Bicaj: Ndaj Teutes fitore dhe kualifikim

Të mërkurën në orën 14.00 Vllaznia luan në “Loro Boriçi” ndeshjen e parë çerekfinale të Kupës së Shqipërisë duke pasur përballë skuadrën durrsake Teuta. Në pritje të këtij ballafaqimi tekniku Cungu pati në dispozicion tre seanca stervitore, ku e fundit ishte ajo e zhvilluar mesditen e së martes në fushën e stadiumit “Reshit Rusi”. Një ditë përpara kësaj sfide e cila ka rëndësinë e vetë në lidhje me objektivat që skuadra kuqeblu ka edhe në këtë kompeticion, qëndërmbrojtësi shtatlartë i Vllaznizsë, Ditmar Bicaj u shpreh optimist për një rezultat pozitiv, i cili do t’i hapte kuqebluve rrugën për kualifikimin në gjysëmfinale dhe pse jo më pas për të pretenduar edhe më tej në fitimin e këtij trofeu.

Ballafaqimi me Teuten e gjen Vllazninë me lajme të mira, jo vetem në merkato por edhe në sektorin e infermierisë. Pozitive konsiderohet që ndaj durrsakëve,

teknikut Cungu i rikthehen në dispozicion dy titullarët, Florind Bardulla dhe Arlind Kalaja. Por, nëse rikthehen kjo dyshe titullarësh, në infermieri janë zhvendosur dy titullarë të tjerë, Çinari dhe Cicmil të dëmtuar në përballjen me kuksianët.Përpos lajmit të mirë të rithimit në formacion të dyshes Bardulla-Kalaja, Cungu ka edhe një dhuratë tjetër për tifozërinë shkodrane. Bëhet fjalë për të sapo të firmosurin Elis Bakaj, i cili ndaj Teutes do të jetë në fushë nga minuta e parë.

Lajme

Bicaj: Ndaj Teutes fitore dhe kualifikim

Komentet