Post
by fpjalmi » Tue, 03 Mar 2009 , 04:27
Mançesteri pushton “Uemblin”
Pas penalltive, skuadra e Fergusonit fiton “Carling Cup” për herë të tretë në histori
Totenhemi gjunjëzohet në fund të 120 minutave lojë. Heroi është portieri Foster
“Djajtë e kuq” ngritën
në “Uembli”
trofeun e parë të
këtij sezoni, pikërisht “Carling
Cup”, që më parë ishte
fituar vetëm dy herë në historinë
e klubit (1992, 2006).
Në finalen e djeshme, që
ndiqej nga 88217 tifozë në
shkallët e stadiumit,
djemve të Sër Aleks Fergusonit
iu desh gjuajtja e penalltive
për të mposhtur
Totenhemin (4-1). Heroi i
Mançesterit ishte portieri i
talentuar, Ben Foster, i cili
priti gjuajtjen e dytë të
Xhemi O’Hara, ndërsa në
11-metërshin e tij Deivid
Bentlit goditi shtyllën. Kampionët
në fuqi të Anglisë
nuk gabuan asnjë nga gjuajtjet
dhe në këtë mënyrë, arritën
të ngrenë trofeun e 24-
t të Aleks Ferusonit që prej
mbërritjes në “Old Treford”,
rreth 22 vjet më parë.
Në këtë sfidë, skocezi vendosi
të lërë jashtë loje Uejn
Runin, Dimitar Berbatovin
dhe Majkëll Kerrik, ndërsa
mbajtësit e këtij kompeticioni
u hodhën në fushë me
formacionin më të mirë.
Ndonëse loja ishte me një
ritëm të lartë, rezultati i
minutave të rregullta dhe
30’ të shtesës përfundoi me
rrjeta të paprekura. Të
parët që kërcënuan portën
kundërshtare ishin “djajtë
e kuq”, të cilët me anë të
sulmuesit Tevez, gjuajnë
shumë pranë kuadratit të
portës në minutën e tretë.
Fillimi i ndeshjes është një
dominim total i skuadrës së
Fergusonit, ndërkohë që
Roman Pavljuçenko dhe
Darrent Bent fillojnë të dalin
në zonën kundërshtare
vetëm pas 30 minutave lojë.
Në të 65’, “Spërsat” i afrohen
shumë pranë kalimit
në avantazh, por topi i
gjuajtur nga Zokora kalon
shumë pranë shtyllës anësore.
Një fat të tillë do të
ketë edhe Kristiano Ronaldo
në fundin e kohës së
rregullt, kur me një tentativë
nga larg, godet shtyllën.
Minutat e shtesës do
të kalojnë me lojë të kontrolluar
nga të dyja skuadrat,
si në mbrojtje, ashtu edhe
në sulm. Kështu, fati i
takimit u përcaktua nga
pika e bardhë e penalltisë.
Të parët që gjuajnë janë kampionët,
me anë të veteranit
Rajan Gigs, i cili nuk gabon.
Ndërsa O’Hara dorëzon
topin në duart e Ben
Forster. Gjuan Tevez dhe
dyfishon avantazhin,
ndërkohë që Korluka rikuperon
disi. Ronaldo
shënon në tentativën e
tretë, kurse Deivid Bentli
dështon dhe falë golit të
shënuar më pas nga Anderson,
“djajtë” pushtojnë
“Uemblin”.