Ansi Nika: Kam kontakte me tre klube, Vllaznia mÃ« afÃ«r

Tri skuadra me peshë në Superiore kërkojnë shërbimet e mesfushorit, Tirana, Kukësi dhe Vllaznia. Mesfushori: Ende nuk më kanë bërë ofertën monetare, që do të më bëjë të marr një vendim për të ardhmen Mesfushori Ansi Nika, i cili ka luajtur për 5 sezone te Teuta, tashmë mendon largimin. Në ekipin durrsak ai luajti ndeshjen e parë në sezonin 2010-2011, ndërsa më parë ka qenë pjesë e Vllaznisë. Sot janë tri skuadra me peshë në Superiore që kërkojnë shërbimet e mesfushorit, Tirana, Kukësi dhe Vllaznia. Për “telesport.al”, shkodrani pohon se më afër ndodhet Vllaznia, ndërsa ka kryer bisedime në distancë me Kukësin dhe Tiranën. Por, vendimmarrja e tij do të vijë kur ofertat të bëhen konkrete. “Është e vërtetë që kam patur bisedime te Tirana, por ka rreth dy javë që ka ndodhur. Lidhjet vazhdojnë në distancë, por pres që të konkretizohet gjithçka, pasi dua të ulem në tavolinë me ta”.

I pyetur për klube të tjera që interesohen për shërbimet e tij, ai pohon: “Përveç Tiranës, unë kam patur bisedime me Kukësin. Drejtuesit e asaj skuadre janë interesuar për mua dhe kemi biseduar. Normalisht edhe Vllaznia ka patur dëshirë të më rikthejë. Me këtë të fundit bisedimet kanë shkuar shumë afër. Jam takuar me drejtuesit, kemi biseduar, por të ardhmen do ta përcaktoj më vonë”.

“Është oferta financiare që dua ta shoh të shkruar në kontratë, ajo që më mban të pavendosur. Të tre emrat e përmendur ende nuk më kanë bërë ofertën monetare, e cila do të më bëjë që të marr një vendim se ku do të vazhdoj të ardhmen”.

Lajme

Ansi Nika: Kam kontakte me tre klube, Vllaznia mÃ« afÃ«r

Komentet