Re: Lajme nga Liga Superiore
Posted: Mon, 05 Apr 2010 , 00:07
Kampionati kombëtar apo "Teatri Kombëtar"?!
Nga Dritan GjyreziMe ardhjen e pranverës, krahas gëzimit të pushimit të reshjeve, të cilat pothuajse i dëmtuan të gjitha terrenet sportive, tashmë një gëzim tjetër është evident, ai i shfaqjeve "teatrale", me karakter humoristik, që u janë bashkangjitur aktorëve të kampionatit tonë kombëtar. Ndoshta regjisorëve tanë mund t'u duhet të eksplorojnë "talente" edhe në ndeshjet e fazës së tretë të superligës, pasi aty mund të gjesh "material të cilësisë së parë", për të cilin edhe aktorët e "Teatrit Kombëtar" mund të ngelen të mahnitur. E fillova kështu këtë shkrim, pasi në shikim të parë duket sikur kemi të bëjmë me shfaqje satiriko-publike, pasi edhe sportdashësit në stadiumet tona nuk e kalojnë numrin e shikuesve në sallën e Teatrit Kombëtar. Analiza e javëve të fundit nuk ka nevojë për shumë koment. Të gjithë flasin, të gjithë janë të vetëdijshëm për këtë situatë, ku ka përfunduar kampionati shqiptar i superligës. Ekipet kryesuese kanë mbi 4 javë që nuk fitojnë ndeshje. Ndoshta kjo ndikoi edhe në rezultatet negative, që ekipet kryesuese të kampionatit morën në gjysmëfinalet e para të Kupës së Shqipërisë. Sepse karikimi apo mobilizimi i një skuadre futbolli nuk bëhet me "telekomandë", por me vijueshmëri në stërvitje dhe ndeshje zyrtare. Ndaj, kur ndërpritet kjo logjikë profesionalizmi në futboll, dështimet janë të sigurta. Duket sikur në Korçë është "ringjallur" heroi ynë kombëtar, Gjergj Kastrioti, pasi po shohim një Skënderbe "me shpatë në dorë", i cili nuk njeh më kundërshtarë. Po vallë, ku po shkojmë kështu? Cili do të jetë fundi, pasi, me sa duket, limiti i këtij "teatri" do të përfshijë në rrezik potencial edhe ato skuadra zemërgjera, që me vetëdije të plotë kanë lëshuar deri më tani? Pas javës së 25-të të superligës, që nga Tirana e vendit të katërt, që e shikon veten jashtë Kupave të Europës, e deri tek Flamurtari i vendit të 11-të, rrezikojnë së tepërmi. Me sa duket, kësaj here futbolli europian do të ulet në Laç, ndaj më vjen ndër mend një shkrim i një gazetari sportiv francez, para shumë vitesh, teksa tregonte me hollësira se si futbolli europian ishte ulur në Patos dhe përshkruante qytetin e vogëlth atje.Në këto momente kritike për futbollin tonë, një dilemë ka ngërthyer mendjen e gjithsecilit prej nesh: A do ketë një prokuror apo gjykatës nga drejtësia shqiptare, që do të ndërmarrë një hetim zyrtar ndaj këtij fenomeni, pasi federata jonë e futbollit ka treguar dhe po tregon se mbetet e pafuqishme kundrejt këtyre pazareve ta hapura. Me mosveprimin e saj, edhe vetë FSHF-ja po ia zbeh ngjyrën garës së kampionatit, pa kuptuar se të gjithë bashkë po shkatërrojmë vlerat e këtij sporti në arenën ndërkombëtare. Vetë fakti se kompanitë e basteve prej më shumë se 3 javësh nuk kuotojnë asnjë ndeshje të superligës shqiptare, e tregon më së miri këtë gjë. Ndoshta faza e tretë e kampionatit tonë mund të "kuotohet" vetëm në tabelat e reklamave të Teatrit Kombëtar. Fatkeqësisht, dëmi nuk është vetëm aktual, por edhe më i gjerë në kohë, pasi këto shfaqje dëmtojnë brezat e rinj, që po edukohen me këtë edukatë sportive ndeshjesh.
Nga Dritan GjyreziMe ardhjen e pranverës, krahas gëzimit të pushimit të reshjeve, të cilat pothuajse i dëmtuan të gjitha terrenet sportive, tashmë një gëzim tjetër është evident, ai i shfaqjeve "teatrale", me karakter humoristik, që u janë bashkangjitur aktorëve të kampionatit tonë kombëtar. Ndoshta regjisorëve tanë mund t'u duhet të eksplorojnë "talente" edhe në ndeshjet e fazës së tretë të superligës, pasi aty mund të gjesh "material të cilësisë së parë", për të cilin edhe aktorët e "Teatrit Kombëtar" mund të ngelen të mahnitur. E fillova kështu këtë shkrim, pasi në shikim të parë duket sikur kemi të bëjmë me shfaqje satiriko-publike, pasi edhe sportdashësit në stadiumet tona nuk e kalojnë numrin e shikuesve në sallën e Teatrit Kombëtar. Analiza e javëve të fundit nuk ka nevojë për shumë koment. Të gjithë flasin, të gjithë janë të vetëdijshëm për këtë situatë, ku ka përfunduar kampionati shqiptar i superligës. Ekipet kryesuese kanë mbi 4 javë që nuk fitojnë ndeshje. Ndoshta kjo ndikoi edhe në rezultatet negative, që ekipet kryesuese të kampionatit morën në gjysmëfinalet e para të Kupës së Shqipërisë. Sepse karikimi apo mobilizimi i një skuadre futbolli nuk bëhet me "telekomandë", por me vijueshmëri në stërvitje dhe ndeshje zyrtare. Ndaj, kur ndërpritet kjo logjikë profesionalizmi në futboll, dështimet janë të sigurta. Duket sikur në Korçë është "ringjallur" heroi ynë kombëtar, Gjergj Kastrioti, pasi po shohim një Skënderbe "me shpatë në dorë", i cili nuk njeh më kundërshtarë. Po vallë, ku po shkojmë kështu? Cili do të jetë fundi, pasi, me sa duket, limiti i këtij "teatri" do të përfshijë në rrezik potencial edhe ato skuadra zemërgjera, që me vetëdije të plotë kanë lëshuar deri më tani? Pas javës së 25-të të superligës, që nga Tirana e vendit të katërt, që e shikon veten jashtë Kupave të Europës, e deri tek Flamurtari i vendit të 11-të, rrezikojnë së tepërmi. Me sa duket, kësaj here futbolli europian do të ulet në Laç, ndaj më vjen ndër mend një shkrim i një gazetari sportiv francez, para shumë vitesh, teksa tregonte me hollësira se si futbolli europian ishte ulur në Patos dhe përshkruante qytetin e vogëlth atje.Në këto momente kritike për futbollin tonë, një dilemë ka ngërthyer mendjen e gjithsecilit prej nesh: A do ketë një prokuror apo gjykatës nga drejtësia shqiptare, që do të ndërmarrë një hetim zyrtar ndaj këtij fenomeni, pasi federata jonë e futbollit ka treguar dhe po tregon se mbetet e pafuqishme kundrejt këtyre pazareve ta hapura. Me mosveprimin e saj, edhe vetë FSHF-ja po ia zbeh ngjyrën garës së kampionatit, pa kuptuar se të gjithë bashkë po shkatërrojmë vlerat e këtij sporti në arenën ndërkombëtare. Vetë fakti se kompanitë e basteve prej më shumë se 3 javësh nuk kuotojnë asnjë ndeshje të superligës shqiptare, e tregon më së miri këtë gjë. Ndoshta faza e tretë e kampionatit tonë mund të "kuotohet" vetëm në tabelat e reklamave të Teatrit Kombëtar. Fatkeqësisht, dëmi nuk është vetëm aktual, por edhe më i gjerë në kohë, pasi këto shfaqje dëmtojnë brezat e rinj, që po edukohen me këtë edukatë sportive ndeshjesh.
