Post
by fpjalmi » Tue, 04 Aug 2009 , 04:38
Vllaznia, krizë në merkato? Tani ka mbipopullim!
4 Gusht Pas përfundimit të angazhimit në Ligën Europiane, për momentin u krijua një përshtypje se Vllaznia nuk do të kishte lojtarë për të plotësuar 18-tëshen. Kjo pasi, informacionet për largime në masë të kuqebluve nga skuadra e tyre vinte thuajse çdo ditë. Në “top listë” ishte Beqiri, që në fakt “divorci” me të u konfirmuar zyrtarisht edhe nga drejtuesit e klubit Vllaznia, dhe pas tij, krejt të gatshëm për të lënë qytetin verior të Shkodrës ishin edhe kosovari Nallbani dhe zbulimi më i fundit i kuqebluve, Ndriçim Shtubina. Krejt i gatshëm, madje me “biletë të prerë” në xhep ishte edhe i riu Bekim Balaj, i cili ishte projektuar për kampionatin turk. Ndërkohë, problemet e prodhuara nga kartonët e kuq të portjerit Grima dhe sulmuesit Sinani, në ballafaqimet europiane që për momentin krijuan një gjendje të “ngrirë” mes tyre me dhe drejtuesve të klubit, gati sa i hapën rrugë një largimi edhe të tyre nga Vllaznia. E të gjitha së bashku, çuan në atë konkluzion pesimist për një pjesë të madhe të opinionit sportive shkodran në lidhje me të ardhmen e Vllaznisë. Por, gjërat morën një drejtim krejt tjetër, aq sa në punë ditësh, nga një problem shqetësues për plotësimin e skuiadrës me titullarë, në dispozicion të teknikut Lika u vu një numër i madh futbollistësh, mbipopullimi i të cilëve ndoshta ka filluar t’i japë një “dhimbje koke” stafit se si do t’i vendosë në fushë këto lojtarë. Dhe, një gjë e tillë erdhi ngaqë presidenti bëri realitet sjelljen në Shkodër të një numri të madh titullarësh, nga brenda dhe sidomos nga jashtë vendit, duke filluar nga tiranasi Enkel Alikaj, serbët Millosh Tomanic dhe Dushan Popuvic, malazezët Blazho Rajoviç e Zhelko Tomiç, si dhe shkodrani që ka luajtuar në futbollin amator Italian, Andi Demaj. Përpos këtyre u prenotua edhe dyshja Ramadani-Pisha, apo edhe ndonjë tjetër nga kampionati shqiptar dhe jashtë tij. E ndërkohë që ardhjet bëheshin prezent ditë pas dite në kampin kuqeblu, nga ana tjetër, lëvizjet e përfolura nga skuadra shkodrane nuk u bënë asnjëra prej tyre realitet. Më i deklaruari dhe i garantuari për largim, mbrojtësi i qendrës Elvin Beqiri, pas një “aventure” disa ditore rikthehet sërishmi në “fole”, dyshja Nallbani-Shtubina nuk ndiehet fare për atë që ishte përfolur, Bala po kështu, ndërkohë që dyshja Grima-Sinani, pasi i kanë rregulluar “kokë më kokë” problemet me presidentin Fushaj, janë present në stervitje sikur të mos kish ndodhur asgjë mes tyre, madje edhe duke bërë “shoë” përpara gazetarëve që kanë trajtuar temën e tyre. E gjitha kjo, do të thotë që Vllaznia është “top” në lidhje me kontigjentin e futbollistëve që i nevojitet për të përballuar sezonin e ri futbollistik, madje duke shkuar deri në atë “luks” sa të largojë edhe kroatin Marco Bashic, një ndër më të mirët e sezonit të kaluar futbollisitk në radhët e kuqebluve, dhe përpos këtij, t’i “mbyllë derën” edhe Zekeria Ramadanit, i planifikuar edhe ky për të qënë pjesë e Vllaznisë për këtë sezon futbollistik. Kështu që, me ardhjen e shumë futbollistëve cilësorë, dhe në të njëjtën kohë me mos largimin e asnjërit prej të lakuarve, ajo që fitonm në këtë mes është Vllaznia. Dhe, kjo është parë qartë në tre ditët stervitore të periudhës së rifillimit pas pushimit një javor që u bë në mbyllje të angazhimit të Ligës Europianë. Ndonëse, “beteja” në fushën e lojës akoma nuk ka filluar, edhe pse deri tani ka pasur më tepër në program ushtrime të përgjithshme, syrit të specialistëve të futbollit shkodran nuk i ka shpëtuar situate e rivalitetit të madhë që është krijuar në skuadër. Dhe, kjo sipas tyre, edhe pse për momentin për teknikun Hasan Lika do të ketë jo pak “dhimbje koke” për të përcaktuar rolin e gjithsecilit në fushën e lojës, një situatë e tillë nga specialistët konsiderohet tërësisht në dobi të skuadrës. Sipas tyre, rivaliteti që do të shprehin futbollistët në fushën stervitore për të fituar një vend në formacionin shkodran do të jetë plotësisht në interes të futbollit shkodran për të pasur një Vllazni potente për periudhën në vazhdim. Ajo që të bën të besosh për një gjë të tillë është fakti se kjo merkato verore e kuqebluve është ndoshta më e mira e viteve të fundit. Kjo, pasi falë një përkujdesje në përzgjedhjen e elementit, si maturisë së veprimeve me menaxherët ka bërë që në Shkodër të mbërrijnë elementë që me sa duket nuk do të kthehen mbrapsht ashtu siç ka ndodhur jo pak herë në sezonet e mëparshme. Madje, pjesë e kësaj ishte edhe shembulli më i freskët, kur një gjë e tillë ndodhi edhe me dy brazilianët, që edhe pse qëndruan rreth një muaj në Shkodër u përcollën andej nga kishin ardhur si të panevojshëm për skuadrën. Kësisoj, duke parë emrat dhe nivelin e atyre që kanë ardhur, si dhe të atyre që janë aktualisht pjesë e Vllaznisë, specialistët parashikojnë një garë dhe rivalitet të fortë që nga porta, pasi, gjithnjë nga sa thuhet nga specialistët, si dhe nga burime brenda kampit kuqeblu, serbi Millosh Tomaniç është pretendent serioz për veteranin Grima. Po kështu, rivaliteti më pas vijon në repartin e mbrojtjes, ku sidomos me rikthimin e Beqirit, lufta bëhet edhe më e ashpër, kur në garë përpos të tjerëve është edhe mazezi Blazho Rajoviç, vlerat e të cilit duken qartë kur për të nuk ka pasur fare nevojë për provë, sespe firma zyrtare në kontratë me klubin Vllaznia është bërë përpara se të përfshihej në stërvitjen e teknikut Lika. E për të vijuar më pas, rivaliteti është i pranishëm edhe në repartin e mesfushës dhe sulmit, ku për këto vende, krahas titullarëve të mëparshëm tek Vllaznia, si dhe të rinjëve që janë padiskutim në kërkim serioz të një vendi në formacion, kanë ardhur edhe forca të reja nga Mali i Zi dhe Serbia, por edhe nga futbolli italian me shkodranin e përfaqësues Shpresa, Andi Demaj. Të gjitha këto të bëjnë të besosh se dittë në vazhdim do të jenë një luftë e vertetë në mes konkurentëve për të marrë “OK” e Likës në këmbim të një vendi në formacion.
