Re: Lajmet per skuadren e Vllaznise
Posted: Mon, 11 Jul 2011 , 12:53
Shqiptari kundër shqiptarëve, Rama: Sfidë speciale me Vllazninë, po shënova do të festoj
Ndeshja ndërmjet Vllaznisë dhe FC Thunit, në kuadër të “Europa League”, do të jetë e veçantë për Milaim Ramën, futbollistin kosovar, që ka provuar të veshë edhe fanellën e kombëtares helvete. Përveçse do të ketë përballë një skuadër shqiptare, sulmuesi kosovar do të vizitojë Shqipërinë për herë të parë në jetë. Gjë të cilën mund ta kishte bërë më herët, në fakt, që në kohën kur kuqezinjtë drejtoheshin nga gjermani Hans Peter Brigel.
Ishte koha kur ky i fundit këmbënguli që Milaim Rama të bëhej pjesë e kombëtares së Shqipërisë, por futbollisti kosovar i Thunit, pas disa kohësh hezitimi, zgjodhi përfaqësuesen e Zvicrës, të vendit ku jeton e luan prej shumë vitesh. Në rrethana krejt të tjera tashmë, me jo pak vite mbi supe, jo më ai goleadori i shquar i FC Thunit dhe i kampionatit zvicerian, ai thotë se nuk do ta ketë të lehtë përballë shkodranëve të Vllaznisë. Njëkohësisht, Milaim Rama paralajmëron se do të festojë, nëse shënon gol në portën e kuqebluve, kundërshtarëve të të njëjtit gjak, të të njëjtit komb me të.
I gëzuar: “Jam shumë i gëzuar që do të luaj kundër Vllaznisë. Kur morëm lajmin se mund të luajmë kundër tyre, hyra në uebfaqen e klubit dhe pashë që Vllaznia është një klub i vjetër e me traditë. Jam i gëzuar që do të shkoj edhe në Shqipëri, pasi asnjëherë në jetë nuk kam pasur rastin ta shkel këtë vend. Shpresoj se do të kthehem me një përshtypje të mire prej andej”, - ka thënë Milaim Rama për gazetën “Express” të Kosovës, të shtunën.
Megjithatë, ish-sulmuesi i kombëtares zviceriane, i klubit gjerman të Augsburgut dhe atij zvicerian të Schaffhausenit, ende nuk e di nëse do të luajë nga minuta e pare, të enjten e ardhshme, përballë Vllaznisë, në stadiumin “Loro Boriçi”.
“Shpresoj se do të luaj në këtë ndeshje, si pjesë e FC Thunit. Gjatë përgatitjeve që po zhvillojmë për ndeshjet e “Europa League” kam dhënë maksimumin. Po ashtu, i kam bërë me dije trajnerit se jam i gatshëm të luaj ndaj Vllaznisë. Në fund të fundit, i mbetet atij të vendosë, nëse do të luaj apo jo si titullar në Shkodër, apo edhe në ndeshjen e kthimit me Vllazninë”, - thekson 35-vjeçari.
Festoj golin: Milaim Rama, i cili para pak ditësh e rinovoi kontratën me FC Thunin edhe për një vit, është i gatshëm të festojë në Shkodër, nëse arrin të realizojë gol në portën e kuqebluve. “Sigurisht, çdo sulmues e feston golin e vet, pasi të realizojë. Unë kam dëshirë të shënoj kundër Vllaznisë dhe të festoj. Me siguri që tifozët shkodranë do të më kuptojnë në të tilla rrethana. Profesionalizmi në futboll i ka këto gjëra, ndaj s’kam pse të jem i stepur, as i drojtur për t’iu gëzuar suksesit personal, apo edhe të skuadrës në këto dy përballje me shkodranët,” – shtoi sulmuesi shtatlartë.
Jo e lehtë: Vllaznia, në turin e parë të kualifikimeve për “Europa League” ka eliminuar ekipin nga Malta, Birkirkara. Kosovari me pasaportë zvicerane thotë se nuk do ta kenë të lehtë përballë shkodranëve as zvicerianët e FC Thunit, me të cilët luan Rama. “Nuk do te jetë aspak një kundërshtar i lehtë për neve. Ata janë kualifikuar në turin e dytë falë meritës së vet, ndaj kemi respekt për Vllazninë. Trajneri ynë ka qenë të enjten në Shkodër, ka përcjellë nga afër lojën e Vllaznisë dhe shpresoj që do të na japë diçka rreth sistemit të lojës së shkodranëve. Njëkohësisht, nuk kam pse ta fsheh objektivin tonë, synojnë kualifikimin për në turin tjetër, duke e eliminuar Vllazninë,” – nënvizon kosovari 35-vjeçar
Ndeshja e parë mes Vllaznisë dhe FC Thunit do të zhvillohet më 14 korrik, në Shkodër, ndërsa kthimi do të luhet një javë më vonë, në “Bernese Oberland”. Sa i përket kampionatit zviceran, i cili do të startojë javën e ardhshme, Milaim Rama tregon se objektiv i Thunit është që të mbledhë sa më shumë pikë, që t’i shmanget fundit të tabelës. Përveç Ramës, në radhët e FC Thunit luajnë edhe dy futbollistë shqiptarë, me prejardhje nga Maqedonia, Muhamed Demiri dhe Mirson Volina.
Ndeshja ndërmjet Vllaznisë dhe FC Thunit, në kuadër të “Europa League”, do të jetë e veçantë për Milaim Ramën, futbollistin kosovar, që ka provuar të veshë edhe fanellën e kombëtares helvete. Përveçse do të ketë përballë një skuadër shqiptare, sulmuesi kosovar do të vizitojë Shqipërinë për herë të parë në jetë. Gjë të cilën mund ta kishte bërë më herët, në fakt, që në kohën kur kuqezinjtë drejtoheshin nga gjermani Hans Peter Brigel.
Ishte koha kur ky i fundit këmbënguli që Milaim Rama të bëhej pjesë e kombëtares së Shqipërisë, por futbollisti kosovar i Thunit, pas disa kohësh hezitimi, zgjodhi përfaqësuesen e Zvicrës, të vendit ku jeton e luan prej shumë vitesh. Në rrethana krejt të tjera tashmë, me jo pak vite mbi supe, jo më ai goleadori i shquar i FC Thunit dhe i kampionatit zvicerian, ai thotë se nuk do ta ketë të lehtë përballë shkodranëve të Vllaznisë. Njëkohësisht, Milaim Rama paralajmëron se do të festojë, nëse shënon gol në portën e kuqebluve, kundërshtarëve të të njëjtit gjak, të të njëjtit komb me të.
I gëzuar: “Jam shumë i gëzuar që do të luaj kundër Vllaznisë. Kur morëm lajmin se mund të luajmë kundër tyre, hyra në uebfaqen e klubit dhe pashë që Vllaznia është një klub i vjetër e me traditë. Jam i gëzuar që do të shkoj edhe në Shqipëri, pasi asnjëherë në jetë nuk kam pasur rastin ta shkel këtë vend. Shpresoj se do të kthehem me një përshtypje të mire prej andej”, - ka thënë Milaim Rama për gazetën “Express” të Kosovës, të shtunën.
Megjithatë, ish-sulmuesi i kombëtares zviceriane, i klubit gjerman të Augsburgut dhe atij zvicerian të Schaffhausenit, ende nuk e di nëse do të luajë nga minuta e pare, të enjten e ardhshme, përballë Vllaznisë, në stadiumin “Loro Boriçi”.
“Shpresoj se do të luaj në këtë ndeshje, si pjesë e FC Thunit. Gjatë përgatitjeve që po zhvillojmë për ndeshjet e “Europa League” kam dhënë maksimumin. Po ashtu, i kam bërë me dije trajnerit se jam i gatshëm të luaj ndaj Vllaznisë. Në fund të fundit, i mbetet atij të vendosë, nëse do të luaj apo jo si titullar në Shkodër, apo edhe në ndeshjen e kthimit me Vllazninë”, - thekson 35-vjeçari.
Festoj golin: Milaim Rama, i cili para pak ditësh e rinovoi kontratën me FC Thunin edhe për një vit, është i gatshëm të festojë në Shkodër, nëse arrin të realizojë gol në portën e kuqebluve. “Sigurisht, çdo sulmues e feston golin e vet, pasi të realizojë. Unë kam dëshirë të shënoj kundër Vllaznisë dhe të festoj. Me siguri që tifozët shkodranë do të më kuptojnë në të tilla rrethana. Profesionalizmi në futboll i ka këto gjëra, ndaj s’kam pse të jem i stepur, as i drojtur për t’iu gëzuar suksesit personal, apo edhe të skuadrës në këto dy përballje me shkodranët,” – shtoi sulmuesi shtatlartë.
Jo e lehtë: Vllaznia, në turin e parë të kualifikimeve për “Europa League” ka eliminuar ekipin nga Malta, Birkirkara. Kosovari me pasaportë zvicerane thotë se nuk do ta kenë të lehtë përballë shkodranëve as zvicerianët e FC Thunit, me të cilët luan Rama. “Nuk do te jetë aspak një kundërshtar i lehtë për neve. Ata janë kualifikuar në turin e dytë falë meritës së vet, ndaj kemi respekt për Vllazninë. Trajneri ynë ka qenë të enjten në Shkodër, ka përcjellë nga afër lojën e Vllaznisë dhe shpresoj që do të na japë diçka rreth sistemit të lojës së shkodranëve. Njëkohësisht, nuk kam pse ta fsheh objektivin tonë, synojnë kualifikimin për në turin tjetër, duke e eliminuar Vllazninë,” – nënvizon kosovari 35-vjeçar
Ndeshja e parë mes Vllaznisë dhe FC Thunit do të zhvillohet më 14 korrik, në Shkodër, ndërsa kthimi do të luhet një javë më vonë, në “Bernese Oberland”. Sa i përket kampionatit zviceran, i cili do të startojë javën e ardhshme, Milaim Rama tregon se objektiv i Thunit është që të mbledhë sa më shumë pikë, që t’i shmanget fundit të tabelës. Përveç Ramës, në radhët e FC Thunit luajnë edhe dy futbollistë shqiptarë, me prejardhje nga Maqedonia, Muhamed Demiri dhe Mirson Volina.
