton asnjë titull dhe kur madje ka njohur edhe rënien në Ligën 2 (Kategoria e dytë), ndërkohë që edhe titullin e nënkampionit të Shqipërisë për herë të fundit e ka fituar 15 vjet më parë, më 1992-shin. Dinamo diçka më ndryshe, sepse përveç titullit të 2002-shit, pesë vjet më parë qe nënkampione dhe madje dy herë e treta e Shqipërisë. Po ndërkaq, në këtë 2007 rënia e saj është drastike: 25 pikë larg Sportklub Tiranës, e 5-ta dhe i duhet të kënaqet me faktin e çmuar se të paktën me 16 titujt e fituar, vjen e dyta mbas SK Tiranës me 23 titujt e saj.

Futbolli shqiptar, duket se kështu tashmâ ka mbyllur një herë e mirë punët me sundimin e Partizan-Dinamos.

Teuta e Durrësit - kampione më 1994-ën - është nënkampione mbas 11 vjetëve. 2007-ta qe për të një vit vërtet i lumtur, sepse ka luftuar në dy fronte plot “heroizëm”, ndonëse me vetëm një stonaturë: dorëzimin pa kushte në fundoren e Kupës së Shqipërisë. Pati një prijës jo nga fusha e drejtpërdrejtë, por nga pankina pranë fushës: Sulejman Starova.

Vllaznia e Shkodrës, nga ana e saj është e madhja tjetër historike që në gjithë këto vite ‘2000 i duhet të kënaqet vetëm me titullin e 2001-shit, i fundit për të, i 9-ti në tanësi, pa mbërritur asesi që ta çojë historinë e saj në dy shifrën juibilarë: 10 herë kampione e Shqipërisë. Në të vërtetë, ajo kaq është kur kujton titullin ende të paomologuar të vitit 1940. Por, zyrtarisht ende jo! Në mbrendësi të vetvetes ka një meritë të rrallë edhe për titullin e sportklubit: dy shënuesit e saj i kanë blatuar titullit të SK Tiranës 2007 plot 36 nga 64 golat që kampionia ka shënuar. Më shumë se gjysma e tyre janë të një marke shkodrane, por ky është globalizmi i futbollit të sotëm. Ndonëse për skuadrën shkodrane ka ardhur koha për të që të mbajë fort në tokën e saj talentet e saj. Nuk ia arrin. Ose për shkak të ekonomisë së tregut, që nuk di ta mbarështrojë, ose për shkak të shterrimit të talenteve. Këtë të fundit nuk e besojmë. Vllaznia e Shkodrës, e cila ka plot 20 vjet që nuk fiton as edhe një Kupë të Shqipërisë, megjithë ndryshimin që bëri falë drejtimit të një trajeneri kampion si Mirel Josa, i cili drejtoi në plot 11 javë edhe Sportklub Tiranën 2007, çka do të thotë se statistikisht është po trajner kampion i vitit, së bashku me Shkëlqim Muçën, sepse 22 pikë prej të 72-ve të sporklubit janë të tijat, prap se prap i gjithë organizimi i futbollit shkodran ka vënë në pikëpyetje një traditë. Përveç të tjerave, u pa se edhe aleancat e dikurshme që i bën klubet e tjerë të luajnë futbollin e ndershëm në mbështetje po të atij që quhet “nderi sportiv”, ajo i ka humbur.

Dhe mu këtu merr fund tema jonë “SK Tirana dhe të tjerët”, sepse KS Elbasani la titullin për vendin e 7-të dhe Besa la ndeshje të tana për Kupën e Shqipërisë. Ia arriti kësaj ndoshta më tepër se për meritë stinore, për meritë historike. Edhe këtë, jo vetëm ngaqë ndër vite i kanë rrëshqitur kupat para syve, por sepse i ka dhënë tejet futbollit kombëtar si një nga shoqëritë më të vjetra të Shqipërisë. Mu për këtë e meritonte të përfshinte emrin e saj në Librin e Artë. Ndonëse “mesi” i saj në renditjen e kampionatit të 68-të nuk mund të quhet kurrsesi “i artë”.

Më tej nuk mund të ecim. Historia e tronditur e Flamurtarit të Vlorës, i cili vazhdon të paguajë ende dy vitet në Ligën 2, kërkon bazament të ri, të cilin askush në Vlorë nuk merr përsipër ta ndërtojë dhe vetëm i 9-ti

Të tjerët janë krejt jashtë teme. Ata i përkasin një “bote tjetër”, por edhe në këtë rast ka një përjashtim: Kastrioti i Krujës, i cili ia arriti që mbas 11 vjetëve të ruajë qëndrimin në kampionatin kombëtar, çka përbën suksesin e rrallë, tejet të rrallë të tij.

Do të kemi mbas kaq vitesh tri skuadra të Veriut të Shqipërisë në kampionatin kombëtar: Vllaznia do të ketë dy “aleatë”: Besëlidhjen e Lezhës dhe Kastriotin e Krujës, sepse dihet: ndonëse Veriu i ka dhënë futbollin Shqipërisë, gjithnjë ai ka një prani të varfër në kampionatin kombëtar. Dhe kuptohet përse: futbolli është zakonisht vepër e qyteteve…

Apolonia e Fierit dhe Luftëtari i Gjirokastrës që i thanë lamtumirë kampionatit kombëtar (natyrisht mund të shpresojnë në një shtim të mundshëm të skuadrave prej FSHF-së), qenë pa role të dorës së parë dhe të dytë në një përfshirje të mundshme për një afrim te tema e jonë, por pa ia arritur. Dhe mbërrin Skenderbeu i Korçës, kampioni i vitit 1933, i cili, në gjashtë kampionatet e fundit ka munguar në pesë prej tyre.

Jemi në kërkim një kampionati të qyteteve, ku natyrisht hyn mbrenda edhe kryeqyteti. Nuk mund të themi se po e gjejmë. Kampionati i 68-të që fiksoi për herë të 13-të radhazi praninë e një qyteti të vogël si Peqini, pra Shkumbinin, çka përbën sensacionin ende të papërimtësuar të të gjithë këtyre viteve, duket se më këte fakt e lëkund tejet kërkimin për te një Kampionat i Qyteteve Tradicionale të Futbollit. Në të vërtetë, 16-shja e 68 kampionateve simbas arkivit tonë, me kampionatin e 68-të dha vetëm një ndryshim: Vllaznia e Shkodrës, falë dështimit të Dinamos në këtë 2007, kalon klubin dinamovit dhe ngjitet në vendin e tretë. Kjo ishte e vetmja lëvizje. 16-shja më e mirë për të 68 Kampionatet Kombëtare të Shqipërisë, simbas pikëve të fituar në tanësi, është kjo:

1.SK TIRANA / Tiranë

2.PARTIZANI / Tiranë

3.VLLAZNIA / Shkodër

4.DINAMO / Tiranë

5.TEUTA / Durrës

6. FLAMURTARI / Vlorë

7. KS ELBASANI / Elbasan

8. BESA / Kavajë

9.SKENDERBEU / Korçë

10.KS LUSHNJA / Lushnjë

11.TOMORI / Berat

12.LUFTËTARI / Gjirokastër

13.APOLONIA / Fier

14.SHKUMBINI / Peqin

15.BESËLIDHJA / Lezhë

16.NAFTËTARI / Kuçovë

Këto janë 16 skuadrat më të mira të 68 Kampionateve Kombëtare të Shqipërisë. Kjo është renditja e tyre nga vendi i parë deri tek 16-ti në 77 vjet Kampionat Kombëtar në Shqipëri. Eh! Sikur të ishte diçka kësisoji, me 16 skuadra pjesëmarrëse, kampionati i 69-të!...

Ndryshim i bukur, i madh, origjinal, klasik, realist, historik, e pse jo edhe modern, ndonëse tema do të mbeste po ajo: “SK Tirana dhe të tjerët”.

BESNIK DIZDARI

Post by **vllaznia1919** » Tue, 22 May 2007 , 13:27

E kemi per nder te bejme pjese tek "Te Tjeret"!

Post by **Admin** » Tue, 22 May 2007 , 17:37

Artikulli po me duket pak si shume poetik dhe aspak gazetaresk......
Si edhe po me duket sikur autori, shkodrani Dizdari ka dahst me i ba publicitet librit te ardhshem te tij !!!

Fatjoni · Post by **Fatjoni** » Tue, 22 May 2007 , 17:54

Admin wrote:Artikulli po me duket pak si shume poetik dhe aspak gazetaresk......
Si edhe po me duket sikur autori, shkodrani Dizdari ka dahst me i ba publicitet librit te ardhshem te tij !!!

Naqe,Besnik Dizdari osht ai qe se bashku me 2-3 gazetare te tjere ka ngritur zerin qe 3-4 vjet me pare per keto 3 trofe qe nuk jane njohur akoma nga FSHF.Pra ai nuk flet me njeanshmeri por kerkon vetem realitetin dhe kompletimin e historise se duhur te kampionateve tona.
Por...edhe pak publicitet nuk osht keq per nji FIGURE te madhe te gazetarise sportive,nji profesor doktor

Post by **Man in Redblue** » Tue, 22 May 2007 , 19:01

Fatjoni wrote: Por...edhe pak publicitet nuk osht keq per nji FIGURE te madhe te gazetarise sportive,nji profesor doktor

profesor doktora ne shqipri ka me thase

sportist_shkodran · Post by **sportist_shkodran** » Tue, 22 May 2007 , 21:30

Ti faleminers Fatjoni per pasqyren e kampionateve,ti kishe ra pak ma shkurt mar burr,se me lexu tan at shkrim u dote me marr lejen e zakonshme,qeshem maj naqe.

Faleminers.

Post by **Admin** » Tue, 22 May 2007 , 21:30

Fatjon nuk po e ven kush ne dyshim qe Prof. Doktor Dizdari nuk asht i tille, pra profesor.
Sa i takon njeashmerise, mu sme duket se ai ka shkru per ato kampionate te mohume si Tiranes po ashtu edhe Vllaznise!!! Aj ma teper ka ba publicitet per librin e tij si edhe shum shum shume perciptazi ne nje fare menyre ka fol per kampionatet e mohume.

forri · Post by **forri** » Wed, 23 May 2007 , 15:50

Admin wrote:Fatjon nuk po e ven kush ne dyshim qe Prof. Doktor Dizdari nuk asht i tille, pra profesor.
Sa i takon njeashmerise, mu sme duket se ai ka shkru per ato kampionate te mohume si Tiranes po ashtu edhe Vllaznise!!! Aj ma teper ka ba publicitet per librin e tij si edhe shum shum shume perciptazi ne nje fare menyre ka fol per kampionatet e mohume.

O ti thuj ishalla po e vendosin trajner te Tirana,sivjet,jo për nanji gja por e ka këmbën e mbarë,o e len sakat,nji skuadër,o e zbret nji kategori më poshtë!>

Post by **Man in Redblue** » Wed, 23 May 2007 , 18:08

forri wrote:
Admin wrote:Fatjon nuk po e ven kush ne dyshim qe Prof. Doktor Dizdari nuk asht i tille, pra profesor.
Sa i takon njeashmerise, mu sme duket se ai ka shkru per ato kampionate te mohume si Tiranes po ashtu edhe Vllaznise!!! Aj ma teper ka ba publicitet per librin e tij si edhe shum shum shume perciptazi ne nje fare menyre ka fol per kampionatet e mohume.
O ti thuj ishalla po e vendosin trajner te Tirana,sivjet,jo për nanji gja por e ka këmbën e mbarë,o e len sakat,nji skuadër,o e zbret nji kategori më poshtë!>

A e ke fjalen per Dizdarin a per Lut Nurin
Se po e morri Dizdarie zbret nji kategori ma poshte, po e mori Luti i len sakat, then kamt nakush.

PARTIZANI · Post by **PARTIZANI** » Wed, 23 May 2007 , 18:17

obobo dun me i nxjerr kampionate te tjera tiranes tani