QetÃ«sohet Zmijani, Kalaja kthehet nÃ« fazÃ«n pÃ«rgatitore

Në grupin e lojtarëve të rinj që pritet të përfaqësojnë Vllazninë e sezonit futbollistik 2015-2016, bën pjesë edhe 19-vjeçari Arlind Kalaja. Futbollisti i dalë nga akademia e shkodranëve ka bërë një paraqitje mjaft të mirë me ekipin, deri në momentin e dëmtimit, duke u konsideruar nga specialistët e futbollit si një ndër zbulimet e kampionatit të shkuar. Gjithsesi lojtari duket se ka lënë pas krahëve problemet shëndetësore dhe do të jetë gati për të nisu nga seancat stërvitore. Ky është një lajm i mirë për trajnerin Luan Zmijani, pasi Kalaja pritet t’i japë më shumë ritëm repartit të sulmit, por edhe mesfushës sepse jo pak herë ai është alternuar edhe në rolin e një mesfushori krahu, duke bërë një paraqitje të mirë dhe qenë një problem serioz për mbrojtjet kundërshtare. Zmijani, i njeh mjaft mirë aftësitë individuale që disponon Kalaja, pasi ashtu si edhe disa të tjerë të këtij brezi e ka pasur pjesë e ekipeve të Akademisë që ka drejtuar sezonin e kaluar. Dëmtimi – Ka qenë një seancë e zakonshme stërvitore në fushën sportive të Shtojit, kur gjatë një përplasje të papërfillshme me kolegun e tij Veçaj, në një mini-ndeshje brenda grupit që do të sillte edhe dëmtimin e 19-vjeçarit. Fillimisht nuk u konstatua për ndonjë problem të rëndë, por një ditë më pas lojtari filloi të kishte dhimbje dhe simptoma të tjera dëmtimi, çka e detyroi atë të evitojë stërvitjen me grupin, ndërkohë që pas diagnostikimit me stafin mjekësor u konstatua se dëmtimi në ligamentin kroçiat anterior ishte serioz. Falë interesimit, jo vetëm të klubit të futbollit Vllaznia, por edhe të familjes së tij, Kalaja gjeti përfundimisht në Tiranë pranë spitalit italian “Salus”. I asistuar nga fizoterapisti i kuqebluve, Ilirjan Haxhaja lojtari iu nënshtrua ndërhyrjes kirurgjikale e cila rezultoi e suksesshme. 4 Muaj i është dashur Kalasë që të rikuperohet dhe të jetë gati për të zbritur sërish në fushën e blertë. Ok Futbollisti 19-vjeçar është një alternativë e mirë për trajnerin Zmijani, pasi mund të luajë si sulmues i parë, por edhe si mesfushor krahu.

Terapia finale në Athinë

19 mars 2014 ka qenë data kur në orët e mbrëmjes futbollisti shkodran Arlind Kalaja ka dalë nga salla e operacionit, ndërkohë që gjithnjë sipas stafit mjekësor që bëri ndërhyrjen e duhur në pjesën e gjurit, për t’ia bashkuar skuadrës Arlindit do t’i duheshin rreth pesë muaj rikuperim, gjë e cila ka ndodhur më herët. Duhet thënë se seancat e terapisë kanë qenë mjaft intensive. Fillimisht me ushtrime noti në pishinë, pastaj me ushtrime komplekse aerobie në palestër dhe më pas edhe me ecje sportive, gjendja e sulmuesit ka ardhur në përmirësim e sipër. Athina, është etapa e fundit në programin rikuperues për Kalanë. Siç e bën të ditur vetë futbollisti në një prononcim për “Sport Ekspres”, ai do të niset sot drejt Greqisë ku sipas një marrëveshje me një staf profesional mjekësor sportiv, do t’i nënshtrohet një programi special themelor rikuperues që pritet të jetë edhe vendimtari në përmirësimin e gjendjes shëndetësore të Kalasë.

Bashkimi me skuadrën

në mesin e qershorit

Duke u bazuar te deklarata Kalasë, bashkimi i tij me skuadrone Vlaznisë pritet të jetë në mesin e qershorit. Kështu ai bën të ditur se për udhëtimin drejt Greqisë ka vënë në dijeni stafin teknik, të cilit gjithmonë duke parashikuar që periudha dy javore e përgatitjes rikuperuese speciale në Greqi do të shkojë mirë, ai e ka programuar rikthimin në Shkodër në mesin e muajit qershor, periudhë kjo që nga vetë drejtuesit e Vllaznisë është planifikuar si fillimi i seancave stërvitore për sezonin e ardhshëm. “Edhe pse pas operimit të 19 marsit, mjekët më deklaruan se do të më duhet rreth pesë muaj periudhë rikuperuese për t’u rikthyer. Por kanë qenë mjekët të cilët duke më testuar ecurinë pozitive progresive rikuperuese gjatë kësaj periudhe me kanë inkurajuar një rikthim të mundshëm më shpejt”, thotë Kalaja, i cili shpreson se me bashkimin e tij me skuadrën rreth mesit të qershorit në bashkëpunim edhe me stafin mjekësor kuqeblu do të testojë parametrat e tij nëse është i gatshëm t’i bashkohet grupit në stërvitjen e plotë apo jo. Gjithsesi, në mbyllje Kalaja shton se pavarësisht afatit kohor, dy javë para apo më pas, e sigurt është se rikthimi i tij në ekip është i pashmangshëm, duke qenë një alternativë e fortë për trajnerin Zmijani.

Sport Ekspres

Lajme

QetÃ«sohet Zmijani, Kalaja kthehet nÃ« fazÃ«n pÃ«rgatitore

Komentet