Klubi “Vllaznia” ka rregulluar tribunën VIP dhe atë të gazetarëve, ka shtuar numrin e vendeve të tifozëve, i ka pajisur ato me karrige plastike, ka rregulluar infrastrukturën rreth e qark saj, etj. etj. Në këtë mënyrë, tashmë duhet parë se çfarë do të thonë përfaqësuesit e federatës, nëse do ta liçensojnë atë apo jo. Drejtuesit e Vllaznisë kanë shumë dëshirë që të luajnë në këtë fushë ndaj Skënderbeut, javën e ardhshme, megjithatë deri në këto momente asgjë nuk është e sigurtë.

Në rast të kundërt, ata do të jenë të detyruar të gjejnë “strehë” tjetër, derisa të ndërtohet përfundimisht stadiumi “Loro Boriçi”, ashtu siç bënë edhe në fundin e sezonit të kaluar, kur zhvilluan disa takime larg Shkodrës. Kjo gjë nuk e favorizon aspak ekipin kuqeblu, që do të haste vështirësi të mëdha për të marrë pikë, duke i luajtur të gjitha takimet jashtë qytetit të tij.

Komentet