Armando Cungu: Vllaznia Ã«shtÃ« nana e futbollit shqiptar

Trajneri i skuadrës shkodrane Armando Cungu është parë shumë i emocionuar në përfundim të ndeshjes ndaj Partizanit që u mbyll në barazim 1-1. Një rezultat që mbi të gjitha u dha përgjigjen më të mirë të gjitha thashethemeve që flisnin për tolerim ndaj të kuqve. Në konferencën për shtyp, ai është ndalur tek karakteri i djemve në fushë duke thënë se Shkodra është nana e futbollit shqiptar dhe si e tillë meriton më shumë respekt. "Kjo skuadër tregoi se ka dinjitet dhe nder, luan për vete, përkundër gjithë sulmeve e aludimeve gjatë javës. Mendoj se e dominuam lojën, si në sulm, ashtu edhe në mbrojtje. Mund të shënonim më tepër, me pak kujdes, ndërsa në një pakujdesi kundërshtari barazoi, por nuk kam asnjë keqardhje, ishte një ndeshje e shkëlqyer. Kishim mungesa, e vërtetë, por të gjithë ata që luajtën dhanë gjithçka dhe bënë më të mirën. Nuk mund të thuash që po të ishin ata që munguan do bënin më mirë, sepse futbolli është i çuditshëm. Kjo ndeshje ishte një vitrinë për futbollin shqiptar, një ndeshje shumë e bukur, mes dy skuadrash që dhanë gjithçka për të marrë fitoren. Nuk e di, ndoshta po të ishim më të plotë mund të merrnim edhe fitoren, por pak rëndësi ka tani.

Vllaznia më e mirë e sezonit? Natyrshëm që kishim probleme, por kemi rikuperuar edhe një lojtar të ri si Kruja, i cili po rigjen nivelin e tij më të mirë. Skuadra po bën maksimumin, lojtarët po sakrifikojnë, duke luajtur edhe jashtë roli, ndaj jam shumë i kënaqur. Sot luajtëm me 11 lojtarë shkodranë, sepse për mua edhe Bicaj është shkodran, me origjinë shkodrane dhe ky ndoshta është një rast unikal i këtyre viteve të fundit në futbollin shqiptar megjithatë tregon më së miri se Vllaznia është nana e futbollit shqiptar. Është ekip i ri, pa eksperiencën e duhur për të menaxhuar mirë lojën në momente të caktuara, ndërkohë që edhe pas avantazhit ndoshta nuk patëm qetësinë dhe besimin e duhur se mund të fitonim, por kjo skuadër ka mundësi ta çojë Vllazninë aty ku i takon.Stadiumi jo i mbushur? Unë u kam kërkuar gjithnjë mbështetje tifozëve dhe Vllaznia është ekip që po luan futboll në fushë, jo në tavolina, por ata persona që tentuan të hedhin baltë mbi Vllazninë pas ndeshjes me Kukësin i kanë bërë dëm të madh Vllaznisë. Shumë njerëz mendonin se Vllaznia do të toleronte dhe nuk dëshironin të vinin në stadium, nga frika se do të ishte e kotë, aq sa më merrnin në telefon pas ndeshjes dhe më pyesnin a ia vlente të vinin"- ka thënë numri 1 i pankinës shkodrane.

Lajme

Armando Cungu: Vllaznia Ã«shtÃ« nana e futbollit shqiptar

Komentet