Lajmet nga Vllaznia

Vllaznia, vijnë 4 futbollistët e parë në provë

Vllaznia, vijnë 4 futbollistët e parë në provë

Bëhet fjalë për portierin malazez Andria Dragojeviç, për dy shqiptarët nga Maqedonia, Valdet Osmani dhe Xhelil Hasani, si dhe për shkodranin e ardhur nga Italia, Benkert Abdija Drejtuesit e Vllaznisë e kanë deklaruar hapur se duan të marrin një portier me përvojë, ngaqë Selimaj pritet të mos jetë i gatshëm për shkak të operacionit Te Vllaznia “vërshojnë” futbollistët në provë. Vetëm ditën e sotme të pranishëm në stërvitje kanë qenë katër futbollistë. Bëhet fjalë për portierin malazez Andria Dragojeviç, për dy shqiptarët nga Maqedonia, Valdet Osmani dhe Xhelil Hasani, si dhe për shkodranin e ardhur nga Italia, Benkert Abdija. Të katër futbollistët, nga dita e sotme, kanë nisur provën, duke u vënë menjëherë në punë për të treguar vlerat e tyre nga ana e trajnerit Zmijani dhe e stafit të tij. Natyrisht që vëmendja kryesore ka qenë e përqendruar te portieri i sapoardhur. Dragojeviç mësohet se është 23 vjeç dhe në karrierën e tij më shumë ka luajtur jashtë vendit. Malazezi, i lindur në Podgoricë, ka qenë pjesë e OFK Beograd pak sezone më parë, ndërkohë që në sezonin e fundit ka luajtur me ekipin Velezh Mostar në Bosnjë. Drejtuesit e Vllaznisë e kanë deklaruar hapur se duan të marrin një portier me përvojë, ngaqë Selimaj pritet të mos jetë i gatshëm deri në shtator apo edhe më tutje, për shkak të operacionit të kryer në gjurin e djathtë.

23 Jun 2015 Te gjitha lajmet

Gocaj: Mungesa në stërvitje? S’më ka lajmëruar kush

Po, kam kontratë, por në të është e shkruar se në fund të sezonit të parë, pra tani, zgjatja e kontratës edhe për sezonin e ardhshëm do të bëhet me marrëveshje dypalëshe Nëse nuk gjejmë gjuhën e përbashkët, do të jem i detyruar të largohem, ndonëse dëshira ime është të luaj sërish për Vllazninë Ajo që ka rënë në sy në seancën e parë stërvitore të këtij sezoni tek ekipi i Vllaznisë, padyshim që ka qenë mungesa e mbrojtësit të djathtë, Olsi Gocaj. Sipas trajnerit Luan Zmijani, ky sportist, ashtu si gjithë të tjerët, është lajmëruar për orarin e nisjes së stërvitjes dhe vendin se ku do të zhvillohej ajo, por sërish Gocaj ka munguar, madje duke mos lajmëruar asnjë pjesëtar të stafit teknik. 25 vjeçari është kontaktuar nga “telesport.al” për t’u pyetur në lidhje me këtë çështje dhe përgjigjia e tij ka qenë e tillë, se nuk e ka lajmëruar kush. Ndër të tjera, ai ka bërë të ditur se do të jetë i pranishëm në seancën e radhës, megjithatë pret të ulet sa më shpejt në tavolinë me drejtuesit e klubit për të saktësuar të ardhmen e tij. Ja intervista e plotë dhënë për faqen tonë:

16 Jun 2015 Te gjitha lajmet
Gocaj: Mungesa në stërvitje? S’më ka lajmëruar kush
Vllaznia nis përgatitjet për sezonin e ri 2015-2016

Vllaznia nis përgatitjet për sezonin e ri 2015-2016

Nën drejtimin e dyshes Zmijani – Dibra, ekipi i Vllaznisë ka zbritur në fushën “Reshit Rusi” për të zhvilluar seancën e parë stërvitore për sezonin e ri futbollistik 2015-2016. Shkodranët janë rikthyer në fushë pas dy javësh pushim dhe seanca e sotme stërvitore ka nisur në orën 17:30 dhe ka zgjatur deri në orën 18:30, pra rreth 1 orë stërvitje. Përsa i përket situatës në të cilën ndodhet ekipi shkodran dhe lojtarët aktual që bëjnë pjesë tek ky ekip, vlen të përmendet se: - Futbollisti Arlind Kalaja nuk është akoma i gatshëm për ekipin e Vllaznisë dhe do ti duhet për të pritur edhe disa ditë të tjera për të zbritur në fushë. Ai nuk ka marrë pjesë në seancën e sotme stërvitore, por ka ndjekur nga afër shokët e ekipit. - Kapiteni Beqiri dhe mbrojtësi Kraja nuk janë aktivizuar me grupin e lojtarëve të tjerë, por kanë zhvilluar vrapime të lehta përreth fushes. Beqiri mund të ketë pësuar një dëmtim në ditët e fundit, ndërsa Kraja vazhdon të “vuajë” dëmtimin që e la jashtë fushave të lojes gjatë gjithë sezonit të kaluar. Por, është rikthyer mesfushori Bardulla, i cili është rikuperuar plotësisht. - Hepaj dhe Kabuni mund të cilësohen si dy “afrime” të reja të ekipit shkodran. Edhe pse në moshe të re, këto lojtarë janë rikthyer tek ekipi shkodran, pasi sezonin e kaluar kanë qenë pjesë e dy ekipeve të tjera. Hepaj ka luajtur për Veleçikun e Koplikut, ndërsa Kabuni ka qenë pjesë e Tërbunit të Pukës. Të dy këto lojtarë kanë dalë nga Akademia Vllaznia dhe me shumë mundësi, sezonin e ardhshëm, do të jenë pjesë e kuqebluve. - Portjeri Selimaj, mbrojtësit Sykaj, Baci dhe Gocaj, sulmuesit Guri dhe Hajdari, nuk kanë qenë të pranishëm në seancën stërvitore. Nëse Selimaj pritet të rikthehet në ditët në vazhdim, pasi vuan edhe ai nga një dëmtim, pesë lojtarët e tjerë mund të mos jenë pjesë e Vllaznisë për sezonin e ri. Baci dhe Hajdari kanë rënë dakort me ekipin shkodran për tu larguar dhe do të përpiqen të gjejnë një ekip tjetër për të vazhduar karrierën e tyre, ndërsa për Gocajn, Sykajn dhe Gurin situata nuk është e qartë. - Gjithashtu, kanë munguar edhe tre të rinjtë: Sherri, Gurishta dhe Krymi, por këto lojtarë janë në grumbullim me Kombëtaren Shqiptare U-21 dhe priten të rikthehen tek ekipi i Vllaznisë pas dy ditësh. - Edhe pse emrat e tyre po përfliten shumë në këtë merkato verore, Lika dhe Tafili kanë qenë të pranishëm në seancën e sotme stërvitore. Tafili ka pasur disa oferta nga ekipet e Superiores, ndërsa Lika flitet se është shumë pranë ekipit të Partizanit. Me shumë mundësi, e ardhmja e këtyre lojtarëve do të mësohet nga fundi i Qershorit, por në këto dy javë ata do të jenë pjesë e ekipit të Vllaznisë.

16 Jun 2015 Te gjitha lajmet

NJOFTIM

Te henen pasdite ora 17.30 ne fushen "Reshit Rusi", ekipi i Vllaznise do te nise pergatitjet per sezonin e ri.ndryshe nga sa thuhet dhe aludohet, stafi teknik ka bere te ditur se ne kete seance te pare nuk do te kete asnje futbollist te te rinjte por te pranishem do te jene vetem lojtaret qe jane nen kontrate me Vllaznine.

15 Jun 2015 Te gjitha lajmet
NJOFTIM