Shkodra është qyteti që furnizon me më shumë futbollistë 10 skuadrat e Kategorisë Superiore. Pas një vëzhgimi të "Panorama Sport" për afro 250 futbollistë të federuar për pjesën e mbetur të sezonit në Superiore, rezulton se Shkodra sfidon edhe kryeqytetin.
Gjithsesi, numri 1 i pankinës shkodrane po merr edhe masat në rast mungese të tij. Të gatshëm janë dy futbollistët 20-vjeçarë, Pjeshka dhe Gurishta. Njëri prej tyre do të ishte në fushë, në mungesë të beratasit. Sidoqoftë, të gjitha gjasat janë që Polizoi Arbri të jetë nga minuta e parë në fushë.
Në transfertën e Durrësit, Vllazninë pritet ta mbështesë një numër i konsiderueshëm tifozësh, të cilët po i qëndrojnë pranë asaj dhe duan ta ndihmojnë për marrjen e një tjetër rezultati pozitiv. Skuadra, ndërkohë, është mbajtur larg medias ditët e fundit nga ana e trajnerit Cungu, pikërisht për ta larguar nga euforia e mundshme, sepse ajo duhet të qëndrojë me këmbë në tokë.
Duhet të punojnë fort dita-ditës, sepse nuk mund të ndryshojmë gjithçka me shkop magjik, në pak ditë. Dëshira e futbollistëve për të fituar më jep shumë garanci se do t'i arrijmë objektivat. Këta djem e kanë kuptuar se kanë mundësi të luajnë mirë, të përfaqësojnë si duhet Vllazninë, të sfidojnë edhe Skënderbeun. Gëzimin e suksesit e ndaj me stafin, me lojtarët, me tifozët.
Sfida mendohet të jetë e fortë dhe tifozët shkodranë sigurisht që do t'i mbështesin fort kuqeblutë për marrjen e një tjetër rezultati pozitiv. Kjo do të jetë 11-shja me të cilën shkodranët do të tentojnë të marrin një rezultat pozitiv ndaj kampionëve në fuqi të vendit dhe kryesuesve aktualë të renditjes
