Lajmet per skuadren e Vllaznise

[Admin]

Hajt,ishalla i marrim hakun kësaj rradhe! 0-3 do të ishte një rezultat i pranueshëm,por s'ka gjë edhe me 0-1 kënaqemi.

Shnet e pare o popull!

Te lumt goja Forri , do te ishte dicka fantastike sikur te marrim nje rezultat pozitiv !!!

Shendet e pare

GEZUAR FESTEN E FLAMURIT

[vllaznia1919]

Doli fjala e forrit!
Brravo Vllaznia,tesh ishalla nuk e prishin punen e fitojne edhe me Elbasanin te shtunen,edhe pse nuk asht kollaj.

[vllaznia1919]

Partizani bie në “Loro Boriçi”

Vllaznia ka mundur dje Partizanin me një gol të shënuar nga braziliani Zheraldinjo. Inisiatorët e kësaj fitoreje kanë qenë kapiteni i kuqebluve dhe trajneri Dedja. I pari e ka bërë gjithçka mirë në këtë ndeshje, duke qenë shpirti dhe zemra e ekipit. Ndërsa i dyti, pikërisht tekniku Dedja, ka meritën sepse me zëvendësimet e bëra dhe skemën taktike që ka aplikuar në fushë ka dalë trimfues. Nxjerrja jashtë e Rinaldos dhe aktivizimi i sulmuesit 19-vjeçar, të shpejtit Cani, ka rezultuar shumë i rëndësishëm, ashtu si dhe aktivizimi i Zheraldinjos në vend të Leandros. Nga ana tjetër, Partizani, megjithëse ka luajtur mirë, nuk ka dhënë atë që pritej prej tij. E njëjta skemë loje si në Elbasan, e aplikuar edhe dje përballë Vllaznisë, i ka dhënë të drejtën Dedjes "ta spiunojë" shumë mirë dhe për rrjedhojë ta bëjë të paefektshme lojën e të kuqve. Ndonëse në radhët e kësaj skuadre janë disa lojtarë cilësorë, ai që e vinte i vetëm në panik mbrojtjen e vendësve ka qenë Bylykbashi. Abilaliaj thuajse nuk është ndier fare në lojën e tij dhe po ashtu edhe Dhëmbi e Muzaka janë markuar siç duhet nga mesfushorët shkodranë. Në radhët e këtyre të fundit ka rënë në sy Doçi, Ahi, Lika e Hoti, një katërshe e gjitha e re, por shumë e vendosur dhe e saktë në veprimet e tyre. Pa harruar edhe Hasanin, njeriun që bëri të harrohej Ndreka për këtë ndeshje. Megjithatë, nëse duhet bërë një analizë e lojës së fituesve të këtij takimi, nuk mund të lësh njeri pa përmendur. Të gjithë kanë luajtur mirë, madje në mënyrë të shkëlqyer dhe në këtë mënyrë Vllaznia ka fituar jo vetëm për vete, por edhe për kampionatin.

[vllaznia1919]

Vllaznia - fitore në momentin e duhur

Partizani nuk mundi të rezistojë në Shkodër kundër Vllaznisë, duke regjistruar humbjen e parë në drejtimin e Starovës, pas një serie prej pesë fitoresh. Një fitore e rëndësishme e Vllaznisë(1‑0, gol i brazilianit Zherardinjo, ish‑lojtari i Partizanit dy sezone më parë) dhe një humbje e hidhur e Partizanit, që tashmë ndodhet ‑3 pikë ndaj Elbasanit, që është kurorëzuar kampion i dimrit një javë para përfundimit të fazës së parë.

[forri]

Ishalla ndahet në barazim Partizani me Tir...idhin.

[vllaznia1919]

Naqe kryesorja asht me fitu na me Skenderbeun.

[vllaznia1919]

Kuqeblutë, projektet për stërvitje në Ulqin
Ekipi i Vllaznisë fazën përgatitore dimërore mendohet ta zhvillojë si zakonisht në Ulqin të Malit të Zi. Ndonëse fillimisht u hodh ideja e vajtjes në Turqi, kjo mundësi ra poshtë, teksa vetë periudha e zhvillimit të kësaj faze është e shkurtër. Pas javës së ardhshme, kur skuadra do të stërvitet në Shkodër, më 4 janar mendohet që skuadra të grumbullohet sërish dhe të bëhet nisja drejt Ulqinit. Kjo megjithatë nuk është vendosur ende përfundimisht, pasi pritet një inspektim i drejtuesve të Vllaznisë në këtë qytet bregdetar malazez.

[vllaznia1919]

Vllaznia, pushim deri të hënën
Pas ndeshjes me Skënderbeun, që mbylli edhe takimet e këtij viti, trajneri Dedja e ka lënë pushim skuadrën e tij deri të hënën e ardhshme. Pra, vetëm 3 ditë pushim tani, ndërkohë që po kaq ditë do të ketë edhe në ditët e ndërrimit të viteve, sepse stërvitja do vazhdojë në mënyrë intensive.

[vllaznia1919]

Sulejmani, tentativa e dytë drejt Turqisë

Futbollisti kosovar i Vllaznisë, Erkan Sulejmani, është nisur dje, ashtu siç kishte premtuar, për herë të dytë drejt Turqisë. Bisedimet e lëna në mes me drejtuesit e ekipit turk të Sivasporit, duket se do të marrin një përfundim gjatë këtyre ditëve. Sulejmani erdhi në fillim të gushtit në Shkodër, por asnjëherë nuk arriti të përshtatej dhe të gjente vendin e duhur në radhët e skuadrës kuqeblu. Për këtë arsye, para pak ditësh, i shoqëruar edhe nga zëvendëspresidenti i Vllaznisë, Valter Fushaj, ai nisi bisedimet zyrtare me Sivasporin, ekip turk ky që e kishte kërkuar. Bisedimet e para kanë qenë pozitive dhe tashmë në këtë vizitë të dytë drejt Turqisë pritet zgjidhja përfundimtare e kësaj çështjeje, nëse ai do firmosë apo jo. Nëse kjo alternativë nuk realizohet, një tjetër mundësi është edhe Partizani. Skuadra e kryeqytetit prej kohësh (që në fillim të sezonit më saktë) ka kërkuar shërbimet e Sulejmanit, por Vllaznia u tregua më e shpejtë, duke e marrë kosovarin. Ndërkohë, para pak ditësh nisi edhe alternativa e dytë e këmbimit të serbo malazezit Drobnjak me të. Drobnjak u kërkua nga shkodranët dhe vazhdon të kërkohet, por fakti që ai është i lirë tashmë nga skuadra e kuqe, e hedh poshtë mundësinë e këmbimit kokë më kokë me kosovarin.

[vllaznia1919]

Kuqeblutë, dje sërish në stërvitje
Ekipi shkodran i ka lënë pas pushimet e Krishtlindjeve dhe dje ka qenë në fushën e stërvitjes. Në orën 14:00, futbollistët janë paraqitur në ambientet e stadiumit, ku për gati një orë kanë zhvilluar edhe një seancë stërvitore. Stërvitja e Vllaznisë do të vazhdojë deri në fundin e kësaj jave, për të pasur pushim edhe disa ditë me rastin e Vitit të Ri. Më 4 janar kuqeblutë do të grumbullohen sërish për të vijuar me fazën intensive të përgatitjeve për pjesën e dytë të sezonit. Kuptohet, gjatë këtyre ditëve nuk do ketë ndonjë ngarkesë të madhe fizike, por do të kërkohet vetëm mbajtja e formës së sportistëve.

[vllaznia1919]

Kuqeblutë, konfirmohet stërvitja në Ulqin
Më në fund, është konfirmuar stërvitja e Vllaznisë në Mal të Zi. Këtë gjë e ka bërë të ditur për "Sportin shqiptar" vetë trajneri i kësaj skuadre, Hysen Dedja, i cili është shprehur: "Po, drejtuesit e klubit e kanë dhënë garancinë për këtë gjë dhe ne do të jemi në Ulqin më 4 janar për të zhvilluar përgatitoren në prag të nisjes së fazës së tretë të kampionatit." Nga ana tjetër, e rëndësishme për numrin 1 të stolit shkodran është kompletimi i skuadrës me lojtarët e duhur deri në momentin e nisjes drejt Malit të Zi, në mënyrë që stërvitja të jetë e plotë për të gjithë lojtarët. Edhe dje, ndërkohë, ekipi ka qenë pushim, nisur nga fakti që shumica e lojtarëve kanë qenë të ftuar në dasmën e futbollistit Elvin Beqiri. Sot do të zhvillohet seanca e fundit për vitin 2005 dhe takimi i radhës për kuqeblutë do të jetë më 4 janar.

[vllaznia1919]

Sinani e Teli në anketën e më të mirëve
Mbrëmë është zhvilluar në Shkodër anketa e "10 sportistëve më të mirë të vitit 2005". Ndër sportistët fitues nuk kishte se si të mos kishte edhe pjesëtarë nga ekipi i futbollit. Në bazë të anketave të plotësuara nga trajnerë, specialistë e gazetarë, ka rezultuar që fitues ishin edhe dy futbollistë. Bëhet fjalë për dy emra të njohur të Vllaznisë, pikërisht sulmuesi Vioresin Sinani dhe mbrojtësi Admir Teli. Dy lojtarë që kanë treguar një formë shumë të mirë sportive gjatë gjithë vitit, prandaj dhe janë vlerësuar si më të mirët.

[vllaznia1919]

Lika jo në Ulqin për Shpresat

Një tjetër futbollist i Vllaznisë që nuk ka udhëtuar dje drejt Ulqinit ka qenë edhe 19 vjeçari Lika. Kjo pasi ai ka qenë i grumbulluar me ekipin Shpresa dhe megjithë ndërhyrjen e drejtuesve kuqeblu për ta patur në dispozicion këtë lojtar, trajneri i Shpresave Bushati ka këmbëngulur që Lika duhej të ishte në zborin e 21 vjeçarëve. Për këtë arsye, mesfuhsori që luajti si titullar në shumë ndeshje të Vllaznisë në këtë sezon deri javën tjetër do të stërvitet larg ekipit shkodran duke prishur jo pak planet e trajnerit Dedja.

[vllaznia1919]

Vllaznia, dita e djeshme pushim

Pas ndeshjes miqësore së të shtunës kundër Elbasanit, trajneri Dedja e ka lënë pushim gjatë ditës së djeshme skuadrën e tij. Futbollistët në këtë mënyrë janë relaskuar paksa në ambjentet e Hotel “Olimpik” apo dhe bregdetin malazez ndërkohë që sot do të nisë java e përgatitjeve për ndeshjen me Tiranën. Me ekipin prej pak ditësh përveç kontigjentit të lojtarëve që është nisur të mërkurën nga Shkodra, është bashkuar ditët e fundit edhe lojtari 18 vjeçar Aleti i ardhur nga ekipi i të rinjve të Vllaznisë me trajner Ismet Hoxha. Aleti konsiderohet një lojtar me të ardhme teksa luan në krahun e djathtë të mbrojtjes, repart që duket se ka nevojë edhe për lojtarë të tjerë.

[vllaznia1919]

Lici-Ndreka, dhembje koke për Dedjen

Dita e ndeshjes shumë të rëndësishme me Tiranën po afron dhe në kampin shkodran përgatitjet po shkojnë ashtu si duhet. Trajneri Dedja duket shumë i kënaqur me gjendjen e skuadrës dhe shpreson shumë tek një paraqitje shumë e mirë e saj të shtunën kundër bardhebluve. Por ajo që i shqetëson së tepërmi drejtuesit e
Vllaznisë është fakti nëse do t'i kenë apo jo në dispozicion për këtë ndeshje futbollistët Henri Ndreka dhe Suad Lici. Ky i fundit, siç dihet, vetëm javën e kaluar vendosi të rikthehej në kampionatin shqiptar, duke zgjedhur Vllazninë. Futbollisti me shumë përvojë, kohët e fundit pati nisur një aventurë të re në Azerbajxhan me fituesen e kupës së këtij vendi, FC Baku. Por pas aktivizimit në
Kupën UEFA me këtë skuadër, shkodrani 31-vjeçar për asnjë moment tjetër nuk arriti të luante me këtë ekip. Arsyeja fillimisht ka qenë një dëmtin i rëndë që pësoi dhe për rrjedhojë qëndroi për më tepër se një muaj jashtë fushave të blerta. Pas periudhës së rikuperimit, Suadi është paraqitur sërish në Azerbajxhan, ku gjithsesi asnjëherë punët nuk i kanë shkuar mirë. Disa mosmarrëveshje me drejtuesit e kubit në lidhje me disa pagesa, kanë bërë që Lici të vendosë në janar prishjen e kontratës me FC Bakunë. Në të vërtetë, nuk duket një prishje e njëanshme nga ana e lojtarit, pasi ka qenë klubi azerbajxhanas që nuk është treguar korrekt me lojtarin. Në këto pozita, por edhe pasi Lici ka rënë dakord të luajë me Vllazninë në pjesën e mbetur të sezonit, drejtuesit e kësaj të fundit, përmes FSHF së, u kanë kërkuar azerbajxhanasve lejen e kalimit të futbollistit. Një kërkesë e tillë, të paktën deri dje në drekë, nuk ka pasur përgjigje e në këto kushte, ajo që mbetet është pamundësia e lojtarit për të qenë në fushë derisa ky problem të zgjidhet. Drejtuesit shkodranë nuk mendojnë se do të kenë probleme me këtë çështje, prandaj Dedja e ka pjesë të 11 shes anti Tirana Suad Licin.
Po kështu, duket e sigurt edhe mungesa e Ndrekës në sfidën me Tiranën. Lezhjani, siç është bërë e ditur, ka shkuar për t'u provuar tek ekipi ukrainas Vorllska Polltava dhe nuk dihet se kur do të merret një përgjigje përfundimtare, nëse do të firmosë për të apo jo. Vetë Ndreka, para nisjes, ka premtuar se do ta zgjidhë gjithçka brenda pak ditësh, në mënyrë që, nëse ka një përgjigje negative për firmosje kontrate me ukrainasit, të jetë të premten në Shqipëri, që të shtunën të jetë në formacion kundër Tiranës. Por sa e sigurt është kjo gjë? Kësaj pyetjeje askush për momentin nuk mund t'i japë një përgjigje të saktë e për rrjedhojë trajneri Dedja ka të drejtë të jetë me dhembje koke. Planet për këtë ndeshje ai i ka bërë me Ndrekën e Licin në formacion, por nuk është çudi që asnjëri prej tyre të mos luajë të shtunën. Për këtë arsye, me siguri që sot, në miqësoren me Besën, trajneri i kuqebluve do të bëjë të tjerë eksperimente në vendosje dhe në lojtarë, në mënyrë që të mos gjendet i papërgatitur para këtyre fakteve. Gjithsesi, ajo që është realitet është se planet duhen bërë edhe pa këta dy lojtarë të rëndësishëm të formacionit shkodran.

[vllaznia1919]

Vllaznia Besa, sot miqësore në Ulqin
Janë përplasur katër herë deri tani në këtë sezon, dy herë për kupë dhe dy herë për kampionat, ku shkodranët kanë fituar dy ndeshje, një ka dalë në barazim dhe një tjetër e kanë fituar kavajasit, madje brenda në Shkodër dhe me shifra të thella. Megjithëse shkodranët janë më poshtë në renditje, ishte Vllaznia, e cila e skualifikoi Besën nga kupa. Sot, dy ekipet do të përballen sërish, por në një ndeshje miqësore dhe në një fushë asnjanëse. Në takimin e sotëm miqësor, që do të zhvillohet në Ulqin rreth orës 14:00, vihet re se të dy ekipet janë të mobilizuara maksimalisht. Gjatë bisedës me dy trajnerët, Dedja dhe Shulku, ata, duke qeshur, thonë që ndeshja do të përfundojë në barazim. Por futbollistët nuk i dëgjojnë shakatë e trajnerëve, pasi duan të tregojnë sa vlejnë, sidomos të ardhurit.

[vllaznia1919]

Vllaznia, të premten kthimi nga Ulqini

Deri dje pasdite ka qenë në dilemë kthimi i ekipit shkodran nga Mali i Zi. Njëra palë ka qenë e mendimit që ekipi të qëndronte në Ulqin deri paradreken e së shtunës, pak orë para ndeshjes me Tiranën dhe pastaj të merrte rrugën drejt Shkodrës drejt e në stadium. Një palë tjetër ka qenë e mendimit se skuadra duhej të kthehej një ditë para ndeshjes dhe kështu është rënë dakord. Pasi ka biseduar edhe me presidentin Çela përmes telefonit, drejtori teknik Mustafaraj i ka komunikuar stafit drejtues vendimin që ata duhet të kthehen nga Ulqini të premten pasdite. Menjëherë pas mbërritjes, ekipi do të grumbullohet sërish në ambientet e hotelit "Meteor", ku do të qëndrojë deri dy orë para ndeshjes me bardheblutë.

[vllaznia1919]

Presidenca kuqeblu: Dedja nuk largohet
Pas humbjes të së shtunës kundër Tiranës me rezultatin 0 2, menjëherë kanë filluar të qarkullojnë fjalët se presidenca e klubit ka larguar trajnerin Hysen Dedja nga drejtimi i skuadrës. Por ai që e ka mohuar kategorikisht këtë gjë, ka qenë vetë presidenti i Vllaznisë, Agron Çela, që ka sqaruar: "Nuk e di se kush mund ta ketë thënë këtë gjë, por një gjë është e sigurtë: Dedja nuk do largohet. Problemi i largimit të tij madje, as që është diskutuar mes nesh si donatorë."Në këtë mënyrë, ka rënë poshtë edhe një thashethem i tillë, për të shkarkuar përgjegjësinë e humbjes ndaj kampionëve te njeriu që i ka drejtuar shkodranët nga stoli

[vllaznia1919]

Sonte, ballafaqimi direkt në televizion
Ashtu siç është premtuar, ashtu mendohet të jetë. Presidenti i Vllaznisë ka premtuar se sonte në darkë në ekranin e televizionit lokal "Shkodra TV1", do të jetë të pranishëm në një emision të drejtpërdrejtë. Do të jenë të gjithë, pjesëtarët e presidencës, stafi drejtues, futbollistë, gazetarë, madje edhe tifozë. Pikërisht disa prej atyre, që pikërisht të shtunën që kaloi gjatë ndeshjes me Tiranën, kërkuan në kor largimin e presidencës nga drejtimi i Vllaznisë. "Mendoj se është hera e parë që ndodh një gjë e tillë, një gjë e paparë, që ne të jemi të hapur për të debatuar me çdokënd që mendon se nuk i kemi bërë punët mirë në drejtimin e Vllaznisë. Edhe ata tifozë që kanë menduar se jemi ne e keqja e kësaj skuadre, do të marrin përgjigjet e duhura se gabojnë në mendimet e tyre. Nuk mendoj se ka mënyrë më të mirë se kjo, për t'i bindur të gjithë se e keqja e kësaj skuadre jemi ne si presidencë", ka thënë Çela.

[vllaznia1919]

Vllaznia, stërvitja spostohet në Golem
Trajneri Dedja kishte kërkuar të kishte stadiumin "Loro Boriçi" edhe për një seancë tjetër në dispozicion, por kjo gjë, dje nuk është realizuar dhe për rrjedhojë, duke qenë se edhe fusha e Shtojit, ku ata stërviten zakonisht, ka qenë në një gjendje jo të mirë, dje kuqeblutë janë stërvitur në Golem. Por fakti që në këtë fushë nuk ka dushe, ka bërë që futbollistët të zhvishen në dhomat e stadiumit dhe më pas, me makinat e tyre të udhëtojnë drejt Golemit, për t'u rikthyer sërish aty për të bërë dush. Duke qenë kështu, natyrisht që lojtarët janë rropatur jo pak, megjithatë më e rëndësishme se kjo, ka qenë përgatitja për ndeshjen me Teutën.