Fabio Gjonikaj, një alternativë për portën shkodrane

Pukjani aktivizohet rregullisht te Partizani B, pasi është portier i tretë i ekipit të parë.Vllaznia ka shfaqur interes për lojtarin kur aktivizohej te Dinamo para dy sezonesh Përveç Andrija Dragojeviç, një tjetër alternativë për portën shkodrane mund të jetë edhe Fabio Gjonikaj. 20-vjeçari i talentuar ka kohë që është vënë në shënjestrën e drejtuesve të Vllaznisë dhe mbase këtë herë mund të arrihet një marrëveshje që ai të vishet kuqeblu. Portieri, që në sezonin e fundit ka qenë pjesë e Partizanit, kërkon të nisë një përvojë të re dhe për këtë arsye është kontaktuar me drejtorin teknik të Vllaznisë, Armir Grima, dhe me të është folur rreth mundësisë së transferimit të këtij futbollisti. Ende nuk mund të thuhet me saktësi nëse ai do t’i bashkohet skuadrës shkodrane apo jo, sepse gjithçka do të varet edhe nga ardhja apo jo e portierit malazez Dragojeviç. Nëse ai vjen, do të jetë e vështirë marrja e Gjonikajt, pasi do të bëheshin katër portierë në dispozicion të stafit teknik dhe nuk do kishte hapësirën e duhur për aktivizim.