Orët e fundit të merkatos së kampionatit shqiptar kanë sjellë një tjetër futbollist tek Vllaznia. Bëhet fjalë për sulmuesin 27-vjeçar, Andi Ribaj. Ai ka mbërritur në Shkodër pasditen e së martës dhe ka mbyllur gjithçka sa i takon marrëveshjes me drejtuesit e klubit, duke hedhur më pas edhe firmën në kontratë.
Erjon Vucaj është zyrtarisht futbollist I Vllaznisë. Ai ka firmosur mesditën e sotme kontratën me drejtuesit e klubit dhe kësisoj bëhet blerja e pestë e skuadrës tonë në merkaton e kësaj vere. Mesfushori I talentuar shkodran ka qenë në bisedime prej dy ditësh me drejtuesit e klubit dhe gjithçka ka përfunduar sot teksa ka gjetur akordin që është shoqëruar edhe me hedhjen e firmës në kontratë. Në këtë mënyrë, 26 vjeçari do t’I bashkohet menjehere skuadrës në stërvitje. Ky padyshim që është një përforcim shumë I rëndësishëm për trajnerin Armando Cungu nisur nga vlerat sportive që ai posedon.
Përpjekjet e drejtuesve të Vllaznisë për të gjetur lojtarët e duhur në merkato, vazhdojnë. Për këtë arsye ditën e sotme kanë mbërritur në kampingun e skuadrës tonë në Berane edhe dy futbollistë të tjerë. Bëhet fjalë për Karlo Kesinoviç dhe Randy Onuoha. I pari është kroat, luan në rolin e qendërmbrojtësit, është 27 vjeç dhe 1.96 m i lartë. Në sezonin e fundit ka qenë pjesë e ekipit maltez të Superligës St. Andreës FC. I dyti ndërkohë është me pasaportë hollandeze dhe luan si mbrojtës i majtë. Onuoha është 23 vjeç dhe 1.80 m i lartë. Në sezonin e fundit ka qenë pjesë e ekipit Neftochimik në Bullgari. Ato do të testohen menjëherë që në miqësoren që kuqeblutë do të zhvillojnë pasditen e së premtes ndaj ekipit malazez Petnjica. Drejtuesit e klubit shpresojnë që këta futbollistë të bindin stafin teknik në mënyrë që më pas të hedhin firmë në kontratë për të plotësuar siç duhet skuadrën në prag të nisjes së sezonit të ri futbollistik.
Nje tjeter perforcim per ekipin tone. Sulmuesi Charles Atsina ka gjetur akordin me drejtuesit e klubit dhe me pas ka firmosur kontraten e ofruar nga ato. Kesisoj, ai do te jete pjese e Vllaznise per sezonin e ardhshem, me opsionin per ta zgjatur edhe nje tjeter. Mire se erdhe Charles!
Pas rikthimit të mesfushorëve Edon Hasani dhe Gilman Lika, Vllaznia ka arritur te gjeje akordin edhe me nigerianin Nuredin Orelesi i cili ka formosur sot dhe tashme eshte lojtari me i ri i Vllaznise.Me perpara Orelesi ka qene mesfushor i skuadrave si Skenderbeu dhe Dinamo.
Vllaznia ka zhvilluar miqësoren e radhës me Kastriotin dhe e ka fituar thellë atë, duke bindur në lojë, çka normalisht e kënaq trajnerin Armando Cungu. Një nga qëllimet e këtij testi me krutanët ishte vëzhgimi i lojtarëve të ardhur në provë dhe për dy prej tyre ende nuk është marrë një vendim, madje që të arritën të shënonin dy golat e parë në miqësoren e djeshme, konkretisht Dupovac në minutën e nëntë dhe Atsina në të 16-n.
