3’ Godije e fortë e Sinanit, pas një asisti të Kaçit, në pozicion diagonal me portën e Shehit, por topi përfundon jashtë.

4’ Përsëri Sinani, këtë herë, në një pozicion ballor me portën e Parizanit ka goditur, por shumë lehtë, dhe Shehi ka pritur, duke evituar rrezikun.

11’ Ngjela shënon për Partizanin, por më parë është ngritur flamuri i vijërojtësit, për pozicion jashtë loje.

21’ Kundërsulm i Vllaznisë, Kaçi arrin të depërtojë në zonën e “demave”, por, në momentin e fundit, Gjyla ia ka hequr topin nga këmba, duke e çuar në goditje këndi.

23’ Kaçi kroson në zonën e Partizanit, atje ku Sinani, pasi kontrollon, përballë me Shehin gjuan dhe shënon. 1-0 për Vllazninë.

30’ Sinani ka ekzekutuar një goditje këndi, në pozicion diagonal meportën e Shehit, “gardiani” i të kuqve ka pritur me vështirësi topin e fortë.

47’ Krosim i Hallaçit në zonën shkodrane, por topi devijohet dhe pret Grima.

48’ Bodua nuk ndalet përpara asgjëje. Ndërmerr një inkursion personal, dhe pasi i del deri në kufitjtë e zonës së Partizanit, preferon t’ia japë Dhëmbit, i cili gabon dhe jashtë.

50’ Babamusta nxjerr Karapicin të vetëm me Grimën, por gjuajtja e mesfushorit është e lehtë dhe përfundon jashtë.

52’ Gabim i Babamustës në mesfushë, Dhëmbi rikuperon dhe pason për Sinanin, ky i fundit ka pritur sa korçari të futej në zonën e të kuqve, ka pasuar për të dhe Dhëmbi godet fort duke shënuar. 2-0 për shkodranët.

58’ Gabim i mbrojtjes së Partizanit; Boadu jep një asist për Sinanin, pasi ka rikuperuar, por goditja e sulmuesit pritet nga Shehi.

62’ Bakaj kroson në zonën shkodrane, atje ku largon Bashiç, topi shkon në këmbët e Karapicit, i cili godet nga një distancë prej rreth 19 metrash dhe topi përfundon në rrjetë. 1-2.

69’ Goditje e fortë e Capës nga larg, duke dashur të imitojë Karapicin, por jashtë ngjitur me shtyllën.

88’ Karabeci ekzekuton një goditje dënimi, por topi përfundon jashtë sipër traut.

Humbet Partizani. Pas fitores së javës së parë, në Lushnjë, të gjithë menduan se të kuqtë i kishin lënë pas shpine problemet e tyre, por ndeshja e djeshme me Vllazninë tregoi edhe njëherë se një skuadër nuk mund të bëhet brenda një dite, aq më tepër një skuadër që pretendon vendin e parë. Skuadra e Likës, jo vetëm u mund nga Vllaznia, por dje tregoi se përfundimisht grupi i lojtarëve nuk është i denjë që të konkurojë në “tregun” e kategorisë superiore. “Mungoi eksperienca”, ka thënë Lika pas ndeshjes dhe kjo u pa më së miri në fushë. Me një formacion të “arnuar”, ku mungonte Bakaj dhe Shala (të dy të dëmtuar) që nga minuta e pare, Lika kishte bërë maksimumin për t’I movituar të tijtë, por kjo nuk mjaftoi. Nuk mjaftoi dot një Ngjelë i vetëm në sulm dhe Capa nuk e bënte dot “Bakajn” në mënyrën e duhur. i vetmi që i jepte impuls lojës së “demave” ishte Karapici, por edhe ai u lodh duke rekuperuar dhe nisur aksione që në fund të fundit s’përfundonin askund. Nga ana tjetër Canaj kishte vetëm lluksin e zgjedhjes. Me një Beqiri dhje Lici në superformë dhe një Buado me shumë pak lidhje me kampionatin shqiptar, që shërbente Sinanin dhe Dhëmbin atje përpara, Vllaznia që në letër ishte e avantazhuar. Dhe ndeshja tregoi pikërisht këtë, skuadra që kishte më shumë futbollistë eksperience arriti rezultatin. Pjesa e parë mbyllet 1-0 për shkodranët dhe asnjë goditje në portë për Partizanin. Në pjesën e dytë Lika hedh në fushë edhe “asin nën mëngë”, Bakajn. Gjërat nisin të ndryshojnë por Dhëmbi si një ish tregon se gjithmonë kur është transferuar në ndeshjen e parë ndaj ish skuadrës së tij ka shënuar dhe këtë herë bën të njëjtën gjë. Madje gëzon pas golit. Bakaj mundohet të bëjë gjithçka vetë dhe deri diku ia arrin. Krosimet e tij janë vdekjeprurëse, por shumica e tyre përfundojnë në kokat e mbrojtësve shkodranë. Dhe pikërisht në njëri nga këto harkime të larguar nga mbrojtja kuqeblu përfundon në këmbët e Karapicit, i cili shënon një supergol dhe ngushton diferencën. 1-2 dhe Partizani nis të besojë tek barazimi. Por ndërhyrja e Doçit ndaj Bakajt ia pret këtë “ëndërr”. Sulmuesi dëmtohet dhe detyrohet të zëvendësohet. Ndihmësi i Likës, Gëzdari, nuk duron dot më padrejtësitë e Pashajt dhe i kërkon llogari, por gjyqtari e nxjerr jashtë. Loja nis e bëhet shumë e tensionuar, aq sa, për të parë një aksion pa faull, duhej të prisje deri në vërshëllimën finale të Pashajt. Likën nuk e mban më vendi dhe nis ashtu si kolegu i tij Gëzdari të debatojë ashpër me Pashajn, teksa ky i fundit e nxjerr edhe atë jashtë, në të 88’. Por Lika qëndron edhe paksa në pistën e tartanit, duke udhëzuar të tijtë. Përfundimi? Partizani humb betejën me gjithkënd, teksa Vllaznia merr tre pikë të rëndsishme. Edhe dy javë Canaj do të flerë i qetë.